ફેન્સ અર્જુન નહીં દિવ્યાંકાને ટ્રોફીની હકદાર માને છે

મુંબઈ, સ્ટંટ આધારિત રિયાલિટી શૉ ખતરોં કે ખિલાડીની ૧૧મી સીઝનનો અંત આવ્યો છે અને આ સીઝનનો વિજેતા ટીવી એક્ટર અર્જુન બિજલાણી છે. અર્જુન બિજલાણીએ ફિનાલેમાં દિવ્યાંકા ત્રિપાઠીને હરાવી અને આ ટ્રોફી પોતાના નામે કરી છે. અર્જુન બિજલાણી અને દિવ્યાંકા ત્રિપાઠીને શરુઆતથી જ મજબૂત કન્ટેસ્ટન્ટ માનવામાં આવતા હતા.

આ વર્ષે ખતરોં કે ખિલાડી શૉનું શૂટિંગ દક્ષિણ આફ્રિકાના કેપ ટાઉનમાં કરવામાં આવ્યુ હતું. દરેક સીઝનની જેમ આ સીઝનનો હોસ્ટ પણ રોહિત શેટ્ટી હતો. નોંધનીય છે કે, ટ્રોફી માટે ફિનાલેમાં કુલ પાંચ સભ્યો પહોંચ્યા હતા. જેમાં અર્જુન બિજલાણી, દિવ્યાંકા ત્રિપાઠી, રાહુલ વૈદ્ય, વિશાલ આદિત્ય સિંહ અને શ્વેતા તિવારનું નામ શામેલ છે.

દર્શકોએ અંદાજાે લગાવી લીધો હતો કે આ સીઝનમાં દિવ્યાંકા અથવા અર્જુનમાંથી કોઈ એક ટ્રોફી જીતશે. અર્જુનની પત્ની નેહા સ્વામીએ થોડા દિવસ પહેલા જ ટ્રોફીની તસવીર શેર કરીને કન્ફર્મ કર્યુ હતું કે અર્જુન શૉ જીતી ગયો છે. નેહા સ્વામીએ ઈન્સ્ટાગ્રામ પર ટ્રોફીની તસવીર શેર કરી હતી અને પતિને શુભકામનાઓ પણ પાઠવી હતી. જાે કે દિવ્યાંકાને પણ જીતવા માટે મજબૂત ઉમેદવાર માનવામાં આવતી હતી. તેણે પણ દરેક સ્ટંટ અત્યંત શાનદાર રીતે ડર્યા વિના કર્યો છે. રોહિત શેટ્ટી પણ દિવ્યાંકાની હિંમતના ફેન હતા.

અર્જુનના ફેન્સ અને મિત્રો ચોક્કસપણે તેની જીતની ઉજવણી કરી રહ્યા છે, પરંતુ દિવ્યાંકા ત્રિપાઠીના ફેન્સ રોષે ભરાયા છે. મોટી સંખ્યામાં એવા લોકો છે જેમનું માનવું છે કે દિવ્યાંકા ત્રિપાઠી, અર્જુન બિજલાણી કરતા વધારે હકદાર છે અને આ સીઝનની ટ્રોફી દિવ્યાંકાને જ મળવી જાેઈતી હતી.

નોંધનીય છે કે ખતરોં કે ખિલાડી ૧૧માં દિવ્યાંકા ત્રિપાઠીએ જે બહાદુરી સાથે સ્ટંટ કર્યા છે, તે જાેઈને લોકો ચોંકી ગયા હતા. તેણે લગભગ તમામ સ્ટંટમાં અન્ય ઉમેદવારોને ભારે ટક્કર આપી હતી. ફિનાલે રેસમાં પણ અભિનેત્રીએ અર્જુન બિજલાણીને કાંટાની ટક્કર આપી હતી. ખતરોં કે ખિલાડી ૧૧ના ફિનાલે સ્ટંટમાં અર્જુન બિજલાણી, દિવ્યાંકા ત્રિપાઠી અને વિશાલ આદિત્ય સિંહ વચ્ચે ટક્કર હતી.

વિશાલે આ સ્ટંટ છોડી દીધો હતો, દિવ્યાંકા અને અર્જૂને ટાસ્ક કર્યો હતો. બન્નેના સ્ટંટના ટાઈમમાં માત્ર ૨૦ સેકન્ડનું અંતર હતું. ૨૦ સેકન્ડ આગળ હોવાને કારણે અર્જૂને આ ટ્રોફી પોતાના નામે કરી. પરંતુ લોકોનું કહેવું છે કે, આ શૉ ફિક્સ્ડ છે અને અર્જુન બિજલાણી અસલ હકદાર નથી.SSS