ગુજરાત ટાઇટન્સે જોશભેર જુનિયર ટાઇટન્સની ત્રીજી એડિશનનું સમાપન કર્યું

5100 બાળકોએ ‘Let’s Sport Out!’ની ભાવના અપનાવી

અમદાવાદ, 14 ફેબ્રુઆરી, 2026 – ગુજરાત ટાઇટન્સે જુનિયર ટાઇટન્સની ત્રીજી એડિશનનું સમાપન કર્યું હતું જેમાં ગુજરાતભરની 100+ સરકારી અને ખાનગી શાળાઓનું પ્રતિનિધિત્વ કરતા 5100 થી વધુ બાળકોએ ભાગ લીધો હતો. શાળાઓ તરફથી સતત ભાગીદારી અને મજબૂત પ્રતિસાદ દર્શાવે છે કે ફ્રેન્ચાઇઝની પાયાના સ્તરની પહેલની અસરમાં વધારો થઈ રહ્યો છે. આ પહેલનો હેતુ 14 વર્ષથી ઓછી ઉંમરના બાળકોમાં ઘરની બહાર રમાતી રમતો અને શારીરિક પ્રવૃત્તિને પ્રોત્સાહન આપવાનો છે.

Over 5100 children embrace ‘Let’s Sport Out!’ 

જુનિયર ટાઇટન્સની શરૂઆત 2024માં ગુજરાતના મુખ્ય શહેરી કેન્દ્રો, જેમ કે વડોદરા અને રાજકોટમાં થઈ હતી, અને ત્યારથી તેણે રાજ્યમાં વધુને વધુ વિસ્તાર કર્યો છે. તેની ત્રીજી એડિશનમાં આ પહેલ અમદાવાદની સાથે સુરેન્દ્રનગર, મોરબી, અમરેલી અને આણંદ સુધી પહોંચી છે, જે ગુજરાત ટાઇટન્સના માળખાકીય રમતગમતના અનુભવોને ગુજરાતના દરેક ખૂણા સુધી પહોંચાડવાની પ્રતિબદ્ધતા પર ભાર મૂકે છે.

મલ્ટી–સિટી ગ્રાસરૂટ પ્રોગ્રામ તરીકે કલ્પના કરાયેલો, જુનિયર ટાઇટન્સ પરિવારો અને સ્થાનિક સમુદાયોને ગુજરાત ટાઇટન્સ બ્રાન્ડ અને તેના મૂલ્યો સાથે જોડાવા માટે સક્ષમ બનાવે છે. દરેક શહેરમાં એક દિવસીય કાર્યક્રમનું આયોજન કરવામાં આવ્યું હતું જેમાં સમાવેશક, બિન–સ્પર્ધાત્મક સત્રો અને વિવિધ આકર્ષક રમતો તથા પ્રવૃત્તિઓ યોજવામાં આવી હતી. શારીરિક પ્રવૃત્તિને ઇન્ટરેક્ટિવ ફોર્મેટ સાથે જોડીને, આ કાર્યક્રમે મનોરંજક અને સહાયક વાતાવરણમાં યુવા સહભાગીઓમાં રમતગમત દ્વારા આત્મવિશ્વાસ અને ટીમવર્કનું નિર્માણ કરતી વખતે ભાગીદારીને સતત પ્રોત્સાહન આપ્યું હતું. 

અમદાવાદમાં અંતિમ તબક્કામાં, ટોરેન્ટ ગ્રુપની પરોપકારી શાખા યુએનએમ ફાઉન્ડેશન દ્વારા સમર્થિત 269 બાળકોએ પણ ભાગ લીધો હતો. આ ફાઉન્ડેશન શિક્ષણ, આરોગ્યસંભાળ અને સમુદાય વિકાસ પહેલમાં કામગીરી કરે છે. તેમના ભાગ લેવાથી જુનિયર ટાઇટન્સની સમાવેશક પહોંચ વધુ મજબૂત બની હતી તથા કાર્યક્રમની અસર વિવિધ સામાજિક–આર્થિક પૃષ્ઠભૂમિના બાળકો સુધી પહોંચી હતી. 

