IPL બીજી એલિમિનેટરમાં કોલકાતાનો ત્રણ વિકેટે વિજય
દુબઈ, શાનદાર બોલિંગ પ્રદર્શન બાદ વેન્કટેશ ઐય્યરની આક્રમક અડધી સદીની મદદથી કોલકાતા નાઈટ રાઈડર્સે આઈપીએલ-૨૦૨૧ ટી૨૦ ક્રિકેટ ટુર્નામેન્ટમાં બુધવારે રમાયેલી બીજી ક્વોલિફાયરમાં દિલ્હી કેપિટલ્સ સામે ત્રણ વિકેટે વિજય નોંધાવ્યો હતો.
આ સાથે જ કોલકાતા નાઈટ રાઈડર્સ ફાઈનલમાં પહોંચી ગયું છે. જ્યાં તેનો સામનો ચેન્નઈ સુપર કિંગ્સ સામે થશે. જ્યારે દિલ્હી કેપિટલ્સનું અભિયાન સમાપ્ત થઈ ગયું છે. પ્રથમ બેટિંગનું આમંત્રણ મળ્યા બાદ દિલ્હી મોટો સ્કોર કરવામાં નિષ્ફળ રહ્યું હતું.
દિલ્હીની બેટિંગ અત્યંત નિરાશાજનક રહી હતી. ૨૦ ઓવરના અંતે દિલ્હીએ ૫ વિકેટે ૧૩૫ રનનો સ્કોર નોંધાવ્યો હતો. ગિલ અને ઐય્યરની આક્રમક બેટિંગ બાદ દિલ્હીએ વળતો પ્રહાર કર્યો હતો.
એક સમયે કોલકાતા હારવાની સ્થિતિમાં આવી ગયું હતું. કોલકાતાને બે બોલમાં છ રનની જરૂર હતી ત્યારે રાહુલ ત્રિપાઠીએ સિક્સર ફટકારીને ટીમને વિજય અપાવ્યો હતો. કોલકાતાએ ૧૯.૫ ઓવરમાં ૭ વિકેટે ૧૩૬ રન નોંધાવીને મેચ જીતી લીધી હતી.
અગાઉ ક્વોલિફાયરમાં દિલ્હીને ચેન્નઈ સુપર કિંગ્સ સામે પરાજયનો સામનો કરવો પડ્યો હતો. ૧૩૬ રનના લક્ષ્યાંકને શુભમન ગિલ અને વેંકટેશ ઐય્યરની ઓપનિંગ જાેડીએ આસાન બનાવી દીધો હતો. આ જાેડીએ પ્રથમ વિકેટ માટે ૧૨.૨ ઓવરમાં ૯૬ રનની ભાગીદારી નોંધાવી હતી. વેંકટેશે ૪૧ બોલમાં ચાર ચોગ્ગા અને ત્રણ સિક્સરની મદદથી ૫૫ રન ફટકાર્યા હતા.
જ્યારે શુભમન ગિલે ૪૬ બોલમાં ૪૬ રનની ઈનિંગ્સ રમી હતી. જેમાં એક ચોગ્ગો અને એક સિક્સર સામેલ હતી. આ ઉપરાંત નિતિશ રાણાએ ૧૩ રનનું યોગદાન આપ્યું હતું. દિલ્હીએ છેલ્લે છેલ્લે ઉપરા-ઉપરી વિકેટો ઝડપી હતી અને મેચને રોમાંચક બનાવી દીધી હતી. દિલ્હી મેચ જીતવાની સ્થિતિમાં આવી ગયું હતું. અંતિમ ઓવરમાં કોલકાતાને જીતવા માટે સાત રનની જરૂર હતી.
અંતિમ ઓવર અશ્વિને કરી હતી અને તેણે પ્રથમ બોલ પર રન આપ્યો હતો જ્યારે બીજાે બોલ ડોટ રહ્યો હતો. ત્યારબાદ અશ્વિને બે બોલમાં બે વિકેટ ઝડપીને ટીમને વિજયની સ્થિતિમાં મૂકી દીધી હતી. અશ્વિને ત્રીજા બોલ પર સાકિબ અલ હસનને આઉટ કર્યો હતો અને બાદમાં ત્યારપછીના બોલ પર સુનીલ નરૈનને આઉટ કર્યો હતો. હવે કોલકાતાને બે બોલમાં છ રનની જરૂર હતી.
ત્યારે રાહુલ ત્રિપાઠીએ સિક્સર ફટકારીને ટીમને વિજય અપાવ્યો હતો. તેણે અણનમ ૧૨ રનનું યોગદાન આપ્યું હતું. કોલકાતા માટે દિનેશ કાર્તિક, સુકાની ઈયોન મોર્ગન, સાકિબ અલ હસન અને સુનીલ નરૈન ખાતું ખોલાવવામાં પણ નિષ્ફળ રહ્યા હતા. દિલ્હી માટે એનરિચ નોર્ટજે, રવિચંદ્રન અશ્વિન અને કાગિસો રબાડાએ બે-બે વિકેટ ઝડપી હતી જ્યારે અવેશ ખાને એક વિકેટ ખેરવી હતી.
કોલકાતાએ ટોસ જીતીને દિલ્હીને પ્રથમ બેટિંગનું આમંત્રણ આપ્યું હતું. પરંતુ દિલ્હની બેટિંગ ઘણી નિરાશાજનક રહી હતી અને તે મોટો સ્કોર નોંધાવવામાં નિષ્ફળ રહી હતી. પૃથ્વી શો અને શિખર ધવનની જાેડીએ શરૂઆત સારી કરી હતી. આ જાેડીએ ૪.૧ ઓવરમાં ૩૨ રનની ભાગીદારી નોંધાવી હતી. જાેકે, પૃથ્વી શો આઉટ થયા બાદ રન ગતિ પર બ્રેક વાગી ગઈ હતી.
શોએ ૧૨ બોલમાં બે ચોગ્ગા અને એક સિક્સર સાથે ૧૮ રન ફટકાર્યા હતા. શિખર ધવન અને સ્ટોઈનિસે વિકેટ જાળવી રાખી હતી પરંતુ તેઓ આસાનીથી રન નોંધાવી શકતા ન હતા. ધવને ટીમ માટે સૌથી વધુ ૩૬ રન નોંધાવ્યા હતા પરંતુ તે માટે તેણે ૩૯ બોલ રમ્યા હતા જેમાં તેણે એક ચોગ્ગો અને બે સિક્સર ફટકારી હતી.
જ્યારે સ્ટોઈનિસ ૨૩ બોલમાં ૧૮ રન નોંધાવીને આઉટ થયો હતો. શ્રેયસ આય્યરની બેટિંગ પણ ધવન જેવી ધીમી જ રહી હતી. તેણે ૨૭ બોલમાં અણનમ ૩૦ રન નોંધાવ્યા હતા. સુકાની રિશભ પંત નિષ્ફળ રહ્યો હતો. પંત છ રન નોંધાવીને પેવેલિયન ભેગો થયો હતો. જ્યારે હેતમાયરે ૧૭ રનનું યોગદાન આપ્યું હતું. કોલકાતા માટે વરૂણ ચક્રવર્તીએ બે તથા લોકી ફર્ગ્યુસન અને શિવમ માવિએ એક-એક વિકેટ ખેરવી હતી.SSS
