ગિફ્ટ સિટીમાં ઈન્ટરનેશનલ ફાયનાંન્સિગ સેક્ટરમાં રોકાણો માટે લેકઝમબર્ગની ઉત્સુકતા
મુખ્યમંત્રી શ્રી ભૂપેન્દ્ર પટેલની સૌજન્ય મૂલાકાતે લક્ઝમબર્ગના ગ્રાન્ડ ડચીના નાણાં મંત્રી શ્રી ગિલિસ રોથ અને ડેલિગેશન
વડાપ્રધાન શ્રી નરેન્દ્રભાઈ મોદીના નેતૃત્વમાં ગુજરાત પ્રુડન્ટ ફાયનાન્સિયલ મેનેજમેન્ટ ધરાવતું રાજ્ય ગ્રીન એનર્જી-ગ્રીન ફાયનાંન્સિગ-ગ્રીન ગ્રોથમાં અગ્રેસરતા માટે લક્ઝમબર્ગની તજજ્ઞતાનો લાભ માટે પરામર્શ કર્યા
Ø લોંગટર્મ ઈન્ફ્રાસ્ટ્રક્ચર અને સસ્ટેનેબલ ડેવલપમેન્ટ માટે પરસ્પર સહયોગ અંગે બેઠકમાં ચર્ચા હાથ ધરવામાં આવી
મુખ્યમંત્રી શ્રી ભૂપેન્દ્ર પટેલની સૌજન્ય મૂલાકાત લક્ઝમબર્ગના ગ્રાન્ડ ડચીના નાણાં મંત્રી શ્રી ગિલિસ રોથ અને ડેલિગેશને ગાંધીનગરમાં લીધી હતી.
લક્ઝમબર્ગ 115 બેંક્સ સાથે 8 ટ્રીલિયન યુરોનું રોકાણ એસેટ મેનેજમેન્ટમાં અને 80 જેટલા દેશોમાં ઈન્વેસ્ટમેન્ટ એન્ડ ફાયનાંન્સિયલ સર્વિસસમાં પ્રેઝન્સ ધરાવે છે આ સંદર્ભમાં તેમણે ભારત-ગુજરાત સાથે નાણાંકિય સંબંધો વિસ્તારવા માટેની ઉત્સુકતા દર્શાવી હતી.
મુખ્યમંત્રી શ્રી ભૂપેન્દ્ર પટેલે આ બેઠકની ચર્ચાઓ દરમિયાન જણાવ્યું કે, વડાપ્રધાન શ્રી નરેન્દ્રભાઈ મોદીના નેતૃત્વમાં ગુજરાત પ્રુડન્ટ ફાયનાંન્સિયલ મેનેજમેન્ટ ધરાવતું રાજ્ય છે. એટલું જ નહિ, ગ્રીન એનર્જી, ગ્રીન ફાયનાંન્સિગ તથા ગ્રીન ગ્રોથમાં લિડ લેવા સજ્જ છે તે સંદર્ભમાં લક્ઝમબર્ગની ગ્રીન બોન્ડ અને ગ્રીન ફાયનાંન્સિગ ક્ષેત્રની તજજ્ઞતાનો લાભ રાજ્યને મળે તે માટે તેમણે ચર્ચા-વિચારણાઓ કરી હતી.
તેમણે વડાપ્રધાનશ્રીએ રિન્યુએબલ-ગ્રીન એનર્જી અને મિશન લાઈફ દ્વારા પર્યાવરણ અનુકુલ જીવન શૈલી સાથે ગ્રીન ગ્રોથનો જે વિચાર આપ્યો છે તેને મ્યુનિસિપલ ગ્રીન બોન્ડ્સ તથા લોંગટર્મ ઈન્ફ્રાસ્ટ્રક્ચર અને સસ્ટેનેબલ ડેવલપમેન્ટથી સાકાર કરી શકાય તે માટે પણ પરસ્પર સહયોગની સંભાવનાઓ ચકાસવા અનુરોધ કર્યો હતો.
લક્ઝમબર્ગના નાણાં મંત્રી શ્રી ગિલિસ રોથે જણાવ્યું કે, ગિફ્ટ સિટીમાં IFSCA અને લક્ઝમબર્ગના CSSF વચ્ચે થયેલા એમ.ઓ.યુ. દ્વારા ભારત અને લક્ઝમબર્ગનો નાણાંકિય સહયોગ વધુ મજબૂત બન્યો છે અને ગુજરાતની ગ્લોબલ ફાયનાંન્સિયલ કનેક્ટિવિટીમાં પણ વધારો થયો છે. શ્રીયુત ગિલિસ રોથે ગિફ્ટ સિટીમાં ઈન્ટરનેશનલ ફાયનાંન્સીંગ સેક્ટરમાં વધુ રોકાણો માટે લેકઝમબર્ગની ઉત્સુકતા દર્શાવી હતી.
મુખ્યમંત્રી શ્રી ભૂપેન્દ્ર પટેલે લક્ઝમબર્ગના પ્રતિનિધિ મંડળને આગામી જાન્યુઆરી-2027માં યોજાનારી વાયબ્રન્ટ ગુજરાત ગ્લોબલ સમિટ તથા એપ્રીલ-2026 તથા જૂન-2026માં યોજાનારી સાઉથ અને સેન્ટ્રલ ગુજરાતની વાયબ્રન્ટ ગુજરાત રિજનલ કોન્ફરન્સમાં જોડાવા માટેનું આમંત્રણ પણ પાઠવ્યું હતું.
લક્ઝમબર્ગના ફાયનાન્સ મિનિસ્ટર શ્રીયુત ગિલિસ રોથે મુખ્યમંત્રીશ્રી અને ગુજરાત સરકારના પ્રતિનિધી મંડળને લક્ઝમબર્ગ ગ્રાન્ડ ડચીની મુલાકાતે આવવાનું ભાવભર્યુ આમંત્રણ આપ્યું હતું.
આ સૌજન્ય મુલાકાત બેઠકમાં મુખ્યમંત્રીશ્રીના અગ્ર સચિવ શ્રી સંજીવ કુમાર, ઉદ્યોગ કમિશનર શ્રી પી. સ્વરૂપ તથા મુખ્યમંત્રીશ્રીના અધિક અગ્ર સચિવ ડૉ. વિક્રાંત પાંડે પણ સહભાગી થયા હતાં.
