જનગણના ૨૦૨૭: પોર્ટલ https://se.census.gov.in પર જઈને નાગરિકો આગામી ૩૧ તારીખ સુધીમાં સ્વ-ગણતરી પૂર્ણ કરી શકશે
AI Image
જનગણના ૨૦૨૭: ડિજિટલ સેલ્ફ-એન્યુમરેશન (સ્વ-ગણતરી) પોર્ટલ શરૂ; નાગરિકો ઘરે બેઠા જ ૧૫-૨૦ મિનિટમાં ૩૧ મે સુધીમાં કરી શકશે પોતાના પરિવારની ગણતરી
ગણતરીદારની ઘર-ઘર મુલાકાતના ૩૧ મે સુધી પોર્ટલ ખુલ્લું રહેશે-સફળ સબમિશન પર ૧૧ અંકનો ‘SE ID’ મળશે
અમદાવાદ: દેશની આગામી ‘જનગણના ૨૦૨૭’ના પ્રથમ તબક્કાને વધુ સુદ્રઢ, ઝડપી અને ટેકનોલોજી સભર બનાવવા માટે સરકાર દ્વારા ડિજિટલ માધ્યમથી ‘સ્વ-ગણતરી’ (Self-Enumeration) ની વિશેષ સુવિધા શરૂ કરવામાં આવી છે.
ગણતરીદાર (Enumerator) દ્વારા કરવામાં આવતી ઘર-ઘર મુલાકાતના ૩૧ મે સુધી આ પોર્ટલ નાગરિકો માટે ખુલ્લું રહેશે. સમગ્ર પ્રક્રિયા ઓનલાઇન હોવાથી નાગરિકો માત્ર ૧૫ થી ૨૦ મિનિટમાં જ પોતાના પરિવારની વિગતો સુરક્ષિત રીતે પોતે જ ડિજિટલ પોર્ટલ પર નોંધી શકશે.
નાગરિકો કોઈપણ ભૂલ વગર સરળતાથી ઓનલાઇન સ્વ-ગણતરી કરી શકે તે માટે સત્તાવાર પ્રક્રિયા અને માર્ગદર્શિકા જાહેર કરવામાં આવી છે:
સ્વ-ગણતરી (Self-Enumeration) કરવાની ક્રમવાર સત્તાવાર પ્રક્રિયા
- પોર્ટલ પર પ્રવેશ
સૌ પ્રથમ લેપટોપ અથવા ડેસ્કટોપ કોમ્પ્યુટરનો ઉપયોગ કરીને સત્તાવાર વેબસાઇટ*https:se.census.gov.in* પર જાઓ*
* ત્યાં તમારું *રાજ્ય/સંઘ પ્રદેશ* પસંદ કરી, સ્ક્રીન પર દર્શાવેલ *કેપ્ચા (Captcha) કોડ* દાખલ કરો.
- કુટુંબની નોંધણી – Registration
* કુટુંબના મુખ્ય વ્યક્તિનું નામ ચોકસાઈપૂર્વક દાખલ કરો. (નોંધ: આ નામ એકવાર દાખલ કર્યા બાદ બદલી શકાશે નહીં).
* એક કુટુંબ માટે એક જ મોબાઈલ નંબર નોંધવાનો રહેશે.
* ઈમેઈલ આઈડી આપવો વૈકલ્પિક છે.
- ભાષા પસંદગી અને OTP વેરિફિકેશન
* તમારી અનુકૂળતા મુજબની ભાષા પસંદ કરો (જે પછીથી બદલી શકાશે નહીં).
* ત્યારબાદ તમારા રજિસ્ટર્ડ મોબાઈલ નંબર પર આવેલો *OTP દાખલ કરી* વેરિફિકેશન પ્રક્રિયા પૂર્ણ કરો.
- રહેણાંક સ્થળની વિગતો
* તમારો *જિલ્લો, ગામ અથવા શહેર, વિસ્તાર* અને નજીકનું જાણીતું *ભૂચિહ્ન (Landmark)* દાખલ કરો.
* એરિયા પિનકોડ (PIN) નાખવો વૈકલ્પિક છે.
- નકશામાં ઘર દર્શાવવું – Geo-tagging
* ડિજિટલ નકશા પર દેખાતા *લાલ માર્કર (Red Marker)* ને ખેંચીને (Drag કરીને) તમારા ઘરના ચોક્કસ સ્થાન પર મૂકો અને *”સેવ કરો અને આગળ”* પર ક્લિક કરો.
