‘જરાય શરમ રહી નથી, અમેરિકામાં જોકરોનો શો ચાલી રહ્યો છે’: ઓબામા
પદ માટે શિષ્ટાચાર, મર્યાદા અને આદર હોવો જોઈએ, તેમનામાં હવે કોઈ શરમ રહી નથી. તે ખોવાઈ ગયું છે.’
(એજન્સી)નવી દિલ્હી, પૂર્વ રાષ્ટ્રપ્રમુખ બરાક ઓબામાએ વર્તમાન ટ્રમ્પ સરકારમાં અમેરિકન રાજનીતિના ઘટતાં સ્તરને શાબ્દિક હુમલો કર્યાે છે. ઓબામાએ ટ્રમ્પના બીજા કાર્યકાળ દરમિયાન અમેરિકાના રાજનીતિને ‘જોકરોનો શા’ ગણાવ્યો હતો.
તેમણે કહ્યું કે, ‘વ્હાઈટ હાઉસમાં તાજેતરના નિવેદન મોટાભાગે અમેરિકનને પરેશાન કરવામાં આવ્યા છે.’બ્રાયન ટાયલર કોહેનના ‘નો લાઈ’ પોડકાસ્ટ પર વાતચીત કરતી વખતે ઓબામાએ પૂર્વ પ્રથમ મહિલા મિલેશ ઓબામા અને તેઓને આપત્તિજનક રીતે બતાવવામાં આવેલા વીડિયો વિશે વાત કરી હતી. આ મુદ્દે ટ્રમ્પ દ્વારા માફી ન માંગવા અને કર્મચારીની ભૂલ ગણાવી હતી.
આ મામલે ઓબામાએ કહ્યું કે, ‘મોટાભાગના અમેરિકાના લોકો આ વ્યવહારને વધુ હેરાન કરનારો માને છે.’ શાણપણ અને મર્યાદા ઘટી રહી છે, ત્યારે ઓબામાએ ઇન્ટરનેટ અને ટેલિવિઝન પર વર્તમાન રાજકારણને સર્કસ ગણાવ્યું હતું.
તેમણે કહ્યું, ‘એક પ્રકારનો ‘જોકરોનો શા’ ચાલી રહ્યો છે. સત્ય એ છે કે, જેઓ એક સમયે માનતા હતા કે પદ માટે શિષ્ટાચાર, મર્યાદા અને આદર હોવો જોઈએ, તેમનામાં હવે કોઈ શરમ રહી નથી. તે ખોવાઈ ગયું છે.’ જ્યારે કોહેને ‘સંવાદનું પતન’ અને ઇમિગ્રેશન ઝુંબેશ દરમિયાન નાગરિકોના મોતને ‘ઘરેલુ આતંકવાદી’ કહેવાનો સવાલ ઉઠાવ્યો ત્યારે ઓબામા આ મુદ્દાને ધ્યાન ભટકાવવાની રાજનીતિ ગણાવી હતી.
તેમણે કહ્યું કે, ‘મોટાભાગના લોકો સરળતા અને દયાભાવમાં વિશ્વાસ રાખે છે.’રિપબ્લિકન પાર્ટીની કાર્યપ્રણાલીની ટીકા કરતા ઓબામાએ કહ્યું કે, તેઓ ફક્ત સ્થાપિત નિયમો અને કાયદાઓને અસ્પષ્ટ કરી રહ્યા છે જે રચનાત્મક પગલાં લેવા કરતાં સરળ છે. તેમણે ડેમોક્રેટ્સને રિપબ્લિકન-શૈલીના “બાળી નાખો અને નાશ કરો” અભિગમ અપનાવવા સામે ચેતવણી આપી હતી.
ઓબામાએ કહ્યું કે, ‘હું નથી ઈચ્છતો કે સત્યની ચિંતા ન કરીએ, જેવું અન્ય પક્ષ કરી રહ્યું છે. જો આપણે એ રીતે લડીશું તો આપણી એ ખોઈ બેસીસું કે જેના માટે આપણે લડી રહ્યા છીએ.’
તેમણે પોતાના કાર્યકાળનું ઉદાહરણ આપતા કહ્યું કે, ‘અમે વિપક્ષી રાજ્યો સામે સૈન્ય કે નાણાકીય શક્તિનો ખોટો ઉપયોગ કરી શકતા હતા, પરંતુ તે લોકશાહીમાં કામ કરવાની રીતની વિરૂદ્ધમાં છે.’ ઓબામાએ અંતમાં સમર્થકો પાસે આગ્રહ કર્યાે કે આ મુશ્કેલી પડકારથી નિરાશ ન થાઓ, કારણ કે લોકશાહીના બચાવનું કાર્ય હંમેશા થોડું મુશ્કેલ હોય છે.
