ગુજરાતના એક દિવસીય પ્રવાસે પધાર્યા ઉપરાષ્ટ્રપતિ જગદીપ ધનખડ
ભારતના ઉપરાષ્ટ્રપતિ શ્રી જગદીપ ધનખડનું અમદાવાદ એરપોર્ટ ખાતે ઉષ્માસભર સ્વાગત કરતા રાજ્યપાલ શ્રી આચાર્ય દેવવ્રત અને મુખ્યમંત્રી શ્રી ભૂપેન્દ્ર પટેલ
ભારત સરકાર દ્વારા આયોજિત RE-Invest સમિટ-2024ના સમાપન સમારંભમાં સહભાગી થવા ગુજરાતની ધરતી પર પધારેલા ભારતના ઉપરાષ્ટ્રપતિ શ્રી જગદીપ ધનખડનું અમદાવાદ એરપોર્ટ ખાતે રાજ્યપાલ શ્રી આચાર્ય દેવવ્રત અને મુખ્યમંત્રી શ્રી ભૂપેન્દ્ર પટેલે ઉષ્માસભર સ્વાગત કર્યું હતું.
આ પ્રસંગે પ્રોટોકોલ મંત્રી શ્રી જગદીશ વિશ્વકર્મા, અમદાવાદ શહેરનાં મેયર શ્રી પ્રતિભાબહેન જૈન, રાજ્યના મુખ્ય સચિવ શ્રી રાજ કુમાર, જીએડીના અધિક મુખ્ય સચિવ શ્રી કમલ દયાણી, અમદાવાદ શહેરના પોલીસ કમિશનર શ્રી જી.એસ. મલિક, અમદાવાદ કલેકટર સુશ્રી પ્રવીણા ડી.કે., ડેપ્યુટી ચીફ પ્રોટોકોલ ઓફિસર શ્રી સંકેતસિંહ સહિત વરિષ્ઠ અધિકારીઓ અને અફસરોએ પણ ઉપરાષ્ટ્રપતિશ્રીનું અભિવાદન કરી તેમને આવકાર્યા હતા.
