ઈમરાનથી ઋષભ બની સાથે રહીને મહિલાની હત્યા કરી
પ્રતિકાત્મક
દહેરાદૂન, ગ્રેટર નોઈડાની ૩૧ વર્ષીય મહિલાનો મૃતદેહ નૈનિતાલમાં એક હોટલના રૂમમાંથી મળી આવ્યો હતો. આ ઘટનાના બે દિવસ બાદ ઉત્તરાખંડ પોલીસે યુવતીના લિવ-ઇન પાર્ટનર ઇમરાન ખાનની ધરપકડ કરી છે. પોલીસ દ્વારા ઈમરાનની ઓળખ ગુનાના સ્થળે મળેલા આઈડીના આધારે કરવામાં આવી હતી અને ગાઝિયાબાદ સુધી તેને ટ્રેક કરવામાં આવ્યો હતો. ગાઝિયાબાદના સિહાની ગેટ પાસે આવેલી ફાર્મસીમાંથી તેની ધરપકડ કરવામાં આવી છે.
એસપી સિટી દેવેન્દ્ર પિંચાએ જણાવ્યું કે હત્યા ગુસ્સામાં કરવામાં આવી હતી. તેણે કહ્યું, છેલ્લા કેટલાક મહિનાઓથી દંપતી રુપિયા માટે ઘણી વખત ઝઘડો કરતું હતું. ૧૬ ઓગસ્ટની વહેલી સવારે બંને વચ્ચે ઝઘડો થયો હતો, જેના કારણે ઇમરાને બાળકીનું ગળું દબાવીને હત્યા કરી હતી. પછી તે નોઈડામાં તેના ઘરે આવ્યો. અહીંથી પોતાનો સામાન ઉપાડ્યો અને ગાઝિયાબાદમાં તેના ઘરે ગયો.
પોલીસના જણાવ્યા અનુસાર, ઈમરાન એક વર્ષ પહેલા મહિલા સાથે ગ્રેટર નોઈડાના શાહબેરી વિસ્તારમાં આવેલી સોસાયટીમાં શિફ્ટ થયો હતો. તેણે આસપાસના લોકો સાથે પોતાનો પરિચય ઋષભ તરીકે આપ્યો. જ્યારે મહિલા એક રિયલ એસ્ટેટ ફર્મમાં કામ કરતી હતી, ત્યારે ઇમરાન ગાઝિયાબાદના પટેલ નગર વિસ્તારમાં ભંગારનો વેપારી હતો. બંનેએ છૂટાછેડા લીધા હતા.
ઈમરાન અને મૃતક મહિલા ૧૪ ઓગસ્ટના રોજ ઉસી ભવનથી અન્ય એક દંપતી સાથે નૈનિતાલ જવા નીકળ્યા હતા. અહીં તેઓ મૃતક મહિલાનો જન્મ દિવસ મનાવવાનો પ્લાન ધરાવતા હતાં. આ દરમિયાન હોટલમાં ચેક-ઇન દરમિયાન તેમણે રૂમ માટે મહિલાના આઈડીનો ઉપયોગ કર્યો હતો, જ્યાં ઈમરાનનું નામ ક્યાંય પિક્ચરમાં આવ્યું નહોતું. ઇમરાનની વાસ્તવિક ઓળખ ત્યારે સામે આવી જ્યારે પોલીસ અને ફોરેન્સિક ટીમોએ હત્યા સ્થળે તપાસ કરી તો ઇમરાનનું આઇડી મળી આવ્યું હતું. જેનાથી શંકા ઉભી થઇ કે ઋષભનું સાચું નામ ઇમરાન જ હશે. યુવતીના હાથ પર ઇમરાનના નામનું ટેટું પણ મળી આવ્યું હતું.SSS
