નીતૂ કપૂર ઋષિ કપૂરને યાદ કરી ધ્રૂસકેને ધ્રૂસકે રડ્યા
મુંબઈ: બોલિવુડના પીઢ અભિનેત્રી નીતૂ કપૂર સુપર ડાન્સર ચેપ્ટર ૪ના અપકમિંગ એપિસોડમાં મહેમાન બનીને આવવાના છે. શોના કન્ટેસ્ટન્ટ્સ નીતૂ કપૂર અને ઋષિ કપૂરના સદાબહાર સોન્ગ પર પર્ફોર્મન્સ આપતા જાેવા મળશે. આ દરમિયાન કંઈક એવું થશે કે, નીતૂ કપૂર ભાવુક થઈ જશે અને બધાની સામે જ આંસુ ન રોકી શકતાં રડી પડશે. વાત એમ છે કે, સુપર ડાન્સર ચેપ્ટર ૪ના કન્ટેસ્ટન્ટ્સ નીતૂ કપૂર અને તેમના પતિ ઋષિ કપૂરને એક પર્ફોર્મન્સ સમર્પિત કરતાં જાેવા મળશે. જેનાથી નીતૂ કપૂર જૂની યાદોમાં ખોવાઈ જશે અને રડી પડશે. સુપર ડાન્સર ચેપ્ટર ૪ના મેકર્સે અપકમિંગ એપિસોડનો પ્રોમો શેર કર્યો છે. જેમાં નીતૂ કપૂર બ્લૂ ટ્રેડિશનલ સલવાર-કમીઝમાં એન્ટ્રી લેતા જાેઈ શકાય છે.
તેમના ચહેરા પર હંમેશાની જેમ સ્મિત જાેવા મળી રહ્યું છે અને તેઓ સુંદર પણ લાગી રહ્યા છે. દરેક કન્ટેસ્ટન્ટના પર્ફોર્મન્સ બાદ નીતૂ કપૂરે ઋષિ કપૂર સાથેની કેટલીક અજાણી વાતો શેર કરી હતી. સોન્ગ દ્વારા કન્ટેસ્ટન્ટ્સે બંનેની લવ લાઈફ વિશે દેખાડતાં નીતૂ કપૂર ભાવુક થયા હતા. તેઓ પોતાની લાગણીને કાબૂમાં રાખી શક્યા નહોતા અને રડવા લાગ્યા હતા. જજ ગીતા કપૂર, શિલ્પા શેટ્ટી અને અનુરાગ બાસુ તરત જ નીતૂ કપૂર પાસે ગયા હતા અને તેમને શાંત રાખ્યા હતા.
તો કન્ટેસ્ટન્ટ્સના પર્ફોર્મન્સ બાદ નીતૂ કપૂરે કહ્યું ‘આટલું સારૂં ટ્રિબ્યૂટ મને ન કોઈએ આજ સુધી આપ્યું છે અને ન કોઈ આપી શકશે. તે ખૂબ જ હૃદયસ્પર્શી હતું’. નીતૂ કપૂરે આ સિવાય મધ્યપ્રદેશથી આવેલી કન્ટેસ્ટન્ટ અંશિકા રાજપૂતને સરપ્રાઈઝ આપીને દિલ જીતી લીધું હતું. અંશિકાએ તે રણબીર કપૂરની મોટી ફેન હોવાનું કહ્યું હતું. જે બાદ નીતૂ કપૂરે રણબીરને ફોન કર્યો હતો અને અંશિકા સાથે વાત કરાવી હતી. આ દરમિયાન રણબીરે શો પર ખૂબ જ જલ્દી આવવાનું વચન આપ્યું હતું,
જે સાંભળીને અંશિકા ખુશ થઈ ગઈ હતી. આ સિવાય, નીતૂ કપૂર જજ શિલ્પા શેટ્ટી અને ગીતા કપૂર સાથે ડાન્સ કરતાં જાેવા મળશે. શિલ્પા શેટ્ટીએ ઓરેન્જ કલરના ગાઉનની સાથે નેકલેસ પહેર્યો હતો. તો લીલા અને લાલ કલરના અનારકલી ડ્રેસમાં ગીતા કપૂર સુંદર લાગી રહી હતી. આ સાથે તેણે હળવી જ્વેલરી પણ પહેરી હતી.
