ઘુડચડીઃ બે જોડી, કોણ ફાવી જશે? ફિલ્મનું પહેલું પોસ્ટર રિલીઝ
મુંબઈ, સંજય દત્ત, રવિના ટંડન, પાર્થ સમથાન અને ખુશાલી કુમાર ‘ઘુડચડી’માં સાથે કામ કરતાં જોવા મળશે. તાજેતરમાં આ ફિલ્મનું પહેલું પોસ્ટ રિલીઝ કરવામાં આવ્યું હતું. હવે તેનું ટ્રેલર લોંચ કરવામાં આવ્યું છે. ૨ મિનિટ અને ૫૩ સેકન્ડના આ ટ્રેલરની શરુઆત ચાર્મિગ યુવાનનું પાત્ર ભજવતા પાર્થ સમથાનની એક બિઝનેસ ડીલ દરમિયાન ખુશાલી કુમાર સાથે મુલાકાત થાય ત્યાંથી થાય છે.
તેઓ પ્રેમમાં પડે છે અને લગ્ન કરવાનો નિર્ણય લે છે, જેમાં સંજય દત્ત પાર્થના પિતાનો રોલ કરે છે, જે તેના જૂના પ્રેમ, રવિના સાથે ટંડન સાથે સંપર્કમાં આવે છે અને તેઓ લગ્ન કરવાનો નિર્ણય લે છે.
આ બધું જ ચિત્ર બદલાઈ જાય છે, જ્યારે પાર્થ અને ખુશાલીને ખબર પડે છે કે તેમના પૅરેન્ટ્સ ક્યારેક પ્રેમીઓ હતા અને તેઓ ફરી સંપર્કમાં આવ્યાં છે અને પ્રેમમાં પડ્યાં છે. હવે જો તેમના પૅરેન્ટ્સ લગ્ન કરે તો તેમના સંબંધોમાં પણ તેની અસર પડે.
જોકે, આ પ્રકારના વિષયો પર તાજેતરમાં જ ઓટીટી પર ફિલ્મ આવી ચૂકી છે. તો હવે એ જોવાનું રહ્યું કે દર્શકોને આ ફિલ્મમાં કેટલો રસ પડશે અને કોણ કોની સાથે જોડી જમાવશે. પાર્થ સમથાને એક ઇન્ટર્વ્યું કહ્યું હતું કે, ફિલ્મ સતત પાછી ઠેલાવાથી તેની ચિંતા બહુ વધી ગઈ છે.
ક્યારેક તો તેને પોતાના કૅરિઅર વિશે પણ ચિંતા થઈ આવતી હતી. તેણે એમ પણ કહ્યું હતું કે આ ઇન્ડસ્ટ્રીમાં સફળતા મળે તો જ આગળ વધારે તકો મળે છે. જો લોકો તમારા કામને જાણે, તો તમને વધારે કામ મળે છે, પણ જો તમે દેખાશો જ નહીં તો તમે જલ્દીથી ભુલાઈ જશો. ‘ઘુડચડી’ ફિલ્મ બિનોય ગાંધી દ્વારા ડિરેક્ટ કરવામાં આવી છે.
આ એક મનોરંજન, રોમાન્સ, ડ્રામાનું મિશ્રણ છે, જે દરેક ઉમરના દર્શકને જોવી ગમે. આ ફિલ્મ જિઓ સિનેમા પર ૯ ઓગસ્ટથી સ્ટ્રીમ થશે.SS1MS
