કોરોનાના કેસ વચ્ચે મનીષ સિસોદિયાની બેઠકઃ ટૂંક સમયમાં જ શાળાઓને માર્ગદર્શિકા જાહેર કરાશે
નવી દિલ્હી, રાષ્ટ્રીય રાજધાનીમાં કોવિડ -19 ના કેસોમાં મામૂલી વધારાને ધ્યાનમાં રાખીને, દિલ્હી સરકાર ટૂંક સમયમાં શાળાઓ માટે આ સંબંધિત માર્ગદર્શિકા જારી કરશે.
દિલ્હીના નાયબ મુખ્યમંત્રી મનીષ સિસોદિયાએ ગુરુવારે આ માહિતી આપી હતી. નોંધનીય છે કે સિસોદિયાની આ ટિપ્પણી દિલ્હી તેમજ નેશનલ કેપિટલ રિજન (NCR)માં કેટલાક શાળાના વિદ્યાર્થીઓના કોરોના વાયરસથી સંક્રમિત થવાના સમાચાર સામે આવ્યા બાદ આવી છે.
નાયબ મુખ્યમંત્રીએ પત્રકારોને જણાવ્યું કે કોવિડ-19ના કેસોમાં થોડો વધારો થયો છે. પરંતુ હોસ્પિટલમાં દાખલ દર્દીઓની સંખ્યામાં વધારો થયો નથી, તેથી ગભરાવાની જરૂર નથી, પરંતુ સાવચેત રહેવાની જરૂર છે. સિસોદિયાએ કહ્યું કે આપણે કોવિડ-19 સાથે જીવતા શીખવું પડશે. અમે સ્થિતિ પર સતત નજર રાખી રહ્યા છીએ.
