અભિનેત્રી શિલ્પા શેટ્ટીએ દિવાળી પર ઘરે નાસ્તો બનાવ્યો
મુંબઈ, દિવાળીના તહેવારો શરૂ થઈ ગયા છે. દિવાળી પ્રકાશ અને ઉલ્લાસનું પર્વ તો છે જ સાથે જ આ તહેવાર દરમિયાન ભાતભાતના નાસ્તા અને વાનગીઓ આરોગવાની મજા જ કંઈક અલગ હોય છે. દિવાળી પહેલા ઘરમાં તીખી પૂરી, ફરસી પૂરી, સેવ, મઠિયા, ઘૂઘરા, શક્કરપારા, ચેવડો વગેરે જેવા નાસ્તા તેમજ મોહનથાળ, બેસનના લાડુ જેવી મીઠાઈ બનતી હોય છે.
સામાન્ય લોકોની જેમ બોલિવુડ એક્ટ્રેસ શિલ્પા શેટ્ટીએ પણ પોતાના ઘરે દિવાળીનો નાસ્તો બનાવ્યો છે. સોશિયલ મીડિયા પર એક્ટિવ રહેતી શિલ્પા શેટ્ટીએ હાલમાં જ પોતાના ઘરે બનેલા દિવાળીના નાસ્તાની ઝલક બતાવી છે. શિલ્પા શેટ્ટીએ ઈન્સ્ટાગ્રામ સ્ટોરીમાં બે વિડીયો શેર કર્યા છે. જેમાં એક મોટી થાળીમાં વિવિધ નાસ્તો અને મીઠાઈ જાેઈ શકાય છે.
વિડીયોમાં શિલ્પા શેટ્ટી કહે છે કે, અમે અમારી દર વર્ષની પરંપરા જાળવી રાખતાં આ વખતે પણ ઘરે નાસ્તો બનાવ્યો છે. શક્કરપારા, ઘૂઘરા, સેવ, કાજુ કતરી અને બેસનની બરફી ઘરે બનાવી છે. વિડીયોમાં શિલ્પા શેટ્ટી કહે છે કે, બેસન બરફી તેની મનપંસદ છે.
બાદમાં શિલ્પા દીકરી સમિષાને પણ બતાવે છે અને તેને હેપી દિવાળી કહે છે. સમિષાને પૂછે છે કે, તેને શું જાેઈએ છે? સમિષાએ ઈશારો કરતાં શિલ્પા તેને ઘૂઘરો આપે છે. આ પરથી અંદાજાે લગાવી શકાય કે શિલ્પાની નાનકડી દીકરીને ઘૂઘરો પસંદ છે.
શિલ્પા શેટ્ટી દરેક તહેવારને રિવાજાે પ્રમાણે ઉજવે છે અને તેની ઝલક પણ ફેન્સને બતાવતી રહે છે. શિલ્પા શેટ્ટીએ ધનતેરસે પોતાની એક તસવીર શેર કરીને ફેન્સને ધનતેરસની શુભેચ્છા પાઠવી હતી. એક્ટ્રેસે લખ્યું હતું, પ્રકાશના પર્વની શરૂઆત થઈ છે ત્યારે તમારું જીવન હકારાત્મકતા, ખુશીઓ, કૃતજ્ઞતા, પ્રેમ અને સ્મિતથી પ્રજ્વલિત થાય. ધનતેરસની શુભેચ્છા. હેપી દિવાળી. સ્વસ્થ રહો, ખુશ રહો.
શિલ્પા શેટ્ટી માટે તહેવારોનું ખૂબ મહત્વ છે. પતિ રાજ કુંદ્રા જેલમાં હતો ત્યારે પણ શિલ્પા શેટ્ટીએ ગણેશોત્સવ શ્રદ્ધાપૂર્વક ઉજવ્યો હતો અને બાપ્પાને પોતાના ઘરે બોલાવ્યા હતા. હવે પતિ જેલમાંથી છૂટીને આવી ગયો છે ત્યારે શિલ્પા દરેક તહેવારને બમણા ઉત્સાહથી ઉજવી રહી છે.
મહત્વનું છે કે, પોર્નોગ્રાફી કેસમાં બે મહિના સુધી જેલમાં રહ્યા બાદ રાજ કુંદ્રા ઘરે આવ્યો હતો. થોડા દિવસ પહેલા જ તેણે પોતાના ટિ્વટર અને ઈન્સ્ટાગ્રામ અકાઉન્ટ ડિલીટ કરી નાખ્યા છે. મીડિયા રિપોર્ટ પ્રમાણે, જેલમાંથી છૂટીને આવ્યા બાદ રાજ ઘરની બહાર નીકળવાનું ટાળી રહ્યો છે. કરવા ચોથ પર શિલ્પા પોતાની મમ્મી અને બાળકો સાથે અલીબાગ ગઈ હતી એ વખતે પણ રાજ તેમની સાથે જાેવા નહોતો મળ્યો.SSS