ગુજરાત ટાઇટન્સના ચીફ ઓપરેટિંગ ઓફિસર કર્નલ અરવિંદર સિંહે ત્રીજી એડિશનના સફળ સમાપન અંગે જણાવ્યું હતું કે, “જુનિયર ટાઇટન્સની ત્રીજી એડિશનનું સફળ સમાપન રમતગમતની સંસ્કૃતિ ઊભી કરવાના અમારા સતત પ્રયાસમાં એક મહત્વપૂર્ણ સીમાચિહ્ન છે. પાંચ શહેરોમાં ભાગીદારી જે સ્તરે પહોંચી છે તે આ પહેલની વધતી જતી સુસંગતતા અને શાળાઓ, પરિવારો અને સમુદાયો દ્વારા અમારામાં મૂકેલા વિશ્વાસને દર્શાવે છે.

જુનિયર ટાઇટન્સ ફક્ત એક આઉટરીચ પહેલ નથી, તે માળખાગત ભાગીદારીને પ્રોત્સાહિત કરવા અને એક એવી સંસ્કૃતિને પ્રોત્સાહન આપવા માટે લાંબા ગાળાનું રોકાણ છે જ્યાં રમતગમત અને આઉટડોર સ્પોર્ટ્સ બાળકના વિકાસનો કુદરતી ભાગ બની જાય છે. એક સ્પોર્ટિંગ ફ્રેન્ચાઇઝી તરીકે, અમે આ પહેલની પહોંચ અને અસરને વિસ્તારવા અને સમગ્ર ગુજરાતમાં સ્પોર્ટિંગ ઇકોસિસ્ટમને મજબૂત કરવા માટે પ્રતિબદ્ધ છીએ.”

શરૂઆત થઈ ત્યારથી જ જુનિયર ટાઇટન્સે ત્રણ એડિશન દ્વારા ગુજરાતના 13 શહેરોમાં 15,000થી વધુ બાળકોને જોડ્યા છે અને તે ફ્રેન્ચાઇઝી માટે એક મહત્વપૂર્ણ તથા પાયાના સ્તરની પહેલ તરીકે ઊભરી આવી છે.

આ કાર્યક્રમ સાથે સતત બીજા વર્ષે વિશ્વની સૌથી પ્રિય વૈશ્વિક બ્રાન્ડ્સમાંની એક એવી પોકેમોને જુનિયર ટાઇટન્સ સાથે સહયોગ ચાલુ રાખ્યો છે. આ સહયોગ હેઠળ ભાગ લેનારા બાળકોને જોડવા અને આનંદ આપવા માટે વિવિધ રમતો તૈયાર કરવામાં આવી છે. આ સતત ભાગીદારી જુનિયર ટાઇટન્સના સ્કેલ, પડઘો અને અસરકારકતા તથા સમુદાય પર તેની અસર પર ભાર મૂકે છે.

‘Let’s Sport Out!’ ની ફિલોસોફીમાં મૂળિયા ધરાવતી, જુનિયર ટાઇટન્સ ગુજરાત ટાઇટન્સ માટે એક મુખ્ય સમુદાય જોડાણ પ્લેટફોર્મ તરીકે બની રહી છે, જે અમદાવાદ અને તેની બહારના સમુદાયો સાથે ફ્રેન્ચાઇઝીના જોડાણને મજબૂત બનાવે છે.

ત્રીજી એડિશનના સફળ સમાપનથી જુનિયર ટાઇટન્સ જેવી પાયાની પહેલ દ્વારા સમગ્ર ગુજરાતમાં એક મજબૂત રમતગમત સંસ્કૃતિનું નિર્માણ કરવાની ગુજરાત ટાઇટન્સની પ્રતિબદ્ધતા વધુ મજબૂત બને છે.