પવનદીપના કોન્સર્ટમાં ચાહકોની ભારે ભીડ ઉમટી

મુંબઈ, પવનદીપ રાજન, જાે તમને સિંગિંગ શો જાેવા ગમતા હશે તો આ નામ તમારાથી અજાણ્યું નહીં હોય. પવનદીપ રાજન ઈન્ડિયન આઈડલ ૧૨નો વિનર બન્યો હતો. પવનદીપની ઉંમર હજી ૨૫ વર્ષની જ છે પણ તેનો અવાજ અને અંદાજ કોઈ રોકસ્ટારથી કમ નથી. પવનદીપના બે સોન્ગ રિલીઝ થઈ ગયા છે અને હજી ૨૦ સોન્ગની મ્યૂઝિક સીરિઝ આવવાની છે, જેનું ટીઝર ઘણા સમય પહેલા જ લોન્ચ થઈ ગયું હતું. પવનદીપનો હાલ કોન્સર્ટ યોજાયો હતો. આ કોન્સર્ટ ક્યાં યોજાયો હતો તેની કોઈ માહિતી સામે આવી નથી.

પરંતુ સોશિયલ મીડિયા પર તેના કોન્સર્ટના ઘણા વીડિયો વાયરલ થયા છે. જેમાં તે હંમેશાની જેમ ટી-શર્ટ, ડેનિમ અને જેકેટમાં જાેવા મળી રહ્યો છે. માથા પર પહાડી ટોપી છે અને હાથમાં ગિટાર. પવનદીપ જે આત્મવિશ્વાસ સાથે ગાઈ રહ્યો છે જે પ્રશંસાને લાયક છે.

વીડિયોમાં તે ‘રોકસ્ટાર લાગી રહ્યો છે’. પવનદીપ રાજને આમ તો અગાઉ પણ એક રિયાલિટી શો જીત્યો છે. પરંતુ ઈન્ડિયન આઈડલ ૧૨મા આવ્યા બાદ તેના ચાહકોમાં જબરદસ્ત વધારો થયો છે. કોન્સર્ટના વીડિયોમાં પણ ચાહકોને તેના અવાજ પર ઝૂમતા જાેઈ શકાય છે.

ઈન્ડિયન આઈડલ ૧૨ દરમિયાન પણ પવનદીપ ખાસ્સો ચર્ચામાં રહ્યો હતો. તેના સિંગિંગ ટેલેન્ટ સિવાય તેનું અરુણિતા સાથે નામ ચગ્યું હતુ. બંને વચ્ચેની મિત્રતાને લોકોએ અલગ નામ આપ્યુ હતું. જાે કે, પવનદીપ અને અરુણિતાએ તેઓ મિત્રો હોવાની વાત કહી હતી.

પવનદીપ અને અરુણિતા મ્યૂઝિક સીરિઝની તૈયારીમાં લાગેલા છે અને આ દરમિયાન બોલિવુડ ઈન્ડસ્ટ્રીના લોકો સાથે મુલાકાત પણ કરી રહ્યા છે.

પવનદીપ અને અરુણિતાએ ફિલ્મ મેકર મધુર ભંડારકર, ગીતકાર પ્રસૂન જાેશી અને હાલમાં હ્રિતિક રોશન સાથે મુલાકાત કરી હતી. આ સિવાય તેઓ મહારાષ્ટ્રના પૂર્વ મુખ્યમંત્રી દેવેન્દ્ર ફડણવીસને પણ મળ્યા હતા.SSS