ICC 20-20 વર્લ્ડ કપમાં ભારતે પાક.ને હરાવ્યું
ઈશાન કિશનના આક્રમક ૭૭ રન
કોલંબો, આઈસીસી દ્વારા રમાઈ રહેલ ૨૦-૨૦ વર્લ્ડ કપમાં રવિવારે ભારત-પાકિસ્તાન વચ્ચે હાઈવોલ્ટેજ મેચ રમાઈ હતી. જેમાં પાકિસ્તાને ટોસ જીતી ભારતને પહેલા બેટીંગ આપી હતી. ભારતની પ્રથમ વિકેટ અભિષેક શર્મા ૦ રન આઉટ થઈ જતાં ઈશાન કિશન અને તિલક વર્માએ બાજી સંભાળી હતી. ઈશાન કિશને વિસ્ફોટક રમત રમી ૭૭ રન બનાવ્યા હતા.
ત્યારબાદ કપ્તાન જયસૂર્યા અને શિવમ દુબેએ પણ અંતિમ ઓવરમાં રન બનાવતાં ભારતે ૧૭૬ રનનો ટાર્ગેટ પાકિસ્તાનને આપ્યો હતો. પાકિસ્તાનની પણ નબળી શરૂઆત રહી હતી અને પ્રથમ ઓવરમાં જ વિકેટ ગુમાવ્યા બાદ બુમરાહે પણ તેની એક જ ઓવરમાં ૨ વિકેટ અને ત્યારબાદ અક્ષર પટેલે પણ બાબર આઝમને બોલ્ડ કરતાં પાકિસ્તાનની ટીમ દબાણમાં આવી ગઈ હતી. પાકિસ્તાનના બેસ્ટમેન ઉસ્માનખાને ભારતીય બોલરનો મક્કમતાથી સામનો કર્યો હતો. ભારતના બોલરોએ પાકિસ્તાનની સમગ્ર ટીમને ૧૧૪ રનમાં ઓલઆઉટ કરી દેતાં ભારતનો ૬૧ રને ભવ્ય વિજય થયો હતો.
ટી૨૦ વર્લ્ડ કપમાં ભારત-પાકિસ્તાન મેચ કોલંબોના આર. પ્રેમદાસા સ્ટેડિયમમાં રમાઈ રહી છે. ભારતે પાકિસ્તાનને ૧૭૬ રનનો ટાર્ગેટ છે. ટીમ ઈન્ડિયાએ ૨૦ ઓવરમાં ૭ વિકેટે ૧૭૫ રન બનાવ્યા હતા. ભારત તરફથી સૌથી વધુ ઈશાન કિશને ૪૦ બોલમાં ૭૭ રન ફટકાર્યા હતા. કેપ્ટન સૂર્યાએ ૩૨ રન બનાવ્યા હતા. જ્યારે શિવમ દુબેએ ૨૭ રન બનાવ્યા હતા. પાકિસ્તાન તરફથી સૌથી સૈમ અયુબે ૩ વિકેટ લીધી હતા.
જ્યારે ઉસ્માન તારિક, કેપ્ટન સલમાન અલી આગા અને શાહીન આફ્રિદીએ ૧-૧ વિકેટ લીધી હતી. ટાસ દરમિયાન બંને ટીમના કેપ્ટનોએ હાથ મિલાવ્યા ન હતા. ગયા વર્ષે એશિયા કપ દરમિયાન ભારતીય ખેલાડીઓએ પાકિસ્તાની ખેલાડીઓ સાથે હાથ મિલાવ્યા ન હતા. પહેલગામમાં થયેલા આતંકવાદી હુમલાના વિરોધમાં આ નિર્ણય લેવામાં આવ્યો હતો.
ભારતે ૧૮મી ઓવરના પાંચમા બોલે પોતાની પાંચમી વિકેટ ગુમાવી દીધી હતી. કેપ્ટન સૂર્યકુમાર યાદવ ૩૨ રન બનાવીને આઉટ થયો હતો. ઉસ્માન તારિકના બોલ પર સૈમ અયુબના હાથે તેનો કેચ થયો. તારિકે પોતાની પહેલી વિકેટ લીધી હતી.
ભારતીય ટીમે ૧૫મી ઓવરમાં સતત બે બોલમાં વિકેટ ગુમાવી દીધી હતી. બીજા બોલ પર તિલક વર્માને એલબીડબલ્યુ આઉટ આપવામાં આવ્યો. તિલક ૨૫ રન બનાવીને આઉટ થયો હતો. ત્રીજા બોલ પર બાબર આઝમના હાથે હાર્દિક પંડ્યાનો કેચ થયો. હાર્દિક પોતાનું ખાતું પણ ખોલી શક્યો નહોતો.
