શ્રદ્ધા આર્યા માલદીવથી આવતા ઈજાગ્રસ્ત થઈ ગઈ
મુંબઈ, ટીવી અભિનેત્રી શ્રદ્ધા આર્યા તેના સારા દેખાવ અને સ્વભાવને કારણે ટેલિવિઝનની સૌથી પ્રખ્યાત અભિનેત્રીઓમાંની એક છે. અભિનેત્રીને સોશિયલ મીડિયા પર મોટા પ્રમાણમાં ફોલોઈંગ મળે છે કારણ કે તે ચાહકોને તેના જીવન વિશે ઘણી હદ સુધી અપડેટ રાખે છે.
શ્રદ્ધા છેલ્લાં પાંચ વર્ષથી ડેઈલી સોપ કુંડળી ભાગ્યનો ભાગ છે અને તેનું પાત્ર દર્શકોને પસંદ છે. તે ઘણીવાર શોના સેટ પરથી તેના કો-સ્ટાર્સ સાથે ફની વીડિયો અને તસવીરો શેર કરતી જાેવા મળે છે. તાજેતરમાં શ્રદ્ધા તેના વ્યસ્ત શૂટિંગ શેડ્યૂલ વચ્ચે આરામ કરવા માલદીવ જવા રવાના થઈ હતી. હવે જ્યારે તે પાછી આવી છે ત્યારે તેણે તેના પગમાં ઈજા પહોંચાડી છે અને તેના ચાહકોને હેલ્થ અપડેટ આપી છે.
શ્રદ્ધા આર્યાએ તેના ઇન્સ્ટાગ્રામ હેન્ડલ પર પટ્ટીમાં લપેટેલા તેના ઈજાગ્રસ્ત પગની તસવીર શેર કરી. તસવીરની સાથે તેણે લખ્યું, “મને મારા પોતાના સ્ટંટ કરવા ગમે છે જેમ કે મારા પગને વાળી દેવા.” આ પહેલા તેણે તેના કો-સ્ટાર દ્વારા તેના માટે લવાયેલી ચોકલેટ્સ અને મીઠાઈઓની એક તસવીર શેર કરી હતી.
શ્રદ્ધા આર્યાના અંગત જીવનની વાત કરીએ તો તેણે ભારતીય નેવી ઓફિસર રાહુલ નાગલ સાથે લગ્ન કર્યા છે. તેઓ એક કોમન ફ્રેન્ડ દ્વારા મળ્યા હતા. લગભગ એક વર્ષ સુધી ડેટિંગ કર્યા પછી તેમણે સગાઈ કરી, ત્યારબાદ તેમના લગ્ન થયા. વર્ક ફ્રન્ટ પર શ્રદ્ધા હવે કરણ જાેહરની આગામી ફિલ્મ ‘રોકી ઓર રાની કી પ્રેમ કહાની’ સાથે બોલિવૂડમાં ડેબ્યુ કરવા માટે તૈયાર છે.
આ સાથે અભિનેત્રી એકતા કપૂરના હિટ શો કુંડલી ભાગ્યમાં તે પ્રીતાની ભૂમિકા નિભાવી રહી છે. શ્રદ્ધા આર્યા અને રાહુલ નાગલના લગ્ન દિલ્હીમાં થયા હતા અને તેની તસવીરો તેમજ વીડિયો સોશિયલ મીડિયામાં છવાઈ ગઈ હતી.
શ્રદ્ધા અને રાહુલની મુલાકાત કોમન ફ્રેન્ડ થકી થઈ હતી અને તેમણે એક વર્ષ સુધી ડેટિંગ કર્યું હતું. બાદમાં તેમણે લગ્ન કરવાનું નક્કી કર્યું હતું. ઈન્ટરવ્યૂમાં તેણે જણાવ્યું હતું કે, લોન્ગ ડિસ્ટન્સમાં રહેવાથી તેને રાહુલ પ્રત્યેના પ્રેમનો અહેસાસ થયો હતો. શ્રદ્ધા આર્યા હાલ ‘કુંડલી ભાગ્ય’માં ‘પ્રીતા’નું પાત્ર ભજવી રહી છે.SS1MS
