ઈન્ડિયન આઈડલ 12- ફેમ સાયલી કાંબલે-નિહાલ વેકેશન પર

મુંબઈ, ઈન્ડિયન આઈડલ ૧૨ના કન્ટેસ્ટન્ટ્‌સ વચ્ચે જે પ્રકારની મિત્રતા અને બોન્ડિંગ હતું, તેવું અગાઉ એક પણ સીઝનમાં નહોતું જાેવા મળ્યું. સિંગિંગ રિયાલિટી શો દરમિયાન પણ કન્ટેસ્ટન્ટ્‌સે કહ્યું હતું કે, તેઓ હવે એક પરિવાર જેવા બની ગયા છે અને અહીંયાથી નીકળ્યા બાદ પણ તેમની મિત્રતા યથાવત્‌ રહેશે. તેમણે કહેલી આ વાતને તેઓ પાળતા પણ જાેવા મળી રહ્યા છે.

હાલમાં જ સાયલી કાંબલે, નિહાલ તોરો, આશિષ કુલકર્ણી અને નચિકેત લેલે તેમ ચારેય અલીબાગમાં વેકેશન મનાવવા ગયા હતા. તેની તસવીરો સોશિયલ મીડિયામાં સામે આવી છે.

આશિષ કુલકર્ણીએ ઈન્સ્ટાગ્રામ હેન્ડલ પર સાયલી, નિહાલ અને નચિકેત સાથેની ઘણી તસવીરો શેર કરી છે. જેમાં તેઓ મસ્તી કરતા, દરિયાકિનારે આનંદ માણતા અને નાસ્તો કરતા જાેવા મળી રહ્યા છે. આ સાથે સિંગરે લખ્યું છે ‘હું કેટલાક ક્રેઝી લોકોને ઓળખું છું, તેમને હું મારા મિત્રો કહું છું!

અમારી હાલની અલીબાગની ટ્રિપમાંથી કેટલીક તસવીરો’. સાયલીએ તસવીરો શેર કરીને તેને ‘શ્રેષ્ઠ ટ્રિપ ગણાવી છે. આ સિવાય નિહાલ, સાયલી અને નચિકેતની એક તસવીર વાયરલ થઈ રહી છે.

તસવીરમાં નિહાલ ‘કાનુડો’ બન્યો છે જ્યારે નચિકેત અને સાયલી બે હાથ જાેડીને તેને પગે લાગી રહ્યા છે. સાયલી કાંબલેએ પણ ઈન્સ્ટાગ્રામ સ્ટોરીમાં પોતાની એક તસવીર શેર કરી છે. જેમાં તે લાઈટ મેકઅપમાં જાેવા મળી છે અને વાળ ખુલ્લા રાખ્યા છે. તેણે સ્ટ્રાઈપ્ડ શોર્ટ ટોપ પહેર્યું છે અને ઉપર જેકેટ કેરી કર્યું છે.

આ તસવીરમાં તે સુંદર લાગી રહી છે. ઈન્ડિયન આઈડલ ૧૨ની વાત કરીએ તો, ૧૫મી ઓગસ્ટે યોજાયેલા ગ્રાન્ડ ફિનાલેમાં વિનર તરીકે પવનદીપની જાહેરાત કરવામાં આવી હતી, જ્યારે અરુણિતા ફર્સ્‌ટ રનર અપ તો સાયલી કાંબલે સેકન્ડ રનર અપ બની હતી.

વિનર બનેલા પવનદીપને ટ્રોફી સિવાય ૨૫ લાખ રૂપિયા અને કાર મળી હતી. બીજી તરફ તેને અને અરુણિતાને ૨૦ સોન્ગની મ્યૂઝિકલ સીરિઝ પણ મળી છે. તો સાયલી કાંબલેએ ફિનાલે ખતમ થતાં જ મરાઠી ફિલ્મ માટે એક સોન્ગ રેકોર્ડ કર્યું હતું.SSS