ત્રીજા બોલ પર શિવમ દુબેને આઉટ કરવાની તક બનાવવામાં આવી, પરંતુ દુબે બચી ગયો હતો. ઈન્ડિયન ટીમે ૧૨મી ઓવરના પહેલા બોલે ૧૦૦ રનનો આંકડો પાર કર્યો. મોહમ્મદ નવાઝની બોલિંગ પર તિલક વર્માએ ચોગ્ગો ફટકારીને ટીમનો સ્કોર ૧૦૦ રનને પાર પહોંચાડ્યો હતો. ઓવરના છેલ્લા બોલ પર, ભારતીય કેપ્ટન સૂર્યકુમાર યાદવ અમ્પાયરના કોલથી બચી ગયો. નવાઝનો બોલ તેના પેડ પર વાગ્યો, પરંતુ ફિલ્ડ અમ્પાયર કુમાર ધરમસેનાએ તેને નોટ આઉટ જાહેર કર્યો હતો.
૧૧મી ઓવરમાં ઉસ્માન તારીકે પહેલી ઓવર ફેંકી. તેણે માત્ર ૬ રન આપ્યા હતા. કેપ્ટન સૂર્યકુમાર યાદવે પહેલા બોલમાં ફોર ફટકારી. બાકીના બોલમાં બે સિંગલ આવ્યા હતા. ઈશાન કિશન નવમી ઓવરમાં આઉટ થયો. તેને સૈમ અયુબે ક્લીન બોલ્ડ કર્યો હતો. ઈશાને ૪૦ બોલમાં ૧૦ ચોગ્ગા અને ૩ છગ્ગા સાથે ૭૭ રનની ઝડપી ઇનિંગ રમી હતી. ઈશાન કિશને આઠમી ઓવરમાં બે બાઉન્ડરી ફટકારી. આ ઓવર બે રનથી શરૂ થઈ.
કિશને આગળના બોલ પર શોર્ટ ફાઇન લેગ પર બાઉન્ડરી ફટકારી. ત્યારબાદ તેણે ડીપ મિડવિકેટ પર સિક્સર ફટકારી હતી. ઈશાન કિશને અબરાર અહેમદના બોલ પર ચોગ્ગાની હેટ્રિક ફટકારી. આ ચોગ્ગાની મદદથી કિશને તેની સતત બીજી અડધી સદી ફટકારી. સાત ઓવર પછી, ભારતે એક વિકેટ ગુમાવીને ૬૫ રન બનાવ્યા હતા. ટાસ હારતા પહેલી બેટિંગ કરી રહેલા ભારતની શરૂઆત સારી રહી હતી. ટીમે અભિષેક શર્માને એક રન પર ગુમાવી દીધો હતો.
ત્યારબાદ, ઈશાન અને તિલક વર્માની જોડીએ પાવરપ્લેમાં ટીમને ૫૨ રન બનાવ્યા હતા. બન્ને વચ્ચે ફિફ્ટીની ભાગીદારી પણ પૂરી કરી હતી. ભારતે પાંચમી ઓવરમાં ૧૧ રન ઉમેર્યા, જેનાથી સ્કોર ૪૧/૧ થયો. તેણે ઘૂંટણિયે પડીને નવા બોલર અબરાર અહેમદના પહેલા બોલ પર સ્ક્વેર લેગ પાછળ સિક્સર ફટકારી. ત્યારબાદ અબરાર શોર્ટ બોલ ફેંક્યો. આ વખતે કિશને કવર ઉપર ચોગ્ગો ફટકાર્યો હતો. સૈમ અયુબે ચોથી ઓવર ફેંકી. ઈશાન કિશને સ્ક્વેર લેગ પર ચાર ઓવર ફટકારી.
ઈશાને છેલ્લા બોલ પર એક સિંગલ લીધો હતો. સલમાન આગા ત્રીજી ઓવરમાં બોલિંગ કરવા પાછો ફર્યો હતો. ઈશાને મિડ-ઓન પર પહેલા જ બોલ પર ચોગ્ગો ફટકાર્યો હતો. ઓવરના છેલ્લા બોલ પર કિશન આઉટ થવાથી માંડ માંડ બચી ગયો. તેણે લોંગ ઓફ તરફ શોટ રમ્યો, પરંતુ બોલ હવામાં ઊંચો ગયો પણ ફિલ્ડર તેના સુધી પહોંચી શક્યો નહોતો.
ભારતે બીજી ઓવરમાં વાપસી કરી, ઈશાન કિશને શાહીન શાહ આફ્રિદીના પહેલા જ બોલ પર સિક્સર ફટકારી હતી. પછીના બોલ પર પણ બાઉન્ડરી આવી. તિલક વર્માએ ઓવરના છેલ્લા બોલ પર ફોર ફટકારી હતી. આ ઓવરમાં ૧૫ રન બન્યા હતા. પહેલી ઓવરમાં ભારતે એક વિકેટ ગુમાવી. પાકિસ્તાનના કેપ્ટન સલમાન આગાએ બાજી સંભાળી અને વિકેટ મેળવી.
છેલ્લા બોલ પર, સલમાને મિડલ-લેગ લાઇન નીચે બેક-ઓફ-લેન્થ બોલ ફેંક્યો હતો. અભિષેકે મોટો શોટ રમવાનો પ્રયાસ કર્યો, પરંતુ ટાઇમિંગ બરાબર ન આવ્યું અને બોલ સીધો મિડ-ઓન પર ઉભેલા શાહીન આફ્રિદીના હાથમાં ગયો હતો.
