તારક મહેતાની જુની અંજલી ભાભી ૪૩ વર્ષે પણ સિંગલ
મુંબઈ: તારક મહેતા કા ઉલ્ટા ચશ્મા’માં ૧૨ વર્ષ સુધી ‘અંજલી ભાભી’નું પાત્ર ભજવનારી એક્ટ્રેસ નેહા મહેતાએ ગયા વર્ષે શોને અલવિદા કહ્યું હતું. સીરિયલમાં ડાયટ કોન્શિયસ પત્નીનું પાત્ર ભજવનારી આ સુંદર એક્ટ્રેસ આજે (૯ જૂન) ૪૩ વર્ષની થઈ ગઈ છે. ૧૨ વર્ષ સુધી શ્રીમતી અંજલી મહેતાના રોલમાં જાેવા મળેલી નેહા મહેતા રિયલ લાઈફમાં સિંગલ છે અને પોતાના માટે મિ.રાઈટની શોધમાં છે. નેહા મહેતાના બર્થ ડે પર તેના વિશેની કેટલીક એવી વાતો જાણો જેના વિશે તમે પણ અજાણ હતા. નેહાના પિતાએ તેને એક્ટર બનવા માટે કહ્યું હતું. તેના પિતા એક ફેમસ ગુજરાતી લેખક છે.
નેહાએ વોકલ એન્ડ ડ્રામામાં ડિપ્લોમાની સાથે ભારતીય શાસ્ત્રીય નૃત્યમાં માસ્ટર ઓફ પર્ફોર્મિંગ આટ્સની ડિગ્રી મેળવી છે. તેણે પોતાના એક્ટિંગની શરુઆત ગુજરાતી થિયેટરથી કરી હતી. ‘ડોલર બહૂ’ તેનો પહેલો હિંદી ટીવી શો હતો. આ શો બાદ ભાભી, કિસ દેશમાં નિકલા હોગા ચાંદ જેવી સીરિયલમાં નેહા મહેતા જાેવા મળી હતી. આ શો બાદ તેનું નસીબ ત્યારે પલટ્યું જ્યારે તેણે ‘તારક મહેતા કા ઉલ્ટા ચશ્મા’ સાઈન કરી. તારક મહેતા કા ઉલ્ટા ચશ્મા અને નેહા મહેતામાં કિસ્મત કનેક્શન છે. કારણ કે જાે આ કનેક્શન ન હોત તો નેહા એક્ટિંગ છોડીને ૨૦૦૮માં ફિલ્મ મેકિંગ કોર્સ કરવા માટે ન્યૂયોર્ક રવાના થઈ ગઈ હોત.
જ્યારે તેણે ન્યૂયોર્ક જવાની પૂરતી તૈયારી કરી લીધી હતી ત્યારે તેને ‘તારક મહેતા કા ઉલ્ટા ચશ્મા’ શો ઓફર થયો હતો. તે સમયે નેહાના પરિવારજનોએ તેને સલાહ આપી હતી કે, તે આ શો હાથમાંથી જવા ન દે કારણ કે શો ગુજરાતી સાહિત્ય સાથે જાેડાયેલો છે અને નેહાના પિતા પોતે સાહિત્ય સાથે જાેડાયેલા હતા. પોતાના પરિવાર સાથે વાત કર્યા બાદ નેહાએ શો માટે હા પાડી હતી. ગયા વર્ષે જ્યારે લોકડાઉન ખુલ્યું ત્યારે તેણે શોને અલવિદા કહ્યું હતું. જાે કે, આ ર્નિણયના થોડા દિવસ બાદ તેણે પ્રોડ્યૂસર અસિત મોદીને ફોન કરીને શોમાં પાછા આવવાની ઈચ્છા વ્યક્ત કરી હતી. પરંતુ જ્યાં સુધીમાં શોમાં કોઈએ તેને રિપ્લેસ કરી દીધી હતી. જાે કે, દર્શકો આજે પણ જૂના ‘અંજલી ભાભી’ને મિસ કરે છે.
