અભિનેતા રણબીર કપૂરને ઈંગ્લિશ ટીચર પર ક્રશ હતો

મુંબઈ, બોલીવૂડના ટેલેન્ટેડ એક્ટર્સમાંના એક રણબીર કપૂરની લાંબી ફિમેલ ફેન ફોલોઈંગ છે. તે તમામ છોકરીઓનો ક્રશ છે, પણ શું તમે એ વાત જાણો છો કે એક સમય એવો હતો કે રણબીર કપૂરને બીજા પર ક્રશ હતો. આ વાતનો ખુલાસો ખુદ એક્ટરે કર્યો હતો. જેનો એક થ્રોબેક વિડીયો વાયરલ થઈ રહ્યો છે. રણબીર કપૂરનો એક જૂનો વિડીયો સોશિયલ મીડિયામાં ખૂબ વાયરલ થઈ રહ્યો છે.

આ વિડીયોમાં રણબીર કપૂર કહી રહ્યો છે કે, જ્યારે હું સેકન્ડ સ્ટાન્ડર્ડમાં હતો ત્યારે ઈંગ્લિશ ટીચર પર ક્રશ હતો. મારા સ્કૂલમાં તમામ ટીચર્સ સાડી પહેરીને આવતા હતા અને પ્રોફેસર્સ પેન્ટ, સર્ટ અને ટાઈ પહેરીને આવતા હતા. મારી ઈંગ્લિશ ટીચર કે જે સ્કર્ટ પહેરીને આવતી હતી. તેમનું નામ મિસિસ જાેન હતુ. મને યાદ છે કે એ ટેબલ પાછળ બેસતા હતા.

હું ટેબલ પાસે જઈને તેમના ઘૂંટણો પર બેસીને તેમના પગ જાેતો હતો. ત્યારથી મને તેમની સાથે પ્રેમ થઈ ગયો હતો. આ કારણે તેઓએ મારી મમ્મીને સ્કૂલમાં બોલાવી હતી. રણબીર કપૂરની માતા નીતૂ કપૂર અને રિદ્ધિમા કપૂર સાહની ધ કપિલ શર્મા શોમાં પહોંચ્યા હતા.

આ દરમિયાન કપિલ શર્મા, રિદ્ધિમાને કહે છે કે, અમને એક વાત જાણવા મળી હતી કે રિદ્ધિમા જ્યારે લંડનમાં અભ્યાસ કરતી હતી ત્યારે રણબીરે તમારી ઘણી બધી ચીજવસ્તુઓ તેની ગર્લફ્રેન્ડને આપી દેતો હતો. રિદ્ધિમાએ કહ્યું કે, જ્યારે હું લંડનથી વેકેશન પર પાછી આવી ત્યારે તેની ગર્લફ્રેન્ડ ઘરે આવી હતી. તેણે એક ટોપ પહેર્યુ હતું. એને જાેઈને મેં મનમાં કહ્યું કે, આ મારૂ ખોવાયેલું ટોપ છે.

પછી બાદમાં ખબર પડી કે રણબીર મારી ચીજવસ્તુઓ તેને આપી દેતો હતો. રણબીર કપૂરના વર્ક ફ્રન્ટની વાત કરીએ તો, છેલ્લે તે ૨૦૧૮માં ફિલ્મ સંજુમાં નજરે પડ્યો હતો. હવે રણબીર કપૂર બ્રહ્માસ્ત્ર, શમશેરા, એનિમલ અને લવ રંજનની એક અનામ ફિલ્મમાં નજરે પડશે. મહત્વનું છે કે, તે ફિલ્મ બ્રહ્માસ્ત્રમાં પહેલીવાર તેની ગર્લફ્રેન્ડ આલિયા ભટ્ટ સાથે સ્ક્રીન શેર કરશે.SSS