‘સિંઘમ અગેઇન’ના સેટ પર અજય દેવગનને આંખમાં ઇજા થઈ હતી

મુંબઈ, દિવાળી પર ‘સિંઘમ અગેઇન’રિલીઝ થવાની હોવાથી હાલ ફિલ્મનું પ્રમોશન ચાલી રહ્યું છે. તેના ભાગરૂપે ફિલ્મના ડિરેક્ટર રોહિત શેટ્ટી અને અજય દેવગન સલમાન ખાનના શો બિગબોસમાં મહેમાન તરીકે આવ્યા હતા. આ શોમાં અજયે ‘સિંઘમ અગેઇન’ના સેટ પર તેને આંખમાં થયેલી ઇજા અંગે વાત કરી હતી.

આ સેટ પર અજય આવ્યો ત્યારે તેણે બ્લેક લેધર બ્લેઝર સાથે આંખમાં ગોગલ્સ પહેરી રાખ્યા હતા. ત્યારે સલમાને તેને પૂછ્યું હતું કે, “આંખ પર જે ઇજા થઈ હતી એ અહીં જ થઈ હતી?” ત્યારે રોહિતે કહ્યું હતું,“હા આ જ ફિલ્મમાં.”ત્યાર પછી સલમાને જણાવ્યું હતું કે અજય સાથે સિંઘમ અગેઇનના સેટ પર શું થયું હતું. તેમની અગાઉની વાતો યાદ કરતાં સલમાને કહ્યું,“અજયે મને એક શોટ બતાવ્યો હતો.

મિસટાઇમિંગ થઈ ગયું અને એક વ્યક્તિ લાકડી લઇને તેની તરફ મારવા માટે આવ્યો તેને લાકડીથી મારવા લાગ્યો જે સીધી અજયની આંખમાં આવી.”અજય દેવગને કહ્યું,“બે-ત્રણ મહિના માટે તો મારી દૃષ્ટિ જતી રહી હતી. મારે એક ઓપરેશન પણ કરાવવું પડ્યું હતું.”

આ અંગે સલમાને આગળ ઉમેર્યું,“એક્શન કરો ત્યારે આવું બધું થતું રહે છે.” આ વાતમાં અજયે આગળ કહ્યું,“છતાં આજે તો કલાકારો માટે બધું ઘણું સરળ થઈ ગયું છે.” ત્યાર પછી સલમાન અને અજયે તેઓ પહેલાના સમયમાં કઈ રીકે સીજીઆઈ કે કેબલની મદદ વિના એક્શન સીન કરતાં એ અંગે પણ વાતો કરી હતી.

અજય વધુ એક વખત આ ફિલ્મમાં બાજીરાવ સિંઘમ તરીકે જોવા મળશે, તેની સાથે રણવીર સિંઘ, અક્ષય કુમાર, કરીના કપુર, દીપિકા પાદૂકોણ, ટાઇગર શ્રોફ અને અર્જૂન કપુર આ ફિલ્મમાં મહત્વના રોલમાં હશે, સાથે સલમાન ખાનનો કેમિયો પણ જોવા મળશે.SS1MS