સાલારના તુફાન સામે પણ બમ્પર કમાણી કરી રહી છે એનિમલ
એનિમલએ અત્યાર સુધી દુનિયાભરમાં ૮૯૫.૪ કરોડની કમાણી કરી છે, આ આંકડા પાંચ અઠવાડિયા એટલે કે ૩૪ દિવસના છે
એનિમલ ૯૦૦ કરોડ ક્લબથી ફક્ત એક ડગલું દૂર
મુંબઈ,રણબીર કપૂરની ફિલ્મ ‘એનિમલ’ બોક્સ ઓફિસ પર ઝડપથી કમાણી કરી રહી છે. જો કે ફિલ્મની દૈનિક કમાણી અગાઉની સરખામણીએ ઘટી છે, પરંતુ રણબીર કપૂરની ફિલ્મ ‘એનિમલ’ બોક્સ ઓફિસ પર નવો ઈતિહાસ રચવા તરફ ઝડપથી આગળ વધી રહી છે. હવે આ ફિલ્મના વર્લ્ડવાઈડ કલેક્શનને લઈને લેટેસ્ટ માહિતી સામે આવી છે. આશ્ચર્યજનક વાત એ છે કે પ્રભાસની ‘સાલાર’ રિલીઝ થયા પછી પણ ‘એનિમલ’ બોક્સ ઓફિસ પર સારી કમાણી કરી રહી છે.
વેલ, ફિલ્મના કલેક્શનમાં ફરક જોવા મળ્યો છે. રણબીર કપૂરની આ ફિલ્મ ટૂંક સમયમાં ૯૦૦ કરોડનો આંકડો પાર કરી જશે. સકનિલ્કના રિપોર્ટ અનુસાર, રણબીર કપૂરની ‘એનિમલ’એ અત્યાર સુધી દુનિયાભરમાં ૮૯૫.૪ કરોડ રૂપિયાની કમાણી કરી છે. આ આંકડા પાંચ અઠવાડિયા એટલે કે ૩૪ દિવસના છે. રણબીર કપૂરની ફિલ્મ ‘એનિમલ’ એ ભારતમાં પણ સારું કલેક્શન કર્યું છે. અત્યાર સુધી આ ફિલ્મે સ્થાનિક બોક્સ ઓફિસ પર ૫૪૭.૫૬ કરોડ રૂપિયાનો બિઝનેસ કર્યો છે.
હવે જોવાનું એ રહેશે કે રણબીર કપૂરની ફિલ્મ આવનારા દિવસોમાં કેટલા કરોડનો બિઝનેસ કરી શકે છે. એ વાત જાણીતી છે કે એનિમલ રણબીર કપૂરના કરિયરની સૌથી વધુ કમાણી કરનારી ફિલ્મ બની ગઈ છે. આ પહેલા તેની કોઈપણ ફિલ્મે બોક્સ ઓફિસ પર આટલો બિઝનેસ કર્યો ન હતો.
તમને જણાવી દઈએ કે રણબીર કપૂરની ફિલ્મ ‘એનિમલ’ ૧ ડિસેમ્બર, ૨૦૨૩ના રોજ સિનેમાઘરોમાં રિલીઝ થઈ હતી. અનિલ કપૂર, તૃપ્તિ ડિમરી, રશ્મિકા મંદન્ના અને બોબી દેઓલે તેમાં મહત્વની ભૂમિકાઓ ભજવી છે. ફિલ્મના દિગ્દર્શક સંદીપ રેડ્ડી વાંગા છે જેમણે અગાઉ ‘અર્જુન રેડ્ડી’ અને ‘કબીર સિંહ’ જેવી બ્લોકબસ્ટર ફિલ્મોનું નિર્દેશન કર્યું છે.ss1
