શાહરૂખનો પુત્ર ગરીબ બાળકોને મદદ કરતો દેખાયો
મુંબઈ, રવિવારે, ૩ ઓક્ટોબરે ડ્રગ્સ કેસમાં ધરપકડ થઈ ત્યારથી શાહરુખ ખાનનો દીકરો આર્યન ખાન ચર્ચામાં છે. આર્યન ખાન હવે ૭ ઓક્ટોબર સુધી નાર્કોટિક્સ કંટ્રોલ બ્યૂરો (એનસીબી)ની કસ્ટડીમાં છે. જ્યાં એક તરફ બોલિવુડના મોટાભાગના સેલેબ્સ શાહરુખ ખાનને સપોર્ટ આપી રહ્યા છે, તો સોશિયલ મીડિયા પર આર્યનનો એક વીડિયો સોશિયલ મીડિયામાં વાયરલ થઈ રહ્યો છે, જેમાં તે ભીખ માગતા બાળકોની મદદ કરતો જાેવા મળી રહ્યો છે.
ઈન્ટરનેટ પર વાયરલ થયેલો વીડિયો કોઈ પાર્ટીનો હોય તેમ લાગી રહ્યું છે, જેમાં બોલિવુડની સેલેબ્સ પણ જાેવા મળી રહ્યા છે. આ વીડિયોમાં મલાઈકા અરોરાને તેના મિત્રોની સાથે જાેઈ શકાય છે અને અંતમાં આર્યન ખાન પણ રેસ્ટોરન્ટમાંથી બહાર નીકળે છે.
વીડિયોમાં રેડ હૂડી અને ડેનિમમાં આર્યન ખાન કૂલ લાગી રહ્યો છે. તે જેવો કારમાં બેસવા જાય છે કે, એક ભીમારી તેની પાસે મદદ માટે હાથ લંબાવે છે અને આર્યન તેની મદદ કરે પણ છે. ઉલ્લેખનીય છે કે, મુંબઈથી ગોવા જઈ રહેલી ક્રૂઝ પરથી એનસીબીએ આર્યન ખાન તેમજ અન્ય સાતની ધરપકડ કરી હતી.
એનસીબીના અરેસ્ટ મેમો પ્રમાણે, દરોડા બાદ ૧૩ ગ્રામ કોકેઈન, પાંચ ગ્રામ એમડી, ૨૧ ગ્રામ ચરસ, એક્સ્ટેસીની ૨૨ ગોળીઓ તેમજ ૧.૩૩ લાખ રૂપિયા જપ્ત કર્યા હતા. રિપોર્ટ્સ પ્રમાણે, એનસીબીની ટીમે ઝોનલ ડિરેક્ટર સમીર વાનખેડેના નેતૃત્વમાં ગોવા જઈ રહેલી શિપ, કે જેના પર પાર્ટી થવાની હતી ત્યાં દરોડા પાડ્યા હતા. બીજી તરફ, દીકરાની ધરપકડથી શાહરુખ ખાન પરેશાન છે.
આર્યન ખાનની ધરપકડ થઈ તે દિવસે રાતે સલમાન ખાન તેને મળવા માટે પહોંચ્યો હતો. આટલું જ નહીં બોલિવુડના નજીકના મિત્રો પણ તેને ફોન કરીને સપોર્ટ આપી રહ્યા છે. રિપોર્ટ્સ પ્રમાણે, એસઆરકેની ટીમે એક્ટરના મિત્રોને બંગલોની બહાર ભેગા થયેલા પાપારાઝીઓની સાથે સુરક્ષાની પરેશાનીને ધ્યાનમાં લઈને પરિવારને મળવા માટે મન્નત આવવાનું ટાળવાની વિનંતી કરી છે.SSS
