પીપલ્સ લિબરેશન આર્મી વ્યૂહાત્મક મોડેલ હેઠળ સરહદ નજીક આવી છે: પૂર્વીય સેના કમાંડર
નવીદિલ્હી, ભારત-ચીન સરહદ પર સતત તણાવ વચ્ચે પૂર્વીય સેનાના કમાન્ડર લેફ્ટનન્ટ જનરલ મનોજ પાંડેએ ચીનની વધતી ગતિવિધિઓ અંગે ચિંતા વ્યક્ત કરી છે. મંગળવારે તેમણે કહ્યું છે કે ચીની સેના જે રીતે સરહદ પર પોતાની કાર્યવાહી વધારી રહી છે તેને જાેતા અમે સર્વેલન્સ પણ વધારી દીધું છે. ચીનની પીપલ્સ લિબરેશન આર્મી વ્યૂહાત્મક મોડેલ હેઠળ સરહદ નજીક આવી છે, જેના કારણે ભારતીય સેના પણ વધુ તકેદારી રાખી રહી છે.
લેફ્ટનન્ટ જનરલ મનોજ પાંડેએ જણાવ્યું હતું કે અમે હવે કોઈપણ ખતરાનો સામનો કરવા માટે સર્વેલન્સ ડ્રોન અને યુએવી સામેલ કરવાનો ર્નિણય કર્યો છે. તેમજ રાત દેખરેખ માટે રડાર અને સંચાર વ્યવસ્થા લાવવામાં આવી છે. આ એટલા માટે કરવામાં આવ્યું છે કારણ કે વાસ્તવિક નિયંત્રણ રેખાના ઉંડા વિસ્તારોમાં પીએલએ તરફથી પ્રવૃત્તિઓમાં વધારો થયો છે.
તેમણે કહ્યું છે કે પીએલએમાં સૈન્ય કવાયતમાં થોડો વધારો થયો છે. પીએલએ વ્યૂહાત્મક મોડેલ મુજબ, ગામો સરહદની નજીક આવી ગયા છે. ચિંતા એ છે કે તેનો ઉપયોગ કેવી રીતે કરી શકાય. અમે અમારી યોજનાઓમાં આને ધ્યાનમાં લીધી છે. બંને પક્ષો એલએસી પાસે ઈન્ફ્રાસ્ટ્રક્ચર તૈયાર કરવાનો પ્રયાસ કરી રહ્યા છે, જેના કારણે ઘણી વખત તણાવ રહ્યો છે.
લેફ્ટનન્ટ જનરલ પાંડેએ કહ્યું કે ભારતે એલએસી અને ઠંડા વિસ્તારોમાં સર્વેલન્સ પણ વધાર્યું છે. અમારી પાસે કોઈપણ મુશ્કેલ પરિસ્થિતિનો સામનો કરવા માટે દરેક ક્ષેત્રમાં પૂરતું બળ છે. લેફ્ટનન્ટ જનરલ મનોજ પાંડે ઇસ્ટર્ન આર્મી કમાન્ડના જનરલ ઓફિસર કમાન્ડિંગ-ઇન-ચીફ છે. સિક્કિમ અને અરુણાચલ પ્રદેશના ઉત્તર -પૂર્વી રાજ્યોમાં ચીન સાથે વાસ્તવિક નિયંત્રણ રેખા (એલએસી) ની સુરક્ષા માટે તૈનાત છે.HS
