લોકો જુહીને કહેતા કે તેણે પૈસા માટે વૃદ્ધ સાથે લગ્ન કર્યા
મુંબઈ, જુહી ચાવલા બોલિવૂડની સૌથી બબલી અભિનેત્રીઓમાંની એક છે. ૯૦ ના દાયકામાં, દરેક, નિર્દેશક અને નિર્માતા તેમની સાથે કામ કરવા માંગતા હતા. તેની સુંદરતા, ઉત્કૃષ્ટ અભિનય અને બબલીના કારણે દરેક તેના દિવાના હતા. જુહી ચાવલાએ વર્ષ ૧૯૮૪માં મિસ ઈન્ડિયાનો તાજ જીતીને લોકોને પોતાની સુંદરતાના દિવાના બનાવી દીધા હતા.
આ ટાઇટલ જીત્યા બાદ તેણે બોલિવૂડમાં પગ મૂક્યો હતો. તેણે કયામત સે કયામત તક ફિલ્મથી બોલિવૂડમાં એન્ટ્રી કરી હતી. આ ફિલ્મમાં આમિર ખાન તેની ઓપોઝિટ લીડ રોલમાં જાેવા મળ્યો હતો. જુહીએ તેના સમયના લગભગ તમામ કલાકારો સાથે કામ કર્યું છે. ખિલાડી ફિલ્મમાં અક્ષય સાથે જુહીની જાેડી લોકોને પસંદ પડી હતી. બોલિવૂડમાં કદાચ સલમાન એકમાત્ર એવો અભિનેતા છે જેની સાથે જૂહી કોઈ ફિલ્મમાં જાેવા મળી નથી.
જુહીનો જન્મ વર્ષ ૧૯૬૭માં ૧૩ નવેમ્બરે અંબાલામાં થયો હતો. હવે જુહી ૫૩ વર્ષની છે. પરંતુ તેની સુંદરતા હજુ પણ એ રીતે જ ચમકે છે જે તે દિવસોમાં હતી. જુહી ચાવલાને પહેલીવાર મોટા પડદા પર જાેઈને દરેક તેની એક્ટિંગ અને સુંદરતાના ફેન થઈ ગયા. આ પછી જૂહીને એક પછી એક ફિલ્મો મળવા લાગી.
જૂહીના કરિયરના પિક પર પહોંચતા જ તેણે બિઝનેસમેન જય મહેતા સાથે લગ્ન કરી લીધા. તેમના અચાનક લગ્નના સમાચાર સાંભળીને બધા ચોંકી ગયા. ફિલ્મ ઈન્ડસ્ટ્રીમાં પણ ઘણા લોકો તેમના ર્નિણયને સ્વીકારવા તૈયાર ન હતા. જૂહીના આ લગ્નથી બધાને આશ્ચર્ય થયું કારણ કે જૂહીના અફેરના પહેલાથી કોઈ સમાચાર નહોતા. લગ્ન બાદ જ્યારે બંનેની પહેલી તસવીર એકસાથે આવી ત્યારે લોકોએ ફની જાેક્સ સાથે તસવીરો પર કમેન્ટ પણ કરી હતી.
લોકો કહેવા લાગ્યા કે જુહીએ પૈસા માટે વૃદ્ધ સાથે લગ્ન કર્યા. આટલી બધી વાતો કરવા છતાં જુહીએ ક્યારેય પોતાના અને પતિ જય વિશે વાત કરી નથી. જુહી ચાવલાના પતિ મોટા બિઝનેસમેન છે. જય મહેતા ‘મહેતા’ ગ્રુપના માલિક છે. તમને જણાવી દઈએ કે જૂહી જય મહેતાની બીજી પત્ની છે.
જય મહેતાએ તેમના પ્રથમ લગ્ન સુજાતા બિરલા સાથે કર્યા હતા. પરંતુ વર્ષ ૧૯૯૦માં સુજાતાનું એક પ્લેન અકસ્માત દરમિયાન મૃત્યુ થયું હતું. અને પછી થોડા દિવસો પછી જૂહીની માતાનું પણ અકસ્માત દરમિયાન મૃત્યુ થયું. આવી સ્થિતિમાં જુહી અને જય બંને સાવ એકલા પડી ગયા. આવી સ્થિતિમાં બંનેએ એકબીજા સાથે લગ્ન કર્યા અને આ મુશ્કેલ સમયમાં એકબીજાને સાથ આપ્યો.SSS
