Western Times News

Latest News from Gujarat

પવનદીપના પર્ફોર્મન્સથી બપ્પી દા ખુશ ખુશ થઈ ગયા

મુંબઈ: ૨૦૨૦માં ઈન્ડિયન આઈડલ ૧૨ની ધમાકેદાર શરુઆત થઈ હતી અને ૨૦૨૧માં પણ તેના એપિસોડ દર્શકોને મજા કરાવી રહ્યા છે. શોનો આ વખતનો એપિસોડ મેલોડિક હોવાનો છે, કારણ કે શોમાં ઈન્ડસ્ટ્રીના દિગ્ગજ સિંગર બપ્પી દા અને કિશોર કુમારના દીકરા અમિત કુમાર મહેમાન બનીને આવવાના છે.

જેનો પ્રોમો સોશિયલ મીડિયામાં રિલીઝ કરવામાં આવ્યો છે. બપ્પી દાએ કન્ટેસ્ટન્ટ્‌સ માટે એક ખાસ શરત રાખી છે, જે મુજબ જે કન્ટેસ્ટન્ટ સારું પર્ફોર્મન્સ આપશે અને તેઓ સોનાની ચેઈન ગિફ્ટમાં આપશે.

બપ્પી દાને ખુશ કરવા માટે દરેક કન્ટેસ્ટન્ટ્‌સે શાનદાર પર્ફોર્મન્સ આપ્યા હતા. તો ઉત્તરાખંડના ચંપાવતમાં રહેતા પવનદીપે ‘કિસી નજર કો તેરા ઈંતઝાર આજ ભી હૈ’ સોન્ગ ગાયું હતું અને સાથે તેણે હાર્મોનિયમ પણ વગાડ્યું હતું. પવદીપના આ ટેલેન્ટને જાેઈને બપ્પી દા તેના ફેન બની ગયા.

તેમણે ન માત્ર પવનદીપને સોનાની ચેઈન આપી પરંતુ સાથે કામ કરવાની ઓફર આપી. પવનદીપના પર્ફોર્મન્સથી ખુશ થઈને બપ્પી દાએ કહ્યું કે, ‘આટલી નાની ઉંમરમાં આવું જબરદસ્ત પર્ફોર્મન્સ આપ્યું તે જાેઈને હું ખૂબ જ ખુશ થયો છું.

મને લાગે છે કે કોઈપણ સિંગરને ઈન્સ્ટ્રુમેન્ટસ વગાડતા આવડવું જાેઈએ. હું તને એકવાર ચોક્કસ મારા મ્યૂઝિક રુમમાં તને બોલાવીશ. બપ્પી લાહિરી બાદ ઈન્ડિયન આઈડલ ૧૨ના જજ અને મ્યૂઝિક કમ્પોઝર-સિંગર હિમેશ રેશમિયાએ પણ પવનદીપના વખાણ કર્યા અને તેને પોતાની સાથે ૧૦ સોન્ગની ઓફર આપી. હિમેશ રેશમિયાએ કહ્યું કે, આ પર્ફોર્મન્સ બાદ હું ખરેખર તારો ચાહક બની ગયો છું.

હું તને ૧૦ સોન્ગની ઓફર આપું છું અને મને ખાતરી છે કે તે બ્લોકબસ્ટર થશે. ઉલ્લેખનીય છે કે, પવનદીપ પોતાના દમદાર અવાજ અને ઘણા મ્યૂઝિકલ ઈન્સ્ટ્રુમેન્ટ્‌સ પ્લે કરવાના કારણે ઘણીવાર જજ તરફથી પ્રશંસા મેળવી ચૂક્યો છે. તેને ગિટાર, પિયાનો, ઢોલક, તબલા અને ડ્રમ પણ વગાડતા આવડે છે.

પવનદીપ ઉત્તરાખંડનો રહેવાસી છે અને તેણે ૨૦૧૫માં રિયાલિટી શો ‘વોઈસ ઈન્ડિયા સીઝન ૧’ જીતી હતી. તે મ્યૂઝિક ડિરેક્ટર પણ છે અને ઘણી મરાઠી ફિલ્મોમાં મ્યૂઝિક આપી ચૂક્યો છે. પવનદીપે માત્ર ભારત જ નહીં પરંતુ વિદેશમાં પણ મ્યૂઝિક કોન્સર્ટમાં પર્ફોર્મન્સ આપ્યું છે.

Copyright © All rights reserved. | Developed by Aneri Developers