અભિનેતા સલમાન ખાને ગાંધી આશ્રમમાં રેંટિયો કાંત્યો
અમદાવાદ, સલમાન ખાન, આયુષ શર્મા અને મહિમા મકવાણા સ્ટારર ફિલ્મ અંતિમઃ ધ ફાઈનલ ટ્રુથ બોક્સઓફિસ પર ધીમે-ધીમે સ્પીડ પકડી રહી છે. ફિલ્મ રિલીઝ થયા બાદ સલમાન ખાન તેને પ્રમોટ કરવા માટે સિટી ટૂર કરવાનો છે અને તેની શરૂઆત તેણે અમદાવાદથી કરી છે.
સલમાન ખાન સોમવારે અમદાવાદનો મહેમાન બન્યો હતો અને આ દરમિયાન તેણે સાબરમતી સ્થિત ગાંધી આશ્રમની મુલાકાત લીધી હતી. સલમાન ખાન તેના બોડીગાર્ડ શેરા સાથે અમદાવાદ આવ્યો હતો. તે સૌથી પહેલા ગાંધી આશ્રમ પહોંચ્યો હતો, તે ૧૦ મિનિટ સુધી આશ્રમમાં રહ્યો હતો.
આ દરમિયાન તેણે ત્યાં રેંટિયો કાંત્યો હતો અને સુતરની આંટી બનાવી હતી. જે તમે ગળામાં પહેરવાના બદલે હાથમાં પહેરી લીધી હતી. એક્ટરે ગાંધી આશ્રમમાં રાખવામાં આવેલી વિઝિટ બૂકમાં લાંબો મેસેજ પણ લખ્યો હતો.
સલમાન ખાન અમદાવાદમાં હોવાનું જાણ્યા બાદ મોટી સંખ્યામાં ચાહકો ગાંધી આશ્રમ બહાર ઉમટ્યા હતા અને તેની એક ઝલક મેળવવા માટે પડાપડી કરી હતી. એક્ટરને જાેઈને ફેન્સે મોટેથી ચીચીયારી પાડી હતી. તો કેટલાક ફેન્સને તેની સાથે સેલ્ફી પડાવવાની પણ તક મળી હતી.
એક્ટર જ્યારે ગાંધી આશ્રમથી વિદાય લઈ રહ્યો હતો ત્યારે તેને ગિફ્ટમાં નાનો રેંટિયો પણ આપવામાં આવ્યો હતો. અમદાવાદ બાદ સલમાન ખાન આ જ અઠવાડિયે ફિલ્મના પ્રમોશન માટે ચંડીગઢ, હૈદરાબાદ, બેંગલુરુ અને ઈંદોર જવાનો છે.
આ અંગે વાત કરતાં એક્ટરે કહ્યું હતું કે ‘આ સમયે આપણે દર્શકો સુધી પહોંચીએ તે જરૂરી છે. પહેલા અમે રિલીઝ બાદ જ ફિલ્મ પ્રમોટ કરતા હતા પરંતુ નજીકના ભૂતકાળમાં તેમ કરવાનું બંધ થઈ ગયું હતું. અંતિમને દર્શકો તરફથી મળી રહેલા પ્રેમથી સલમાન ખાન ખુશ છે. તેણે ખુલાસો કર્યો હતો કે, ફિલ્મમાં મારો રોલ નાનો છે તેવી ગેરસમજણ હતી.
‘તેવી ગેરસમજણ હતી કે મારો રોલ ૧૫ મિનિટનો જ છે. હવે તે સ્પષ્ટતા થઈ ગઈ છે કે, આયુષ સાથે આખી ફિલ્મમાં છું’. વીકએન્ડ પર ‘અંતિમ’ના કલેક્શનમાં ઉછાળો જાેવા મળ્યો હતો. સલમાન ખાને આ વાતને પ્રોત્સાહન આપનારી કહી હતી.SSS