* આ પ્રક્રિયાથી ડેટાને ચોક્કસ *HLB (House Listing Block)* માં ફાળવવામાં મદદ મળશે.
- પ્રશ્નાવલી ભરવી
* સ્ક્રીન પર દેખાતી ઘરયાદી અને મકાનોની ગણતરી સંબંધિત સત્તાવાર પ્રશ્નાવલી ભરો. આ પ્રશ્નાવલી ગણતરીદાર લાવે છે તેવી જ સમાન હશે.
* મુશ્કેલીના સમયે મદદ માટે પોર્ટલ પર આપેલ નોટ્સ, ટૂલટિપ્સ અને વારંવાર પૂછાતા પ્રશ્નો (FAQs) નો ઉપયોગ કરી શકાશે.
- માહિતીની સમીક્ષા – Preview
* ફોર્મ સબમિટ કરતાં પહેલાં *’પ્રિવ્યુ સ્ક્રીન’* પર ભરેલી તમામ માહિતીની ચકાસણી કરી લો.
* જો કોઈ ભૂલ હોય તો સુધારો કરો. તમે આ વિગતોને ડ્રાફ્ટ તરીકે પણ સેવ કરી શકો છો.
- અંતિમ સબમિશન અને SE ID મેળવવો
* છેલ્લી તારીખ પહેલાં ફોર્મ *’Final Submit’* કરો. યાદ રાખો કે અંતિમ સબમિટ પછી કોઈ ફેરફાર થઈ શકશે નહીં.
* સફળ સબમિશન બાદ સ્ક્રીન પર *’H’ અક્ષરથી શરૂ થતો ૧૧ અંકોનો વિશિષ્ટ *SE ID (Self-Enumeration ID)* જનરેટ થશે, જે SMS અને ઈમેઈલ દ્વારા પણ મળશે*
* આ આઈડીનો સ્ક્રીનશોટ લઈ સુરક્ષિત સાચવી રાખવો.
ફીલ્ડ વેરિફિકેશન (ગણતરીદારની મુલાકાત વખતે શું કરવું?):
જ્યારે જનગણના વિભાગના ગણતરીદાર (Enumerator) આપના ઘરે રૂબરૂ મુલાકાતે આવે, ત્યારે તેમને આ ૧૧ અંકનો SE ID બતાવવાનો રહેશે. ગણતરીદાર પોતાના ઉપકરણમાં આ આઈડી મેળવશે અને જો માહિતી મેચ થશે તો વિગતોને સીધી જ માન્ય (Validate) કરી દેવામાં આવશે. જો કોઈ કારણસર આઈડી ઉપલબ્ધ નહીં હોય, તો ગણતરીદાર નિયમ મુજબ નવી માહિતી સ્થળ પર જ એકત્રિત કરશે.
નાગરિકો માટે મહત્વપૂર્ણ સૂચનાઓ
ગોપનીયતા વસ્તી ગણતરીના પોર્ટલ તરફથી આવતો OTP ક્યારેય કોઈ અજાણી વ્યક્તિ સાથે શેર કરશો નહીં.
સચોટતા રાષ્ટ્રના આયોજન માટે માહિતી હંમેશા સાચી અને સંપૂર્ણ જ ભરો.
પુરાવો ફોર્મ સબમિટ થયા બાદ SE ID નો સ્ક્રીનશોટ અથવા પ્રિન્ટ આઉટ અચૂક સાચવી રાખો.
સુરક્ષા વસ્તી ગણતરી માટે માત્ર ને માત્ર સરકારના અધિકૃત પોર્ટલ https://se.census.gov.in નો જ ઉપયોગ કરવો.
આગામી ૩૧ તારીખ સુધી આ પોર્ટલ પર સ્વ-ગણતરીની સુવિધા ઉપલબ્ધ છે. તમામ નાગરિકોને અપીલ કરવામાં આવે છે કે રાષ્ટ્રનિર્માણના આ મહાઅભિયાનમાં ડિજિટલ માધ્યમનો ઉપયોગ કરી, સમયસર પોતાની અને પોતાના પરિવારની સ્વ-ગણતરી પૂર્ણ કરી જવાબદાર નાગરિક તરીકેની ફરજ નિભાવે.
