ચૂંટણી નિરીક્ષકે અમદાવાદ મહાનગરપાલિકા વિસ્તારના વિવિધ મતદાન મથકોની મુલાકાત લીધી

અમદાવાદ મહાનગરપાલિકા ચૂંટણી ૨૦૨૬

અમદાવાદ મહાનગરપાલિકાની સામાન્ય ચૂંટણીઓ મુક્ત અને ન્યાયી વાતાવરણમાં યોજાય તે માટે રાજ્ય ચૂંટણી પંચ દ્વારા નિયુક્ત કરવામાં આવેલા ચૂંટણી નિરીક્ષક શ્રીમતી અવંતિકા સિંઘ ઔલખ (IAS) દ્વારા રવિવારે મતદાનના દિવસે શહેરના વિવિધ મતદાન મથકોની રૂબરૂ મુલાકાત લેવામાં આવી હતી.

ચૂંટણી નિરીક્ષકશ્રીએ સવારે  એસ.પી. સ્ટેડિયમની વિદ્યાનગર હાઇસ્કૂલ, ઉસ્માનપુરાના વિવિધ બુથ,  નારણપુરાની સેન્ટ ઝેવિયર્સ હાઇસ્કૂલના બુથ, નવરંગપુરાની એ.જી. ટીચર્સ હાઇસ્કૂલના બુથ તેમજ સી.એન. વિદ્યાલયના વિવિધ બુથની મુલાકાત લીધી હતી.

આ મુલાકાત દરમિયાન તેમણે મતદાન મથકો પર મતદારો માટેની સુવિધાઓ અને સુરક્ષા વ્યવસ્થા નિહાળી હતી. ચૂંટણી નિરીક્ષકશ્રીએ મતદાન મથકો પર જિલ્લા વહીવટી તંત્ર દ્વારા ઉપલબ્ધ કરાવવામાં આવેલી વ્યવસ્થાઓ અંગે ઝીણવટભરી માહિતી મેળવી હતી અને તંત્રની કામગીરી પ્રત્યે સંતોષ વ્યક્ત કર્યો હતો.

અત્રે ઉલ્લેખનીય છે કે, અમદાવાદ મ્યુ. કોર્પોરેશનની 2026ની ચૂંટણીમાં

૧. વોર્ડની સંખ્યા:

• કુલ વોર્ડ: ૪૮

• આ ૪૮ વોર્ડમાંથી દરેક ૪ કોર્પોરેટરને ચૂંટે છે (૪-સીટ વોર્ડ સિસ્ટમ).

૨. મતદાન મથકોની સંખ્યા (પોલિંગ બૂથ):

• કુલ મથકો: આશરે ૪,૨૦૦ થી ૪,૩૦૦. ચૂંટણી પંચ મતદારોની સંખ્યાને વ્યવસ્થિત કરવા માટે જરૂરિયાત મુજબ બૂથ ઉમેરે છે અથવા ઘટાડે છે.

૩. વોર્ડ દીઠ અંદાજિત મતદારો:

• અમદાવાદ મ્યુનિસિપલ વિસ્તારમાં આશરે ૪.૩ મિલિયન (૪૩ લાખ) નોંધાયેલા મતદારો છે.

• વોર્ડ દીઠ સરેરાશ મતદારો: ~૮૯,૦૦૦ થી ૯૦,૦૦૦.

૪. મતદાન મથક દીઠ અંદાજિત મતદારો:

• ચૂંટણી પંચ સામાન્ય રીતે લોજિસ્ટિકલ મેનેજમેન્ટ માટે બૂથ દીઠ મતદારોની સંખ્યા મર્યાદિત રાખવાનો પ્રયાસ કરે છે.

• મથક દીઠ સરેરાશ મતદારો: ~૧,૦૦૦ થી ૧,૧૦૦.

માહિતીનો સ્ત્રોત: આ આંકડા તાજેતરની AMC ચૂંટણીઓના ડેટા પર આધારિત અંદાજો છે.

નોંધ: આ આંકડા તાજેતરની મ્યુનિસિપલ ચૂંટણીઓમાં ઉપયોગમાં લેવાયેલ પ્રમાણભૂત માળખા પર આધારિત છે. ગુજરાત રાજ્ય ચૂંટણી પંચ (SEC) કોઈપણ ચોક્કસ ચૂંટણીની તારીખની નજીકના સમયમાં મતદાર યાદી અને મતદાન મથકોની સંખ્યા અપડેટ કરે છે.