પોલીસને રાજસ્થાનમાં અકસ્માત, ૪ કોન્સ્ટેબલ સહિત ૫નાં મોત
અમદાવાદ, એક રોડ અકસ્માતની ઘટનાના કારણે ગુજરાત પોલીસ બેડામાં શોકનો માહોલ છવાયો છે. ભાવનગર પોલીસની ટીમ આરોપીને લઈને દિલ્હી-જયપુર હાઈવે પરથી ગુજરાત આવી રહી હતી ત્યારે રોડ અકસ્માતની ઘટના બની હતી, જેમાં પાંચના મોત થયા છે.
જેમાં ચાર પોલીસ કોન્ટેબલના મોત થયા છે. આ પોલીસ કોન્ટેબલની ટીમ એક આરોપીને લઈને ભાવનગર આવી રહી હતી ત્યારે આ અકસ્માત સર્જાયો હતો. આ બનાવની જાણ થતાં ગુજરાત પોલીસના અધિકારીઓ ઘટના સ્થળ પર જવા માટે રવાના થયા હોવાના અહેવાલો પ્રાપ્ત થઈ રહ્યા છે, આ અકસ્માત કઈ રીતે સર્જાયો તે અંગે પણ ગુજરાત પોલીસ દ્વારા તપાસ કરવામાં આવી શકે છે.
મળતી વિગતો પ્રમાણે દિલ્હી-જયપુર હાઈવે પર થયેલા રોડ અકસ્માતમાં ગુજરાત પોલીસના ચાર પોલીસકર્મી સહિત પાંચના મોત થયા છે. આ અકસ્માત જયપુરના શાહપુર પાસે સર્જાયો હોવાની વિગતો સામે આવી રહી છે.
સ્થાનિક મીડિયા રિપોર્ટ્સમાં એવી માહિતી સામે આવી રહી છે કે ભરતનગર પોલીસ સ્ટેશનની ટીમ આરોપીની તપાસ માટે ત્રણ દિવસ પહેલા ગઈ હતી અને આજે ટીમ આરોપી સાથે પરત ફરી રહી હતી ત્યારે રસ્તામાં ગંભીર અકસ્માતની ઘટના બની છે. બનાવની જાણ થતા ભાવનગરના પોલીસ બેડામાં શોકનો માહોલ સર્જાઈ ગયો છે. બનાવ અંગે કોન્સ્ટેબલોના પરિવારને જાણ કરી દેવામાં આવી છે.
આ સાથે અકસ્માતનું કારણ શું છે તે અંગે પણ તપાસ કરવામાં આવશે. કયા ગુનાના આરોપીને ભાવનગર લાવવાની તજવીજ હાથ ધરવામાં આવી રહી હતી તે અંગે હજુ સુધી કોઈ વિગતો સામે આવી નથી.
અકસ્માત અંગે સત્તાવાર જાહેરાત ટૂંક સમયમાં કરવામાં આવી શકે છે. આ અકસ્માતની ઘટના કઈ રીતે સર્જાઈ તે અંગે પણ ગુજરાત પોલીસ દ્વારા રાજસ્થાનમાં જઈને તપાસ હાથ ધરવામાં આવી શકે છે. આ બનાવ અંગે પોલસ દ્વારા પ્રેસકોન્ફરન્સમાં વધારાની વિગતો જણાવવામાં આવી શકે છે.SSS
