યુપીની વિધાનસભા ચૂંટણીમાં કાળા નાણાનો દુરુપયોગઃ અત્યાર સુધીમાં ૪૪ કરોડ જપ્ત
પ્રતિકાત્મક
લખનૌ, યુપીની વિધાનસભા ચૂંટણીમાં કાળા નાણાના દુરુપયોગને રોકવામાં આવકવેરા વિભાગને સારી સફળતા મળી રહી છે. સમગ્ર રાજ્યમાં અત્યાર સુધીમાં ૪૪ કરોડ રૂપિયાનો જપ્ત કરવામાં આવ્યો છે જે રેકોર્ડ છે. એકલા કાનપુરમાં ૧૪ કરોડ રૂપિયા જપ્ત કરવામાં આવ્યા છે. રોકડ જપ્તીની બાબતમાં શહેર પ્રથમ ક્રમે છે. જયારે નોઇડામાં ૧૩ કરોડ અને લખનૌમાં ૧૦ કરોડ જપ્ત કરવામાં આવ્યા હતા.
અન્ય જગ્યાએ સાત કરોડ પકડાયા છે. ઈન્કમટેક્સના ઈતિહાસમાં ક્યારેય આટલી રોકડ પકડાઈ નથી. ૨૦૧૯માં યોજાયેલી લોકસભા ચૂંટણી દરમિયાન યુપીમાં ૧૧ કરોડ ઝડપાયા હતા. તે મહત્તમ રોકડ કબજે કરવાનો કેસ હતો.
આવકવેરા વિભાગના સૂત્રોના જણાવ્યા અનુસાર ૨૦૧૭ની વિધાનસભા ચૂંટણીમાં ૯ કરોડ રૂપિયા જપ્ત કરવામાં આવ્યા હતા. ૨૦૧૪ની લોકસભા ચૂંટણીમાં પાંચ કરોડ રૂપિયા જપ્ત કરવામાં આવ્યા હતા. ૨૦૨૨ની વિધાનસભા ચૂંટણીમાં ભંડોળનો દુરુપયોગ રોકવા માટે આવકવેરા વિભાગની તૈયારીઓ ફળદાયી પરિણામો બતાવી રહી છે.
ચૂંટણીમાં રોકડ રોકવા માટે, આવકવેરા વિભાગે યુપી પશ્ચિમ અને ઉત્તરાખંડ માટે ૭૨ અધિકારીઓની ટીમ તૈયાર કરી છે. અધિકારીઓ અને કર્મચારીઓ લખનૌના મુખ્ય કંટ્રોલ રૂમ સાથે ૨૪ કલાક સીધા સંપર્કમાં હોય છે.
ચૂંટણી પહેલા કાનપુર અને કન્નૌજમાં જંગી નાણા મળ્યા બાદ ઈન્કમ ટેક્સની તપાસ મહાનિર્દેશાલયે પોતાની રણનીતિ બદલી છે. દરેક જિલ્લા માટે આવકવેરા અધિકારી અને સહયોગી અધિકારીઓની નિમણૂંક કરવામાં આવી હતી. ચૂંટણી માટે ખાસ અધિકારીની નિમણૂક કરવામાં આવી હતી.
સૂત્રોએ જણાવ્યું કે રેલવે, એરપોર્ટ, બસ સ્ટેન્ડ ઉપરાંત ડિપાર્ટમેન્ટ ઇન્ફોર્મર સિસ્ટમ દ્વારા કાળા નાણા પર નજર રાખી રહ્યું છે. વિભાગ બેંકો સાથે થતા વ્યવહારો પર પણ નજર રાખે છે.
લક્ઝરી વાહનોમાં મુસાફરી કરનારાઓ, ઉમેદવારોના નજીકના અને સંબંધીઓ પર પણ નજર રાખવામાં આવી રહી છે. વિભાગના ઉચ્ચ અધિકારીઓએ જણાવ્યું કે હવે કાનપુર સહિત સમગ્ર રાજ્યમાં ૪૪ કરોડ રૂપિયા જપ્ત કરવામાં આવ્યા છે. આજ સુધી કોઈ ચૂંટણીમાં આવી રોકડ રકમ પકડાઈ નથી.HS
