બોલિવૂડની ખાન ત્રિપૂટી સાથે કામ કરવા નથી માંગતી જાહ્નવી કપૂર
મુંબઈ, બોલિવૂડ અભિનેત્રી જાહ્નવી કપૂર ફિલ્મ ઈન્ડસ્ટ્રીની બહુચર્ચિત અભિનેત્રીઓમાંથી એક છે. જાહ્નવી ફિલ્મોની સાથે સાથે પર્સનલ લાઈફ અને ફેશનને કારણે પણ ચર્ચામાં રહે છે. જાહ્નવીએ વર્ષ ૨૦૧૮માં ફિલ્મ ધડક સાથે બોલિવૂડમાં એન્ટ્રી કરી હતી.
ત્યારપછી તેણે ઘણી ફિલ્મોમાં કામ કર્યું અને તેના અભિનયના પણ વખાણ કરવામાં આવે છે. અત્યારે જાહ્નવી પોતાની ફિલ્મ ગુડ લક જેરીને કારણે ચર્ચામાં છે. જાહ્નવીની આ ફિલ્મ તાજેતરમાં જ રીલિઝ થઈ છે.
જાહ્નવીના અભિનયના આ ફિલ્મમાં પણ વખાણ કરવામાં આવ્યા છે. તાજેતરમાં જાહ્નવીએ એક વાતચીત દરમિયાન બોલિવૂડની ખાન ત્રિપૂટી સાથે કામ કરવા બાબતે અભિપ્રાય વ્યક્ત કર્યો હતો. ઉલ્લેખનીય છે કે, શાહરુખ ખાન, સલમાન ખાન અને આમિર ખાનની એક આગવી ઓળખ છે. દરેક એક્ટર અને ખાસકરીને ન્યુકમર્સ તેમની સાથે કામ કરવાની ઈચ્છા ધરાવે છે.
પરંતુ જાહ્નવીએ કહ્યું કે, જાે તે આ એક્ટર્સ સાથે કામ કરશે તો થોડું અજીબ લાગશે. પરંતુ તે ચોક્કસપણે તેમની સાથે કામ કરવાનું પસંદ કરશે.
ઉલ્લેખનીય છે કે જાહ્નવી કપૂર અત્યારે માત્ર ૨૫ વર્ષની છે જ્યારે ત્રણેય ખાનની ઉંમર ૫૫ કરતા વધારે છે. જાહ્નવી કપૂરે આગળ જણાવ્યું કે, તેને લાગે છે કે તે પડદા પર વરુણ ધવન અને રણબીર કપૂર જેવા એક્ટર્સ સાથે કામ કરતી સારી લાગશે. આ સાથે જ જાહ્નવીએ આલિયા ભટ્ટના પણ વખાણ કર્યા હતા. જાહ્નવીએ કહ્યું કે, આલિયાથી તે ઘણી પ્રભાવિત થઈ છે.
વર્કફ્રટની વાત કરીએ તો જાહ્નવીની ફિલ્મ ગુડ લક જેરી ઓટીટી પ્લેટફોર્મ પર રીલિઝ થઈ છે. ફિલ્મને પોઝિટિવ રિસ્પોન્સ મળ્યો છે અને તેના અભિનયના પણ વખાણ થઈ રહ્યા છે.
ફિલ્મમાં જાહ્નવીએ એક સીધી-સાદી બિહારની યુવતીનો રોલ પ્લે કર્યો છે જે માતાનો જીવ બચાવવા માટે કંઈ પણ કરવા તૈયાર છે.
હવે તે નિતેશ તિવારીની ફિલ્મ બવાલમાં જાેવા મળશે, જેમાં તેની સાથે અભિનેતા વરુણ ધવન પણ હશે. આ સિવાય તે મિસ્ટર એન્ડ મિસિસ માહી, મિલી અને તખ્ત જેવી ફિલ્મોમાં જાેવા મળશે.SS1MS
