સંયુક્ત આરબ અમીરાતએ પાકિસ્તાનના નાગરિકોને વિઝા આપવાનું બંધ કરી દીધું
પ્રથમ વખત અને સિંગલ-એન્ટ્રી વિઝાની ૭૦-૮૦% અરજીઓ રિજેક્ટ કરવામાં આવી રહી છે. જોકે, જે લોકોના પરિવાર યુએઈમાં રહે છે, તેમને વિઝા મળવાની શક્યતા વધુ છે.
ઈસ્લામાબાદ, આ માહિતી પાકિસ્તાનના ગૃહ મંત્રાલયના અધિકારી સલમાન ચૌધરીએ આપી છે. જોકે, જે લોકો પાસે બ્લુ અને ડિપ્લોમેટિક પાસપોર્ટ છે, તેમને હજુ પણ વિઝા આપવામાં આવી રહ્યા છે.
પાકિસ્તાની અખબાર ડોન ટ્રાવેલ એજન્ટોને ટાંકીને જણાવ્યું છે કે પ્રથમ વખત અને સિંગલ-એન્ટ્રી વિઝાની ૭૦-૮૦% અરજીઓ રિજેક્ટ કરવામાં આવી રહી છે. જોકે, જે લોકોના પરિવાર યુએઈમાં રહે છે, તેમને વિઝા મળવાની શક્યતા વધુ છે.
ડોનના અહેવાલ મુજબ, લાહોરના રહેવાસી ૨૮ વર્ષીય નદીમ પહેલીવાર ફરવા માટે દુબઈ જવા માંગતા હતા, પરંતુ તેમનો વિઝા બે વાર રિજેક્ટ કરવામાં આવ્યા. ટ્રાવેલ એજન્સીએ કારણ જણાવ્યું કે ૪૦ વર્ષથી ઓછી ઉંમરના લોકોની વધુ તપાસ કરવામાં આવી રહી છે.
યુએઈ અને પાકિસ્તાન વચ્ચે મજબૂત રાજકીય અને આર્થિક સંબંધો છે, તેમ છતાં વિઝા રિજેક્શનનો મુદ્દો મહિનાઓથી ચાલી રહ્યો છે. પાકિસ્તાની અધિકારીઓ અનુસાર, યુએઈએ સત્તાવાર રીતે કોઈ પ્રતિબંધ લગાવ્યો નથી. પરંતુ છેલ્લા કેટલાક સમયથી યુએઈમાં ગુના અને ભીખ માંગવાની ઘટનાઓમાં પાકિસ્તાની લોકોના નામ સામે આવ્યા છે. આના કારણે નવા લોકોને વિઝા મેળવવામાં મુશ્કેલીઓનો સામનો કરવો પડી રહ્યો છે.
