ખાખરા, પૌઆ અને ફરસાણ મેળવીને ખુશ થઈ પ્રિયંકા ચોપરા
બોની અને ખુશી કપૂરનો માન્યો આભાર
પ્રિયંકાએ તસવીર શેર કરી તેમાં બોની અને ખુશી કપૂર તરફથી મોકલવામાં આવેલો નાસ્તો જાેવા મળ્યો હતો
મુંબઈ, બોલિવૂડ અને હોલિવૂડ અભિનેત્રી પ્રિયંકા ચોપરાએ સોશિયલ મીડિયા પ્લેટફોર્મ ઈન્સ્ટાગ્રામની સ્ટોરીમાં એક ફોટો શેર કરીને પ્રોડ્યુસર બોની કપૂર અને તેમની દીકરી ખુશી કપૂરનો આભાર વ્યક્ત કર્યો છે.પ્રિયંકા ચોપરા ભલે અમેરિકા રહેતી હોય, પરંતુ તે ત્યાં પણ ભારતીય સંસ્કૃતિને જાળવી રાખે છે. તે ભારતીય વાનગીઓની પણ શોખીન છે. અને પછી જ્યારે તેને ઘરનો સ્વાદ મળ્યો તો તે ખુશ ખુશ થઈ ગઈ હતી.
પ્રિયંકાએ જે તસવીર શેર કરી તેમાં બોની અને ખુશી કપૂર તરફથી ભારથી મોકલવામાં આવેલો નાસ્તો જાેઈ શકાય છે.
તસવીરમાં તમે જાેઈ શકો છો કે પ્રિયંકાના ટેબલ પર ખાખરા, પૌઆ, સેવ, ફરસી પુરી સહિતના ફરસાણ પડ્યા છે. આ તસવીરની સાથે પ્રિયંકા ચોપરાએ લખ્યું છે કે, બોની કપૂર અને ખુશી કપૂર, ઘરના સ્વાદ માટે તમારો આભાર. ઉલ્લેખનીય છે કે પ્રિયંકા ચોપરા ઈન્ડિયન ફૂડની શોખીન છે.
ન્યૂ યોર્કમાં તેની પોતાની એક રેસ્ટોરાં પણ છે, જ્યાં ઈન્ડિયન ફૂડ સર્વ કરવામાં આવે છે. આ રેસ્ટોરાંનું નામ સોના છે.
વર્ક ફ્રંટની વાત કરીએ તો પ્રિયંકા ચોપરા હવે ઘણાં પ્રોજેક્ટ્સમાં જાેવા મળશે. સિટાડેલ સીરિઝ ઓટીટી પ્લેટફોર્મ અમેઝોન પ્રાઈમ પર જાેવા મળશે.
બોલિવૂડ પ્રોજેક્ટ્સની વાત કરીએ તો હવે તે ફરહાન અખ્તરની ફિલ્મ જી લે ઝરામાં આલિયા ભટ્ટ અને કેટરિના કૈફ સાથે જાેવા મળશે. નિક જાેનસ સાથે લગ્ન કર્યા પછી તે અમેરિકામાં શિફ્ટ થઈ ગઈ છે. તાજેતરમાં જ સરોગસીના માધ્યમથી પ્રિયંકા અને નિક માતા-પિતા બન્યા છે. તેમણે દીકરીનું નામ માલતી મેરી ચોપરા જાેનસ રાખ્યું છે.
ખુશી કપૂરની વાત કરવામાં આવે તો ઝોયા અખ્તરની અપકમિંગ ફિલ્મ ધ આર્ચીઝ સાથે તે બોલિવૂડમાં એન્ટ્રી કરવાની છે. આ ફિલ્મમાં તેની સાથે શાહરુખ ખાનની દીકરી સુહાના ખાન અને અમિતાભ બચ્ચનનો દોહિત્ર અગસ્ત્ય નંદા પણ હશે. ફિલ્મમાં મિહિર અહુજા, વેદાંગ રૈના અને યુવરાજ મેંદા પણ લીડ રોલમાં જાેવા મળશે. આ ફિલ્મ પોપ્લુયર આર્ચી કોમિક્સનું અડેપ્ટેશન છે. આ ફિલ્મ વર્ષ ૨૦૨૩માં રીલિઝ થવાની છે. ખુશી કપૂર સોશિયલ મીડિયા પર ઘણી સક્રિય છે.ss1
