આમિર સાથેના રોમાન્ટિક ગીતમાં જેહ પણ હાજર હતો
મુંબઈ, તાજેતરમાં જ જાણવા મળ્યું છે કે કરીના કપૂર અને સૈફ અલી ખાનના બીજા દીકરાનું નામ જહાંગીર અલી ખાન છે. જહાંગીરને ઘરમાં બધા પ્રેમથી જેહ કહીને બોલાવે છે. કરીના કપૂરે જહાંગીરને લગતો એક રસપ્રદ કિસ્સો સંભળાવ્યો છે. ઉલ્લેખનીય છે કે ટુંક સમયમાં કરીના કપૂર આમિર ખાન સાથે ફિલ્મ લાલ સિંહ ચઢ્ઢામાં જાેવા મળશે. કરીના આ ફિલ્મની શૂટિંગ કરી રહી હતી ત્યારે તે પાંચ મહિના ગર્ભવતી હતી. ફિલ્મના શૂટિંગ દરમિયાન કરીના સૈફ અલી ખાસ સાથે તેમના ઘર પટૌડીમાં રહેતી હતી અને શૂટિંગ માટે દરરોજ દિલ્હી આવતી હતી. પ્રેગ્નેન્સીના દિવસોમાં શૂટિંગ બાબતે એક ન્યુઝ પોર્ટલ સાથેની વાતચીતમાં કરીનાએ જણાવ્યું કે, આ દરમિયાન તે સતત પોતાના ગાયનોકોલિજિસ્ટના સંપર્કમાં હતી.
આ વાતચીત દરમિયાન કરીનાએ મજાકમાં કહ્યું કે, આમ જાેવા જઈએ તો જેહ તેના અને આમિરના રોમાન્ટિક ગીતનો ભાગ હતો. કરીના કપૂરે જણાવ્યું કે તે ફિલ્મ માટે મોટાભાગે રાતે શૂટ કરતી હતી. તૈમૂર તેની સાથે હોવાને કારણે તે સૈફને પણ સાથે રહેવાની વિનંતી કરતી હતી. નોંધનીય છે કે કરીના અને આમિરની ફિલ્મ લાલ સિંહ ચઢ્ઢાના ડિરેક્ટર અદ્વૈત ચંદન છે. આ ફિલ્મ હોલિવૂડ ફિલ્મ ફોરેસ્ટ ગમ્પની ઓફિશિયલ રીમેક છે. ફિલ્મ ગત્ત વર્ષે ક્રિસમસ પર રિલીઝ થવાની હતી પરંતુ તેની રિલીઝ ડેટ ટળી ગઈ હતી. દરમિયાન, વર્કફ્રંટની વાત કરીએ તો, કરીના કપૂર આમિર ખાન સાથે ફિલ્મ લાલ સિંહ ચઢ્ઢામાં જાેવા મળશે. આ સિવાય કરીના પાસે કરણ જાેહરની મલ્ટીસ્ટારર ફિલ્મ તખ્ત છે. કરીનાએ હવે પ્રોડ્યુસર તરીકે પણ નવી શરૂઆત કરી છે. થોડા દિવસ પહેલા જ કરીનાએ એકતા કપૂર અને હંસલ મહેતા સાથેના નવા પ્રોજેક્ટની જાહેરાત કરી હતી.SSS
