TVS મોટરે રણ ઉત્સવ ખાતે અભૂતપૂર્વ રીતે બીજા વર્ષની ઉજવણી કરી

 મોટરસાયકલિંગ દ્વારા ભારતના અનુભવાત્મક પ્રવાસનને સશક્ત કર્યું

• કચ્છના રણના ભૂદ્રશ્યો અને સંસ્કૃતિને આધારે તૈયાર કરવામાં આવેલી પાંચ ખાસ કસ્ટમ મોટરસાયકલ
• કમ્યૂનિટી રાઈડ્સ અને મોટરસ્પોર્ટ્સ અનુભવો દ્વારા ગુજરાતના રણ ઉત્સવને અનોખા અનુભવ માટે ફરજિયાત મુલાકાત સ્થળ તરીકે મજબૂત બનાવાયું
• ટીવીએસ અપાચે ઓનર્સ ગ્રુપ (એઓજી)અને ટીવીએસ રોનિન CuLT (Culture, Lifestyle, and Travel) સમુદાયના 100થી વધુ રાઈડર્સે પ્રથમ વખત વેસ્ટ ચેપ્ટર રાઈડ દ્વારા રણ સુધી સફર કરી

 ભુજ, 14 ફેબ્રુઆરી, 2026: ટુ અને થ્રી વ્હીલર સેગમેન્ટમાં અગ્રણી ગ્લોબલ મેન્યુફેક્ચરર ટીવીએસ મોટર કંપની (TVSM) ભારતના પ્રખ્યાત સ્થળોને નવી રીતે અનુભવવા માટે મોટરસાયકલ આધારિત પ્રવાસોની નવી દિશા આપી રહી છે. રણ ઉત્સવમાં પોતાના બીજા વર્ષ દરમિયાન, કંપનીએ રણ ઓફ કચ્છને વૈશ્વિક સ્તરે ફરજિયાત મુલાકાત લેવાનું સ્થળ તરીકે રજૂ કર્યું છે. અહીં દેશ અને વિદેશમાંથી આવેલા રાઈડર્સે વિશાળ સફેદ મીઠાના રણ, પ્રસિદ્ધ ‘રોડ ટુ હેવન’ અને તારાઓથી ભરેલી રાત્રિનો અનોખો અનુભવ કર્યો.

ગયા વર્ષે ઉત્સવ સાથેની પ્રથમ ભાગીદારી બાદ, આ વર્ષે બે દિવસ દરમિયાન 100થી વધુ મોટરસાયકલ પ્રેમીઓએ, જેમાં ઇટાલી અને મેક્સિકો જેવા દેશોના રાઈડર્સ પણ સામેલ હતા, કમ્યૂનિટી રાઈડ્સ, ખાસ કસ્ટમ મોટરસાયકલ અને મોટરસ્પોર્ટ્સ પ્રદર્શન દ્વારા સફેદ મીઠાના મેદાનોનો અનુભવ કર્યો. વધતી ભાગીદારી દર્શાવે છે કે રણ ઉત્સવ હવે મોટરસાયકલ આધારિત અનુભવ પ્રવાસનનું મહત્વનું કેન્દ્ર બની રહ્યું છે.

ગુજરાતના માનનીય નાયબ મુખ્યપ્રધાન શ્રી હર્ષ સંઘવીએ જણાવ્યું, “રણ ઉત્સવ સ્થળોને અનુભવવાની રીતમાં નવો માપદંડ ઊભો કરી રહ્યો છે, જ્યાં સંસ્કૃતિ, પ્રકૃતિ અને નવીનતા એક સાથે આવે છે. આ વર્ષે રાઈડર્સ અને સમુદાયોની વધતી ભાગીદારી બતાવે છે કે કચ્છનું રણ પરંપરાગત પ્રવાસનથી આગળ વધી રહ્યું છે. ટીવીએસ મોટર કંપની જેવી અગ્રણી કંપનીઓ સાથેની ભાગીદારી ભારતના અનુભવ આધારિત પ્રવાસનને મજબૂત બનાવે છે અને કચ્છના રણને રાષ્ટ્રીય તેમજ વૈશ્વિક સ્તરે ઓળખ આપે છે.”

