અમદાવાદમાં ઈસ્કોન બ્રિજ પર કારની અડફેટે મહિલાનું મોત
અમદાવાદ, અમદાવાદ શહેરમાં વધુ એક હિટ એન્ડ રનની ઘટના સામે આવી છે. પ્રાપ્ત વિગતો મુજબ શહેરના ઈસ્કોન બ્રિજ પર કારે મહિલાને ટક્કર મારતા મહિલાનું ઘટનાસ્થળે જ મોત નીપજ્યું હતું.
ઇસ્કોન બ્રિજ પર વહેલી સવારે ૫ વાગ્યે આ ઘટના બની હોવાનું જાણવા મળ્યું છે. વાહનની ઓળખ i૨૦ કાર તરીકે કરવામાં આવી છે. બનાવ અંગે એક રાહદારીએ કંટ્રોલ રૂમને જાણ કરતા પોલીસ ઘટનાસ્થળે પહોંચી હતી અને મૃતક મહિલાની ઓળખ સહિતની તપાસ શરૂ કરી હતી.
પ્રાપ્ત અહેવાલો મુજબ ઈસ્કોન બ્રિજ પર થયેલા હિટ એન્ડ રનમાં મહિલા ૧૦ ફૂટથી વધુ દૂર ઊછળીને પડી હતી. અકસ્માત બાદ વાહનચાલક ત્યાંથી ફરાર થઈ ગયો હતો. દરમિયાન ત્યાંથી પસાર થતાં એક રાહદારી દ્વારા પોલીસને ફોન કરી અકસ્માત અંગે જાણ કરી હતી. ત્યારબાદ પોલીસે ઘટનાસ્થળે આવી લાશને પોસ્ટમોર્ટમ માટે મોકલી હોસ્પિટલ મોકલીને હાલમાં મૃતક મહિલા કોણ છે તે અંગે તપાસ શર કરી છે.
ઉલ્લેખનીય છે કે, થોડા મહિના પહેલા શિવરંજની ચાર રસ્તા પાસે રાત્રે ૧૨ઃ૩૦ વાગ્યે પણ એક હિટ એન્ડ રનની ઘટના બની હતી, જેમાં આઈ ૨૦ કાર ફૂટપાથ પર સૂતેલા લોકો પર ફરી વળતાં એક મહિલાનું કમકમાટીભર્યું મોત નીપજ્યું હતું.
જ્યારે અન્ય અન્ય ૪ લોકો ગંભીર રીતે ઈજાગ્રસ્ત થતાં તેમને હોસ્પિટલમાં ખસેડાયા છે. આ કેસમાં અકસ્માત બાદ આઈ ૨૦ કારમાં બેઠેલા લોકો ભાગી ગયા હતા. જાે કે, બાદમાં પર્વ શાહના નામના કાર ચાલકે પોલીસમાં સરેન્ડર કરતા પોલીસે કાયેદસરની કાર્યવાહી કરી હતી.SSS
