રવિ દુબે તેમજ સરગુન મહેતાની વેડિંગ એનિવર્સરી
મુંબઈ: ટીવીના મોસ્ટ પોપ્યુલર કપલમાંથી એક રવિ દુબે અને સરગુન મહેતાએ ગઈકાલે (૭ ડિસેમ્બર) સાતમી વેડિંગ એનિવર્સરી સેલિબ્રેટ કરી હતી. કપલે પોતાના ઈન્સ્ટાગ્રામ અકાઉન્ટ પર એકબીજા સાથેની તસવીરો શેર કરીને ખાસ દિવસની શુભેચ્છા પાઠવી હતી.
રવિ દુબેએ બંને યોટમાં પોઝ આપી રહ્યા હોય તેવી કેટલી તસવીરો શેર કરી હતી. આ સાથે તેણે નાનકડું પણ સ્વીટ કેપ્શન પણ આપ્યું હતું. તેણે લખ્યું હતું કે, ‘સાત જન્મ પહેલા સાત વર્ષ મુબારક સર્ગુન. બંને એનિવર્સરી પર રોમાન્ટિક ડેટ પર ગયા હતા તે દરમિયાનની આ તસવીરો છે.
સરગુન મહેતાએ પણ બંને ખુલીને હસી રહ્યા હોય તેવી તસવીર શેર કરી હતી. આ સાથે તેણે લખ્યું હતું કે, ‘પ્રેમ, જીવન, હાસ્ય. હું છું.હેપી એનિવર્સરી બડી રવિ દુબે. રવિ દુબેએ એક વીડિયો પણ શેર કર્યો છે જેમાં તેમની પ્રેમમાં પડવાથી લઈને લગ્ન કરવા સુધીની જર્ની જાેવા મળી રહી છે.
વીડિયોમાં બંનેએ સાથે પસાર કરેલી ક્ષણો જાેવા મળી રહી છે. આ સુંદર વીડિયોમાં રવિ અને શરગુન એકબીજા વિશે વાતો કરી રહ્યા છે. આ સાથે તેણે લખ્યું છે કે, ‘અમે સાત વર્ષના થયા. એક્ટરે શેર કરેલા આ વીડિયો પર ફેન્સ તેમજ ઈન્ડસ્ટ્રીના ફેન્સ બંનેને શુભકામના પાઠવી હતી.
કરણવીર બોહરા, દ્રષ્ટિ ધામી, ડેલનાઝ ઈરાની, અરજીત તનેજા, કોરિયોગ્રાફર ટેરેંસ લુઈસ તેમજ અન્ય ઘણા સેલેબ્સે કોમેન્ટ કરીને કપલ પર પ્રેમ વરસાવ્યો હતો. રવિ દુબે અને સરગુન મહેતાની પહેલી મુલાકાત તેમના પહેલા શો ૧૨/૨૪ કારોલ બાગના સેટ પર થઈ હતી. આ દરમિયાન તેઓ પ્રેમમાં પડ્યા હતા. બાદમાં રવિ અને સરગુને સેલેબ્સ ડાન્સ રિયાલિટી શો નચ બલિયેની પાંચમી સીઝનમાં ભાગ લીધો હતો. જ્યાં ડાન્સ પર્ફોર્મન્સ બાદ રવિએ સરગુનને પ્રપોઝ કર્યું હતું. બંનેના લગ્ન વર્ષ ૨૦૧૩માં થયા હતા.
