શિલ્પાના પુત્રએ નાની બહેન સમિષાને યોગ શીખડાવ્યા
મુંબઈ, બોલિવુડ એક્ટ્રેસ શિલ્પા શેટ્ટી ફિટનેસ પ્રત્યે સભાન રહે છે. શિલ્પા શેટ્ટી અવારનવાર પોતાના સોશિયલ મીડિયા અકાઉન્ટ પર યોગ અને કસરત કરતાં વિડીયો તેમજ તસવીરો શેર કરતી રહે છે. આ પોસ્ટ દ્વારા તે વિવિધ આસનો અંગે અને તેના ફાયદા અંગે ફોલોઅર્સને જણાવતી રહે છે. શિલ્પા શેટ્ટીનો દીકરો વિઆન પણ મમ્મીની જેમ જ એક્સર્સાઈઝ કરે છે.
ત્યારે હવે નાનકડી સમિષા પણ આ બંનેના પગલે ચાલી રહી છે. હાલમાં જ શિલ્પા શેટ્ટીએ સમિષા અને વિઆનનો વિડીયો શેર કર્યો છે. જેમાં બંને યોગ કરતાં જાેવા મળે છે. દર સોમવારે શિલ્પા શેટ્ટી મોટિવેશનલ વિડીયો શેર કરતી હોય છે ત્યારે આ વખતે તેણે બંને બાળકો દ્વારા મન્ડે મોટિવેશન આપ્યું છે.
આ વિડીયોમાં નાનકડી સમિષાને યોગ કરવાનો પ્રયાસ કરતી જાેવાની મજા પડી જાય છે. એક્ટ્રેસે આ વિડીયો શેર કરતાં લખ્યું, “બાળકો ભીની માટી જેવા છે. આપણે શરૂઆતથી જ તેમને હેલ્ધી લાઈફસ્ટાઈલ તરફ વાળવા જાેઈએ. સંતુલિત આહાર, સ્વસ્થ રહેવું અને મન-મગજ પર કાબૂ રાખવાનું શીખવું અત્યંત મહત્વનું છે.
આ જ વસ્તુ મેં વિઆન સાથે કરી હતી અને હવે તે તેની નાનકડી ફૂલ (સમિષા)ને આ વસ્તુ શીખવી રહ્યો છે. આ જાેઈને મને ગર્વ થાય છે. સાથે યોગ કરીને તેઓ બોન્ડ મજબૂત કરી રહ્યા છે ત્યારે આ ખરેખર મન્ડ મોટિવેશન છે જે હેલ્ધી અને ફિટ રાખી શકે છે. તેમની સાથે તેમના માટે. તમારું અઠવાડિયું સારું રહે ઈન્સ્ટા ફેમ. સમિષા અને વિઆનનો આ વિડીયો માસી શમિતાને પણ ખૂબ પસંદ આવ્યો છે.
તેણે કોમેન્ટ કરતાં લખ્યું, વહાલા લાગે તેવા. માત્ર શમિતા જ નહીં ફેન્સને પણ શિલ્પાનો આ વિડીયો ખૂબ પસંદ આવ્યો છે. શિલ્પા શેટ્ટીનો દીકરો વિઆન જિમમાં દરેક એક્સર્સાઈઝ જાેશ અને ઉત્સાહથી કરે છે. શિલ્પા ઘણીવાર પોતાના સોશિયલ મીડિયા અકાઉન્ટ પર વિઆનના કસરત કરતાં વિડીયો પણ શેર કરતી રહે છે. છેલ્લા થોડા મહિનાઓથી શિલ્પા શેટ્ટી પતિ રાજ કુંદ્રાના કારણે ચર્ચામાં છે.
અશ્લીલ ફિલ્મો બનાવાના કેસમાં રાજ કુંદ્રાની ધરપકડ થઈ હતી. બે મહિના જેલમાં રહ્યા બાદ ૨૧ સપ્ટેમ્બરે રાજને જામીન પર છોડવામાં આવ્યો હતો. વર્કફ્રંટની વાત કરીએ તો શિલ્પા શેટ્ટી હાલ ડાન્સ રિયાલિટી શો ‘સુપર ડાન્સર ૪’માં જજ તરીકે જાેવા મળે છે.
આ શો બાદ શિલ્પા ‘ઈન્ડિયાઝ ગોટ ટેલેન્ટ’ની નવી સીઝનમાં પણ જજની ખુરશી પર બેસશે. ઉપરાંત શિલ્પાની ફિલ્મ ‘નિક્કમા’ પણ રિલીઝ થવાની છે. ફિલ્મમાં શિલ્પા સાથે અભિમન્યુ દાસાની છે.SSS
