સરદાર પટેલના મહત્વ અને આધુનિક યુનિફાઇડ ભારત પ્રત્યેની તેમની દ્રષ્ટિ સમજવા માટે અભિયાન
સરદાર વલ્લભભાઇ પટેલની 144 મી જન્મજયંતિ અને રાષ્ટ્રીય એકતા દિવસની ઉજવણી નિમિત્તે, લોહપુરૂષ સરદાર વલ્લભભાઇ પટેલ અને તેમની ઉપદેશોને સમજવા માટે એક અભિયાન શરૂ કરવા પબ્લિક રિલેશનસ સોસાયટી ઓફ ઇન્ડિયા- અમદાવાદ ચેપ્ટર, એક્સ્ટા માર્ક્સ, રંગ બહાર, એચપી ક્રિએશન, એનઆઈએમસીજે, ટી – મેન, બેક ટૂ બચ્ચપન, અને સ્ટ્રેટેજિક મીડિયા સર્વિસીસ જેવી અનેક સંસ્થાઓ એક સાથે જોડાયા છે.
આ અભિયાન સરદાર વલ્લભભાઇ પટેલની 144 મી જન્મજયંતી 31 ઓક્ટોબર, 2019 થી શરૂ થશે અને 15 મી ડિસેમ્બર, 2019 ના રોજ તેની પુણ્યતિથિએ સમાપન થશે જેના ભાગ રૂપે, આ સંસ્થાઓ વિવિધ શાળાઓ અને સંસ્થાઓમાં ક્વિઝ અને વકતૃત્વ સ્પર્ધા કરશે.
શ્રી વલ્લભભાઇ પટેલના જીવન પર સંશોધન અધ્યયનના આધારે અમદાવાદ અને ખેડા પ્રદેશના શાળાઓને આ અભિયાનમાં ભાગ લેવા આમંત્રણ આપવામાં આવશે. બારડોલીની શાળાઓમાં પણ પહોંચવાનો પ્રયાસ કરવામાં આવશે . સરદાર વલ્લભભાઇ પટેલની પુણ્યતિથિ નિમિત્તે 15 ડિસેમ્બરે વકતૃત્વ સ્પર્ધાનું ભવ્ય સમાપન યોજાશે.
નેશનલ ઇન્સ્ટિટ્યૂટ ઓફ માસ કમ્યુનિકેશન એન્ડ જર્નાલિઝમ ખાતે યોજાયેલ પત્રકાર પરિષદમાં પીઆરએસઆઈ – અમદાવાદ ચેપ્ટરના અનેક અધિકારીઓ, રંગબહારના શ્રી રાજેન્દ્ર ભગત, એક્સ્ટા માર્ક્સના શ્રી શૈશવ કાયસ્થ, એચપી ક્રિએશનના શ્રી હાર્દિક પંચોલી, ટી – મેનના શ્રી પરેશ દવે અને બેક ટૂ બચ્ચપનાં શ્રી. કૌશલ શાહે આ અભિયાન માટે એક સાથે હાથ મિલાવ્યા.
પી. આર.એસ.આઈ. અમદાવાદ ચેપ્ટરના સેક્રેટરી શ્રી સુબોજિત સેન, મીડિયા મિત્રોને આ અભિયાનનો પરિચય આપ્યો અને પી.આર.એસ.આઈ. અમદાવાદ ચેપ્ટરના કોર કમિટી સભ્ય શ્રી પથિક શાહે મીડિયા મિત્રોને માહિતી આપી કે પી.આર.એસ.આઇ. સમાજમાં અર્થપૂર્ણ અભિયાન ચલાવવા માટે પ્રતિબદ્ધ છે અને રાષ્ટ્રીય પીઆર દિવસ, વિશ્વ પર્યાવરણ દિવસ, શિક્ષક દિવસ, મહિલા દિવસ અને તાજેતરના વિશ્વ હેરિટેજ દિવસની ઉજવણીઓ પછી , ભારતની સ્વતંત્રતા વાર્તામાં સરદાર પટેલની ભૂમિકાને સમજવી મહત્વપૂર્ણ હતી.
શ્રી રાજેન્દ્ર ભગત, જેમણે સરદાર પર અનેક પુસ્તકો લખ્યા છે અને અસંખ્ય નાટકોમાં સરદાર પટેલની ભૂમિકા ભજવી છે, તેમણે આ મહાન નેતાના મહત્વના લક્ષણો પર પ્રકાશ પાડ્યો અને તેમના નેતૃત્વના ગુણોને માન આપ્યું. એક્સ્ટ્રા માર્ક્સના શ્રી શૈશવ કાયસ્થએ યુવા પેઢી ને સરદાર વલ્લભભાઇ પટેલના જીવનકાળના અભ્યાસ પ્રત્યે રસ દાખવવા ક્વિઝિંગ પ્રવૃત્તિઓની આવશ્યકતા પર પ્રકાશ પાડ્યો. અભિયાનમાં નોલેજ ભાગીદાર તરીકે, એક્સ્ટ્રામાર્કસ અને શ્રી શૈશવ ક્વિઝ પ્રક્રિયાના આયોજનમાં મહત્વપૂર્ણ ભૂમિકા ભજવશે. એચપી ક્રિએશનના શ્રી હાર્દિક પંચોલી ઉપસ્થિત રહ્યા હતા અને સરદાર વલ્લભભાઇ પટેલ પર તેમના વિચારો શેર કર્યા હતા.
સુભોજિત સેને જણાવ્યું હતું કે 15 ડિસેમ્બરે એક આચાર્ય સેમિનાર યોજવામાં આવશે, જે “યુનાઇટેડ વી સ્ટેન્ડ અને ડિવાઇડેડ વી ફોલના” વિવિધ દ્રષ્ટિકોણને સમજવાનો પ્રયત્ન કરશે. ક્વિઝિંગ અને વકતૃત્વ સત્રો દરમિયાન વિવિધ સમયે બાળકોને પ્રોત્સાહિત કરવા અભિયાન દરમિયાન કેટલાક જાણીતા મહેમાનોને પણ આમંત્રિત કરવામાં આવશે. તેમણે અભિયાનમાં હાથ મિલાવવા બદલ ટી મેન અને બેક ટુ બચ્ચપન જેવી સંસ્થાઓનો આભાર પણ માન્યો.
NIMCJ ના ફેકલ્ટી શ્રી શશિકાંત ભગતે, મીડિયા મિત્રો સાથે PRSI ની પ્રવૃત્તિઓ વિશે અને લોહપુરૂષ સરદાર વલ્લભભાઇ પટેલ પર આ આખું અભિયાન આપણને આપણા રાષ્ટ્રને નવી પ્રકાશમાં સમજવામાં કેવી રીતે મદદ કરશે તે વિશે વાત કરી.
