વિદેશથી આવેલા ૧૯૨૨૭ માંથી ૧૨૪ લોકો પોઝિટીવ
નવી દિલ્હી, આરોગ્ય મંત્રાલયના સૂત્રોના જણાવ્યા અનુસાર, કોવિડના ૧૧ નવા પ્રકારો મળી આવ્યા છે. સૂત્રોનું કહેવું છે કે ભારતમાં ૨૪ ડિસેમ્બરથી ૩ જાન્યુઆરી સુધી આવનારા આંતરરાષ્ટ્રીય પ્રવાસીઓમાંથી કોવિડ-૧૯ના કુલ ૧૧ નવા પ્રકારો મળી આવ્યા છે. સૂત્રોએ જણાવ્યું કે આ સમયગાળા દરમિયાન ૧૯,૨૨૭ મુસાફરોની કોવિડ-૧૯ માટે તપાસ કરવામાં આવી હતી જેમાં ૧૨૪ પોઝિટિવ જાેવા મળ્યા હતા.
કોવિડ પોઝિટિવ મળી આવેલા તમામ મુસાફરોને હાલમાં અલગ રાખવામાં આવ્યા છે. સૂત્રોના જણાવ્યા અનુસાર, ૧૨૪ પોઝિટિવ સેમ્પલમાંથી ૪૦ના જીનોમ સિક્વન્સિંગના પરિણામો મળ્યા હતા. તેમાંથી, એક્સબીબી મહત્તમ એટલે કે ૧૪ નમૂનાઓમાં જાેવા મળ્યું હતું. આ ઉપરાંત ઘણા સેમ્પલમાં એક્સબીબી.૧ મળી આવ્યો છે. એક જ નમૂનામાં બીએફ ૭.૪.૧ ની પુષ્ટિ થઈ છે. કેન્દ્રીય આરોગ્ય મંત્રી મનસુખ માંડવિયાએ નાગરિકોને બિનજરૂરી રીતે ગભરાવાની નહીં પરંતુ સતર્ક રહેવા અને સરકાર દ્વારા જારી કરાયેલી સૂચનાઓનું પાલન કરવા વિનંતી કરી છે.
છેલ્લા ૨૪ કલાકમાં દેશમાં કોરોનાના ૧૮૮ નવા કેસ નોંધાયા છે. દેશમાં સંક્રમિત લોકોની સંખ્યા વધીને ૨,૯૪૫ થઈ ગઈ છે. ભારતમાં કોરોના બીએફ ૭ નું એક નવું વેરિઅન્ટ ઉભરી આવ્યું છે, જે ડબલ્યુએચઓના મુજબ અત્યાર સુધીનો સૌથી ઝડપથી ફેલાતો પ્રકાર છે.
ભારતમાં કોરોના વાયરસના ખતરનાક પ્રકાર ઓમિક્રોન બીએફ-૭ના ચાર નવા કેસ મળી આવ્યા છે. જે બાદ આરોગ્ય વિભાગમાં ખળભળાટ જેવો માહોલ જાેવા મળી રહ્યો છે. પ્રાપ્ત માહિતી અનુસાર, આ તમામ કેસ પશ્ચિમ બંગાળમાંથી મળી આવ્યા છે, આ ચારેય અમેરિકાથી પરત ફર્યા હતા. જીનોમ સિક્વન્સિંગમાં આ ચારમાં ઓમિક્રોન બીએફ-૭ની પુષ્ટિ થઈ હોવાથી, તેમના પર વિશેષ દેખરેખ રાખવામાં આવી રહી છે.
