બોમન ઇરાની ‘ધ મહેતા બોય્ઝ’થી ડિરેક્ટર બનશે

મુંબઈ, બોમન ઇરાની પણ હવે ડિરેક્શનમાં ડેબ્યુ કરવા જઈ રહ્યો છે. તેણે અને અવિનાશ તિવારીએ ડિરેક્ટ કરેલી ફિલ્મ ‘ધ મહેતા બોય્ઝ’ આવતા મહિને એમેઝોન પ્રાઇમ વીડિયો પર સ્ટ્રીમ થશે. બોમન ઇરાનીની વિવેચકો દ્વારા વખણાયેલી આ ફિલ્મ ૭ ફેબ્›આરીએ ઓનલાઈન ઉપલબ્ધ થશે. બોમન ઇરાનીએ ૨૩ જાન્યુઆરીએ પોતાના ઇન્સ્ટાગ્રામ પર એક પોસ્ટ કરીને આ અંગે જાહેરાત કરી હતી.

તેણે લખ્યું,“૪૮ કલાક, ૨ વ્યક્તિ, ૧ જોરદાર સ્ટોરી ધ મહેતા બોય્ઝ પ્રાઇમ પર, ફેબ્›આરી ૭”. આ ફિલ્મનું વર્લ્ડ પ્રિમીયર ૧૫મા શિકાગો સાઉથ એશિયન ફિલ્મ ફેસ્ટિવલમાં ૨૦ સપ્ટેમ્બરે યોજાયું હતું. બોમન ઇરાનીને ફિચર ફિલ્મ કેટેગરીમાં તેમાં બેસ્ટ એક્ટર (મેલ)નો એવોર્ડ પણ મળ્યો હતો.

આ સિવાય આ ફિલ્મ ટોરન્ટો ફિલ્મ ફેસ્ટિવલ અને સાઉથ એશિયન ફિલ્મ ફેસ્ટિવલમાં પણ વખણાઈ હતી. આ ફિલ્મમાં એક પિતા-પુત્રની સ્ટોરી છે, જેમને એકબીજા સાથે બિલકુલ બનતું નથી અને તેમને ૪૮ કલાક એકબીજા સાથે વિતાવવા પડે છે.ત આ ફિલ્મ બોમન ઇરાનીએ જ એલેક્સ ડિનેલરીસ સાથે મળીને લખી છે. આ ફિલ્મમાં શ્રોયા ચૌધરી અને પૂજા સરૂપ પણ મહત્વના રોલમાં જોવા મળશે.SS1MS