યૉટ પર બહેનપણીઓ સાથે રજાઓ ગાળી રહ્યા છે નીતૂ કપૂર
મુંબઈ, ૨૦૨૦માં પતિ ઋષિ કપૂરના નિધન બાદ નીતૂ કપૂર ભાંગી પડ્યા હતા. પરંતુ તેમના સંતાનો રિદ્ધિમા અને રણબીર કપૂરે મમ્મીને હારવા ના દીધા અને તેમનામાં હિમત ફૂંકી, ફરી જીવવાની આશા જગાવી. બાળકો અને પરિવારના સપોર્ટથી આજે નીતૂ પોતાની જિંદગી ફરી સંભાળી લીધી છે.
નીતૂ કપૂર પ્રોફેશનલ લાઈફની સાથે અંગત જીવનને પણ દિલ ખોલીને માણી રહ્યા છે. નીતૂ કપૂર હાલ પોતાની બહેનપણીઓ સાથે રજાઓ ગાળી રહ્યા છે. તેમણે સોશિયલ મીડિયા પર વિવિધ તસવીરો શેર કરીને પોતાની યૉટ લાઈફની ઝલક બતાવી હતી. નીતૂ કપૂરે ઈન્સ્ટાગ્રામ સ્ટોરીમાં બહેનપણીઓ સાથે તસવીરો શેર કરીને આ ટ્રીપને ‘ડિટોક્સ ટ્રીપ’ ગણાવી છે.
જાેકે, નીતૂ વેકેશન માટે ક્યાં ગયા છે તેનો તેમણે ઉલ્લેખ કર્યો નથી. એક તસવીરમાં નીતૂ યૉટ ચલાવતાં જાેવા મળી રહ્યાં છે. બ્લૂ રંગના પટ્ટાવાળા શર્ટ અને સફેદ પેન્ટમાં નીતૂ હંમેશાની જેમ ખૂબસૂરત લાગી રહ્યાં છે. તેમના હોલિડે લૂકને ગોગલ્સ સાથે પૂરો કર્યો છે. નીતૂએ આ ટ્રીપની અન્ય બે તસવીરો શેર કરી છે. જેમાંથી એક સમુદ્રની છે. સમુદ્રનું લીલા રંગનું પાણી આંખને ટાઢક આપનારું છે. નીતૂએ ફોટો શેર કરતાં પાણીના રંગના વખાણ કર્યા છે.
તો બીજી તસવીર સ્મૂધીની છે. નીતૂ કપૂર અવારનવાર પોતાના મિત્રો અને પરિવારજનો સાથે નાનકડા ગેટ-ટુ-ગેધર ગોઠવતાં રહે છે અને તેની ઝલક સોશિયલ મીડિયા પર પણ બતાવે છે. નીતૂનાં બંને બાળકો પોતપોતાના કામ અને જિંદગીમાં વ્યસ્ત છે ત્યારે નીતૂ પોતાની રીતે જિંદગીના પાછલા વર્ષોને માણી રહ્યા છે.
અગાઉ એક ઈન્ટરવ્યૂમાં નીતૂએ કહ્યું હતું કે, તેઓ બાળકોની જિંદગીમાં દખલગીરી કરનારા માતા નથી. તેઓ પર્સનલ સ્પેસનું મહત્વ સમજે છે અને તે બાળકોને આપે છે અને પોતાને પણ મળે તેવું ઈચ્છે છે. વર્કફ્રંટની વાત કરીએ તો, લાંબા સમય બાદ નીતૂ કપૂર ફિલ્મી પડદે વાપસી કરવા જઈ રહ્યા છે.
નીતૂ હવે રાજ મહેતાની આગામી ફિલ્મ ‘જુગ જુગ જિયો’માં જાેવા મળશે. આ ફિલ્મમાં નીતૂ ઉપરાંત અનિલ કપૂર, કિયારા અડવાણી અને વરુણ ધવન છે. આ ફિલ્મ ૨૪ જૂન ૨૦૨૨ના રોજ રિલીઝ થવાની છે.SSS
