અભિનેત્રી રુપાલી ગાંગુલી દર્શકોનો પ્રેમ મેળવીને ખુશ
મુંબઈ: પોપ્યુલર સીરિયલ અનુપમાના દરેક કલાકારોને દર્શકો તરફથી ખૂબ પ્રેમ મળી રહ્યો છે. તે પછી શોમાં લીડ રોલ પ્લે કરી રહેલી રુપાલી ગાંગુલીની વાત હોય કે પછી વિલનનો રોલ પ્લે કરી રહેલી તસનીમ શેખની વાત. તસનીખ શેખ સીરિયલમાં રાખી દવેનો રોલ પ્લે કરી રહી છે. તેના આ કેરેક્ટરને જે પોઝિટિવ ફીડબેક મળી રહ્યો છે, તેનાથી એક્ટ્રેસ ખૂબ ખુશ છે. તસનીમે કહ્યું કે, ‘લોકો તરફથી મળી રહેલી પ્રતિક્રિયા ઉત્સાહ વધારી રહી છે.
લોકોને મારું કેરેક્ટર ગમી ગયું છે અને હાલના ટ્રેકથી તેઓ ખુશ છે. જ્યાં રાખીએ વનરાજની (સુધાંશુ પાંડે) પોલ છતી કરી દીધી છે. દર્શકોને રાખી જે રીતે બોલો છે તે પસંદ આવી રહ્યું છે કે પછી તે બીજા લોકોને જે રીતે ટોણા મારે છે તે ગમી રહ્યું છે, તેના વિશે તો હું નથી જાણતી. પરંતુ મારા ભાગનો જે પ્રેમ અને અટેન્શન મને મળી રહ્યું છે, તેનાથી હું ખુશ છું. રાજન શાહી સાથે કામ કરવું તે તસનીમ શેખનું એક સપનું હતું, જે હવે પૂરું થતાં તે ખુશ છે.
અનુપમાની ટીમ સાથે જાેડાવાની તક મળી તે વાતથી જ ઉત્સાહી થઈ ગઈ હતી. મારા કેરેક્ટર વિશે વાત કરતાં રાજનજીએ મને કહ્યું હતું કે, તું આ ભૂમિકા નિભાવ. તને પણ મજા આવશે. તેમના દ્રઢ વિશ્વાસને જાેઈને મેં હા પાડી દીધી. રાજનજી પર્ફેક્શન માટે જાણીતા છે અને તેમની સાથે કામ કરવું તે એક સિદ્ધિ છે. આ શોનો ભાગ બનીને ખુશ છું અને મને અહીંયા નવો પરિવાર પણ મળી ગયો છે. તસનીમે ઉમેર્યું કે, શોએ મને ઘણો પ્રેમ આપ્યો. ‘ક્યૂકિ સાસ ભી કભી બહૂ થી’માં ‘મોહિની’ના રોલથી લઈને અત્યારસુધીમાં જે કામ કર્યું તેમાં લોકોએ મને પસંદ કરી.
રાખી મોહિની કરતાં એકદમ અલગ છે. રાખી દવેનો રોલ કરવા માટે મને સમજાવવા બદલ રાજનજીનો ખૂબ-ખૂબ આભાર. તસનીમે કહ્યું કે, સેટ પર તેનું દરેક વ્યક્તિ સાથેનું બોન્ડિંગ સારું છે. ‘દરેક કો-સ્ટાર્સ સાથે મને સારું ફાવે છે. યુનિટ મારા માટે બીજા પરિવાર સમાન છે. સેટ પરનું વાતાવરણ હંમેશા સારું અને પોઝિટિવ હોય છે. હું રુપાલી ગાંગુલીને તો ઘણા વર્ષોથી ઓળખું છું. તેથી અમે જૂના દિવસોને યાદ કરીને મસ્તી કરીએ છીએ. ઓનસ્ક્રીન ભલે ઝઘડતા હોઈએ પણ ઓફસ્ક્રીન હું અને સુધાંશુ આખો દિવસ મજાક કરતા રહીએ છીએ’, તેમ અંતમાં એક્ટ્રેસે કહ્યું.
