મહેસાણામાં ભાજપ-કોંગ્રેસના સમર્થકો વચ્ચે ખૂની ખેલ
ભાજપ ઉમેદવારના ભાણાની છરીના ઘા ઝીંકી હત્યા
પોલીસે હુમલાખોરોને ઝડપી પાડવા માટે વિસ્તારના સીસીટીવી ફૂટેજ કબજે કર્યા ઃ ઘટનાને પગલે સમગ્ર પંથકમાં ભારેલા અગ્નિ જેવી સ્થિતિ સર્જાઈ
નવી દિલ્હી,સ્થાનિક સ્વરાજ્યની ચૂંટણીના પ્રચારના ધમધમાટ વચ્ચે મહેસાણા શહેરમાં કાયદો અને વ્યવસ્થાની સ્થિતિ કથળી છે. વોર્ડ નંબર ૪માં રાજકીય વિવાદે લોહિયાળ સ્વરૂપ ધારણ કરતાં ભાજપના ઉમેદવારના ભાણાની છરીના ઘા ઝીંકી હત્યા કરવામાં આવી છે. આ ઘટનાને પગલે સમગ્ર પંથકમાં ભારેલા અગ્નિ જેવી સ્થિતિ સર્જા છે.મળતી વિગતો અનુસાર, મહેસાણાના તાવડિયા રોડ વિસ્તારમાં ભાજપ અને કોંગ્રેસના સમર્થકો વચ્ચે જૂથ અથડામણ થઈ હતી. ભાજપના ઉમેદવારના ભાણા મિતેન ચૌધરી પર ૪ થી ૫ અજાણ્યા શખસોએ તીક્ષ્ણ હથિયારો અને લાકડીઓ વડે જીવલેણ હુમલો કર્યાે હતો.
આ હુમલામાં મિતેન ચૌધરીને ગંભીર ઇજાઓ પહોંચતા તેમને તાત્કાલિક હોસ્પિટલ ખસેડાયા હતા, જ્યાં સારવાર દરમિયાન તેણે દમ તોડ્યો હતો. આ હુમલામાં ધીમંત ચૌધરી નામનો અન્ય એક યુવક પણ ઈજાગ્રસ્ત થયો છે. બીજી તરફ, સામે પક્ષે કોંગ્રેસ ઉમેદવારના પતિને પણ ઈજાઓ પહોંચી હોવાની માહિતી મળી રહી છે.આ મામલે DySP એ જણાવ્યું કે, ‘આ હિંસક ઘટના ગઈકાલે મોડી રાત્રે મહેસાણા શહેર ‘એ’ ડિવિઝન પોલીસ સ્ટેશન વિસ્તારમાં આવતા માનવઆશ્રમ ચોકડીથી તાવડિયા તરફ જવાના રસ્તા પર બની હતી.
મિતેન ચૌધરી અને તેનો મિત્ર ધીમંત ચૌધરી અન્ય બે મિત્રો સાથે ગાડીમાં પસાર થઈ રહ્યા હતા, ત્યારે ચારથી પાંચ અજાણ્યા શખસોએ તેમની ગાડી આંતરીને અટકાવી હતી. હુમલાખોરોએ આયોજનબદ્ધ રીતે તીક્ષ્ણ હથિયારો, લાકડીઓ અને પાઈપ વડે યુવકો પર તૂટી પડ્યા હતા. આ હુમલામાં મિતેન ચૌધરીને ગંભીર ઈજાઓ પહોંચી હતી, જેના કારણે સારવાર દરમિયાન તેનું મૃત્યુ નિપજ્યું છે. અન્ય ભોગ બનનાર યુવક ધીમંત ચૌધરીને પણ ઈજાઓ થઈ છે અને હાલ તે હોસ્પિટલમાં સારવાર લઈ રહ્યો છે.’ઘટનાની જાણ થતા જ જિલ્લા પોલીસના ઉચ્ચ અધિકારીઓ સહિત એ-ડિવિઝન પોલીસ અને LCB (લોકલ ક્રાઈમ બ્રાન્ચ) નો કાફલો ઘટનાસ્થળે અને હોસ્પિટલ દોડી ગયો હતો. પોલીસે હુમલાખોરોને ઝડપી પાડવા માટે વિસ્તારના CCTV ફૂટેજ કબજે કર્યા છે. તેમજ ટેકનિકલ સર્વેલન્સ અને CDR (કોલ ડિટેલ રેકોર્ડ) ના આધારે આરોપીઓની શોધખોળ શરૂ કરી છે.SS1
