ગુજરાત હાઇકોર્ટ પરિસર ખાતે ૭૪મા પ્રજાસત્તાક પર્વની ઉજવણી

સમગ્ર દેશમાં ૭૪મા પ્રજાસત્તાક પર્વની ઉજવણી થઈ રહી છે. ત્યારે અમદાવાદ સ્થિત ગુજરાત હાઇકોર્ટના પ્રાંગણમાં મુખ્ય ન્યાયમૂર્તિ શ્રી અરવિંદ કુમારે પ્રજાસત્તાક દિન નિમિત્તે સવારે ૧૦:૦૦ કલાકે રાષ્ટ્રધ્વજ ફરકાવી ઉપસ્થિત સૌની હાજરીમાં તિરંગાને સલામી અર્પી હતી.

આ પ્રસંગે ગુજરાત હાઇકોર્ટના ન્યાયમૂર્તિશ્રીઓ, નિવૃત્ત ન્યાયમૂર્તિશ્રીઓ, એડવોકેટ જનરલ, એડિશનલ એડવોકેટ જનરલ, સરકારી વકીલ, ન્યાયિક અધિકારીઓ, વકીલો તેમજ અનેક કર્મચારીઓ પ્રજાસત્તાક પર્વની ઉજવણીમાં સામેલ થયા હતા.