હિજાબ પહેરેલી યુવતી મુસ્કાનના સમર્થનમાં પાકિસ્તાનની નેતા મરિયમ નવાઝ પણ આવી

નવીદિલ્હી, કર્ણાટકની હિજાબ પહેરેલી યુવતી મુસ્કાનના સમર્થનમાં પાકિસ્તાનની નેતા મરિયમ નવાઝ પણ આવી ગઈ છે. તેણે પોતાના ટિ્‌વટર પ્રોફાઇલ ફોટો પર મુસ્કાનની તસવીર મૂકી છે. પાકિસ્તાનના અન્ય અગ્રણી નેતાઓ પણ મુસ્કાનને સમર્થન આપી રહ્યા છે.

કર્ણાટકમાં શૈક્ષણિક સંસ્થાઓમાં હિજાબ પર પ્રતિબંધ મૂકવાનો વિવાદ વધી રહ્યો છે. સોશિયલ મીડિયા પર એક વીડિયો પણ ઘણો વાયરલ થયો છે જેમાં કેટલાક છોકરાઓ હિજાબ પહેરેલી છોકરીને ઘેરીને જય શ્રી રામના નારા લગાવતા જાેવા મળે છે.

પાકિસ્તાનમાં પણ આ ઘટનાની ખૂબ ચર્ચા થઈ રહી છે. પાકિસ્તાનના વિરોધ પક્ષ મુસ્લિમ લીગ (નવાઝ)ના નેતા અને પાકિસ્તાનના પૂર્વ વડાપ્રધાન નવાઝ શરીફની પુત્રી મરિયમ નવાઝે હિજાબ પહેરેલી યુવતીનું સમર્થન કર્યું છે.

મરિયમ નવાઝે વાયરલ વીડિયોમાં છોકરીની એક તસવીર મુસ્કાને ટિ્‌વટર પર તેના પ્રોફાઈલ ફોટોમાં પોસ્ટ કરી છે, જેમાં તે હાથ ઉપર રાખીને પોતાનો પ્રતિકાર વ્યક્ત કરી રહી છે અને તેની પાછળ રહેલી ભીડ જય શ્રી રામના નારા લગાવી રહી છે. મરિયમ નવાઝે તેના ટ્‌વીટમાં હમણાં જ લખ્યું, #Newprofilepic’