ભારતના સ્થળોને વૈશ્વિક નકશા પર મૂકવાના વિશાળ દ્રષ્ટિકોણ સાથે, રણ ઉત્સવ એ ઉત્તમ ઉદાહરણ બની રહ્યું છે કે કેવી રીતે સંસ્કૃતિ, પ્રકૃતિ અને આધુનિક અનુભવ મળીને લાંબા ગાળાનું આકર્ષણ ઊભું કરી શકે છે.

ટીવીએસ મોટર કંપનીના ચેરમેન સુદર્શન વેણુએ જણાવ્યું હતું કે, “કચ્છનું રણ ભારતની સંસ્કૃતિ અને વારસાનું અદભૂત પ્રતીક છે. માનનીય વડાપ્રધાન શ્રી નરેન્દ્ર મોદીએ ભારતના સ્થળોને અને અનુભવ આધારિત પ્રવાસનને પ્રોત્સાહન આપવા જે દ્રષ્ટિ આપી છે, તે ટીવીએસ મોટર માટે પ્રેરણાસ્ત્રોત રહી છે. હવે મોટરસાયકલ આધારિત સાહસો દ્વારા ભારતના ખજાનાને વૈશ્વિક પ્રવાસન નકશા પર મૂકીને આ દ્રષ્ટિને નવા સ્તરે લઇ જવાનો અમને ગર્વ છે.”

ટીવીએસ અપાચે ઓનર્સ ગ્રુપ (એઓજી) અને ટીવીએસ રોનિન CuLT કમ્યૂનિટી સાથે વેસ્ટ ચેપ્ટર રાઈડ 100થી વધુ રાઇડર્સને રણમાં લાવે છે

ટીવીએસ અપાચે ઓનર્સ ગ્રુપ (એઓજી) અને ટીવીએસ રોનિન CuLT કમ્યૂનિટીની પ્રથમ વેસ્ટ ચેપ્ટર રાઈડમાં મુંબઈ, પુણે, કોલ્હાપુર, જયપુર અને અમદાવાદથી 100થી વધુ રાઈડર્સ જોડાયા હતા. લાંબી અંતરની આ સફરે બતાવ્યું કે રણનો સાચો આનંદ દ્વિ-ચક્રીય વાહન પર જ લઈ શકાય છે. હાઈવે, ગામડાંના રસ્તા અને વિશાળ મીઠાના રણને જોડતી આ સફર એક સામૂહિક ખોજયાત્રા બની.

ટીવીએસ પ્રીમિયમ અરિના દર્શાવે છે પરફોર્મન્સ ડીએનએ તથા મોટરસ્પોર્ટ્સનો ઉત્સાહ

ટીવીએસ પ્રીમિયમ અરિના ઊર્જાથી ભરપૂર પ્રદર્શન ક્ષેત્ર બની ગયું, જ્યાં પરફોર્મન્સ, મોટરસ્પોર્ટ્સ અને પ્રોડક્ટની બહુમુખી ક્ષમતાઓ રજૂ થઈ. અહીં ટીવીએસ રેસિંગની પરંપરા, ટીવીએસ અપાચેની પરફોર્મન્સ ઓળખ અને ટીવીએસ રોનિનની CuLT છબિ મોટરસાયકલ, રેસ મશીનો, એસેસરીઝ અને મર્ચેન્ડાઇઝ સાથે રજૂ થઈ.

મોટરસ્પોર્ટ્સ અને રાઈડિંગ અનુભવ કાર્યક્રમના મુખ્ય આકર્ષણ રહ્યા, જેમાં નીચેની બાબતો સમાવિષ્ટ હતીઃ

• ટીવીએસ અપાચે પ્રો પરફોર્મન્સ સ્ટંટ શો
• ટીવીએસ રોનિન ડ્રિફ્ટ-આર ફ્લેટ ટ્રેક તાલીમ અને ગ્રાહક અનુભવ
• ટીવીએસ રેસિંગFMX શૉકેસ
• ટીવીએસ અપાચેRTX એડવેન્ચર ટ્રેનિંગ અને અનુભવો
• ખાસ મહિલા ડ્રિફ્ટ-આર ચેમ્પિયનશિપ

