આમોદમાં પ્રેમ સંબંધમાં યુવકની હત્યા કરનાર આરોપી ઝડપાયો
આમોદ પોલીસે ઘટનાનું રિકન્સ્ટ્રક્શન કરાવી યુવકને જેલના સળીયા પાછળ ધકેલી દીધો
(પ્રતિનિધિ) ભરૂચ, આમોદ નગરમાં આવેલા એસ.ટી.ડેપો પાસે મહમદ શાહપીરની દરગાહ નજીક ગત રોજ બપોરના સમયે જાહેરમાં એક ૪૦ વર્ષીય યુવક મહેબૂબ ઉર્ફે લાલા મહીડાને સાહિલ ચૌહાણ નામના યુવકે છરાના ઉપરાછાપરી ઘા મારી લોહીલુહાણ કરી મોતને ઘાટ ઉતાર્યો હતો.
અત્રે ઉલ્લેખનીય છે કે મહેમુબભાઈ ઉર્ફે લાલાભાઈ મોહમદભાઇ મહીડાને આરોપીના પોતાના મોટાભાઈ સરફરાજનાઓનુ મરણજનારના કુટુબના ઐયુબભાઈની પત્ની સાથે પ્રેમ સંબધ હતો.
જેથી પ્રેમ સંબંધની રીસ રાખી આરોપી સાહિલ ચૌહાણે મહેબૂબ ઉર્ફે લાલાભાઈ મહીડાને મોતને ઘાટ ઉતારી દીધો હતો અને તેની બાઇક સ્થળ ઉપર જ મૂકી ફરાર થઈ ગયો હતો.ત્યારે ગત રોજ રાત્રીના સમયે ભરૂચ એલ.સી.બી પોલીસે તેને ઝડપી આમોદ પોલીસને સોંપ્યો હતો.
આમોદ પોલીસે આજ રોજ આરોપી સાહિલ રણજિત ચૌહાણને સાથે રાખી ઘટના સ્થળે પહોંચી હતી અને સ્થળ ઉપર પોલીસે ઘટનાનું રિકન્સ્ટ્રક્શન કરાવ્યું હતું.તેમજ વિડિઓગ્રાફી સહિત પંચનામાની કામગીરી કરી હતી.ત્યારે હત્યાને અંજામ આપનાર યુવકને જોવા માટે લોકોના ટોળેટોળા સ્થળ ઉપર ઉમટી પડ્યા હતા.આમોદ પોલીસે આરોપી પાસેથી હત્યામાં વપરાયેલું તીક્ષ્ણ હથિયાર પણ કબજે લીધું હતું.તેમજ બાઇક મુકીને ભાગી જનાર હત્યારા યુવકનું પોલીસે બાઇક પણ કબજે લીધું હતું.પોલીસે સાહિલ ચૌહાણને જેલના સળિયા પાછળ ધકેલી દીધો હતો.
ભરૂચ લોકલ ક્રાઈમ બ્રાન્ચ તેમજ આમોદ પોલીસે જાહેરમાં ૪૦ વર્ષીય પરણિત યુવક મહેબૂબ ઉર્ફે લાલાભાઈ મહીડાની હત્યા કરનાર આરોપી સાહિલ ચૌહાણે ગણતરીના કલાકોમાં જ ઝડપી પાડ્યો હતો.અને આજ રોજ ઘટનાનું રિકન્સ્ટ્રક્શન કરાવવા સ્થળ ઉપર લાવતા મૃતકના પરિવારજનોએ હત્યારા યુવકને તંત્ર પાસે ફાંસીની સજાની માંગ કરી હતી.
અત્રે ઉલ્લેખનીય છે કે મૃતક મહેબૂબ પરણિત છે અને તેનું મૃત્યુ થતા તેની પત્ની તથા સંતાનોમાં બે બાળકો હોવાથી તેના સંતાનો નિરાધાર બની ગયા હતા.ત્યારે મૃતકના પિતા પિતા મહંમદ મહીડાએ આરોપી યુવકને ફાંસીની સજાની માંગ કરી હતી.તેમજ તેના ઘર ઉપર પણ બુલડોજર કાર્યવાહીની માંગ કરી હતી.
