છેલ્લા દોઢ વર્ષ થી વધુ સમયથી બંધ મોડાસા-નડિયાદ રેલ્વે શરૂ કરવા માંગ 

(પ્રતિનિધિ)બાયડ, છેલ્લા દોઢ વર્ષ થી વધુ સમયથી બંધ મોડાસા-નડિયાદ રેલ્વે શરૂ કરવા ધનસુરા – અરવલ્લી જિલ્લા નિવૃત્ત કર્મચારી ઓ અને ધનસુરા સિનિયર સિટીઝન મંડળ દ્વારા માંગ કરવામાં આવી છે મોડાસા-નડિયાદ રેલ્વે છેલ્લા દોઢ વર્ષથી વધુ સમયથી બંધ છે.

હાલ લાખોના ખર્ચે શરૂ કરેલ રેલ્વેના પાટા અને સ્ટેશન ધુળ ખાય છે વર્ષો બાદ અરવલ્લી ના આ વિસ્તાર માં રેલ્વે આવી હતી કોરોના બાદ અંદાજે દોઢ વર્ષથી વધુ સમયથી આ રેલ બંધ છે  આ રેલ્વે માં ગરીબ મધ્યમ વર્ગ અને નિવૃત કર્મચારીઓ સિનિયર સિટીઝન  નડિયાદ-વડોદરા કામ હોય તો આરામથી બેસીને મુસાફરી કરી શકતા સીનિયર સિટીઝનો અને નિવૃત્ત કર્મચારી મંડળ એ માંગણી કરી છે કે આ રેલ્વે ને 15 દિવસમાં શરૂ કરવામાં આવે નહીતો ગાંધી ચિંધ્યા માર્ગે આંદોલન કરી રસ્તા રોકો કાર્યક્રમ આપવાની ફરજ પડશે નિવૃત્ત કર્મચારી મંડળ અને સિનિયર સિટીઝન મંડળ એ  જિલ્લા કલેક્ટર શ્રી ને નમ્ર વિનંતી કરી છે કે આ રેલ્વે શરૂ થાય તો પેસેન્જર  તેનો લાભ લઈ મુસાફરી કરી શકે.