રણ ઉત્સવ કસ્ટમ સિરીઝ ડિઝાઇન, ક્રાફ્ટ તથા ખોજ પ્રેરિત એન્જિનિયરિંગને સાથે લાવે છે

આ ભાગીદારીનું કેન્દ્ર હતું ટીવીએસ રણ ઉત્સવ કસ્ટમ સિરીઝ. પાંચ ખાસ ડિઝાઇન કરેલી મોટરસાયકલો કચ્છના રણની પ્રકૃતિ અને સંસ્કૃતિને આધારે તૈયાર કરવામાં આવી હતી. વિશાળ મીઠાના મેદાનો, આકાશના બદલાતા રંગો, તારાથી ચમકતી રાત અને સ્થાનિક હસ્તકલા પરંપરાથી પ્રેરણા લઈને આ સિરીઝે મેદાનો અને વારસાને સ્વરૂપ, રંગ અને ઉદ્દેશ્યમાં ફેરવ્યા હતા.

ચાર મોટરસાયકલ – ટીવીએસ રોનિન, ટીવીએસ અપાચે RTR 200, ટીવીએસ અપાચે RTR 310 અને ટીવીએસ અપાચે RR 310 – “ધ રણ ઓફ કચ્છ એડિશન – અ સિમ્ફની ઓફ સોલ્ટ એન્ડ સ્કાય” થીમ હેઠળ ફરીથી ડિઝાઇન કરવામાં આવી. Eimor Customs સાથે મળીને બનાવેલી આ હેન્ડ-પેઇન્ટેડ ડિઝાઇન રણના સફેદ મેદાનો અને આકાશ વચ્ચેના સુંદર વિપરીત દ્રશ્યને દર્શાવે છે. મુખ્ય બોડી પેનલ્સ પર ફાઇન આર્ટ તરીકે કાળજીપૂર્વક લાગુ કરાયેલ પોસ્ટરાઇઝ્ડ કલર લેંગ્વેજ, આ લિમિટેડ સિરીઝના ભાગરૂપે દરેક મોટરસાઇકલને ચિહ્નિત કરતા ખાસ લેસર-કટ સ્ટેનલેસ-સ્ટીલ બેજ દ્વારા પૂરક બને છે.

આ કલેક્શનમાં એક ખાસ મોડિફાઈડ ટીવીએસ રોનિન પણ સામેલ છે, જે “અનસ્ક્રીપ્ટેડ એક્સપ્લોરેશન” થીમ પર આધારિત છે. રણના મેદાનો અને ભાવના પરથી પ્રેરિત આ મોટરસાઇકલમાં ડ્યુઅલ-પર્પઝ ટાયર્સ, ખાસ બનાવેલો આગળનો મડગાર્ડ અને મજબૂત પાછળનો રેક છે, જેમાં સામાન રાખી શકાય. Ajrak પ્રેરિત લેધર એસેસરીઝ અને ઊંટના રંગની હેન્ડ-સ્ટીચ ડિટેઇલ સ્થાનિક વારસાને માન આપે છે. સ્કાય બ્લૂથી સોલ્ટ વ્હાઇટ સુધીનો ગ્રેડિએન્ટ રંગ રણમાં સવારના શાંત દ્રશ્યને દર્શાવે છે.

સ્પેશિયલ એડિશન લાંબા ગાળાની અનુભવ આધારિત દ્રષ્ટિની પુનઃપુષ્ટિ કરે છે

કચ્છના રણમાં સતત બીજા વર્ષે હાજરી આપીને ટીવીએસ મોટરે ગુજરાત ટુરિઝમ સાથે લાંબા ગાળાના અનુભવાત્મક પ્લેટફોર્મ ઊભા કરવાના તેના ઇરાદાનો પુનરોચ્ચાર કર્યો છે. આ ભાગીદારી પરફોર્મન્સ, સમુદાય, ડિઝાઇન અને સંસ્કૃતિને એક સાથે લાવી રાઈડર્સને અનોખો અનુભવ આપે છે. આ પહેલ દ્વારા દેશભરના રાઈડર્સને #ExploreTheUnexploredRann માટે આમંત્રણ આપવામાં આવ્યું છે, જેથી તેઓ રણને નવી દ્રષ્ટિથી, સાહસ અને સર્જનાત્મકતા સાથે શોધી શકે.