વડાપ્રધાન વેકસીનને લઇ જાગૃતતા ફેલાવી રહ્યાં અને રાહુલ જુઠ : શિવરાજ
ભોપાલ: કોંગ્રેસના નેતા રાહુલ ગાંધી કેન્દ્ર સરકારની કોરોના વાયરસની નીતિને લઈને સતત મોદી સરકાર પર આકરા પ્રહારો કરી રહ્યા છે. રાહુલ ગાંધીએ દેશમાં કોરોના રસીકરણની ગતિ અંગે પ્રશ્નો ઉભા કર્યા છે. દરમિયાન મધ્યપ્રદેશના મુખ્યમંત્રી શિવરાજસિંહ ચૌહાણે રાહુલ ગાંધી પર નિશાન સાધતા કહ્યું કે વડા પ્રધાન દેશભરમાં લોકોને નિશુલ્ક રસી આપવાની ખાતરી આપી રહ્યા છે પરંતુ રાહુલ ગાંધી જૂઠ ફેલાવી રહ્યા છે.
તેઓ લોકોમાં ગેરસમજ ફેલાવીને લોકોના જીવનને જાેખમમાં મુકી રહ્યા છે. વડા પ્રધાન દુલારિયા ગામના લોકો સાથે વાત કરી રહ્યા છે, તેઓને રસીકરણ માટે પ્રેરણા આપી રહ્યા છે અને કોરોના રસીકરણ સાથેની તેમની શંકાઓને દૂર કરી રહ્યા છે.
નોંધનીય છેકે વડા પ્રધાન નરેન્દ્ર મોદીના મન કી બાત કાર્યક્રમ પૂર્વે રાહુલ ગાંધીએ દેશમાં કોરોના રસીકરણની ગતિ પર સવાલ ઉઠાવતા કહ્યું હતું કે તમે દરેક દેશના લોકોને રસી આપો, પછી ભલે તમે તમારા મનની વાત સંભળાવો. રાહુલ ગાંધીએ ટ્વીટ કરીને દેશમાં કોરોના રસીકરણ દરની ગતિ બતાવી છે. જેમાં જાેઇ શકાય છે કે દેશમાં દરરોજ સરેરાશ ૩૦-૪૦ લાખ લોકો રસી લઈ રહ્યા છે.
આપને જણાવી દઈએ કે શિવરાજસિંહ ચૌહાણે મધ્યપ્રદેશમાં કોરોના કર્ફ્યુ ખતમ કરવાની જાહેરાત કરી છે. તેમણે તમામ આર્થિક પ્રવૃત્તિઓ ચાલુ રાખવાની મંજૂરી આપી છે. જાે કે નાઇટ કર્ફ્યુ પહેલાની જેમ ચાલુ રહેશે. મુખ્યમંત્રીએ કહ્યું કે હવે કોરોનાના કેસો નોંધપાત્ર રીતે નીચે આવ્યા છે, સક્રિય કેસ પણ એક હજારથી નીચે આવી ગયા છે.
તેથી રવિવારે કોરોના કર્ફ્યુ સમાપ્ત થઈ ગયો છે. સમગ્ર શહેરમાં રાત્રિનો કર્ફ્યુ દરરોજની જેમ ચાલુ રહેશે. મુખ્યમંત્રીની ઘોષણા બાદ હવે મધ્યપ્રદેશમાં દરરોજ રાત્રે આઠ વાગ્યા સુધી દુકાનો વગેરે ખોલવાની મંજૂરી આપવામાં આવી છે. જ્યારે કર્ફ્યુ રાત્રે ૧૦ થી સવારે ૬ વાગ્યા સુધી ચાલુ રહેશે.
