અભિનેત્રી શિલ્પા શેટ્ટીના ઘરે બાપ્પાની પધરામણી
મુંબઈ, શિલ્પા શેટ્ટી ધાર્મિક વ્યક્તિ પણ છે અને તે દર વર્ષે પોતાના ઘરે દિવાળી, નવરાત્રી, જન્માષ્ટમી, રક્ષાબંધન સહિતના તહેવારોને ખૂબ જ ધામધૂમથી ઉજવે છે, જેમાં ગણેશ ચતુર્થીનો પણ સમાવેશ થાય છે. ૩૧ ઓગસ્ટથી ગણેશોત્સવની શરૂઆત થઈ રહી છે અને આ પહેલા એક્ટ્રેસના ઘરે બાપ્પાની પધરામણી થઈ ગઈ છે.
આમ તો દર વર્ષે તે પોતે જ સોળ શણગાર સજીને ગણેશજીની મૂર્તિ લેવા માટે જાય છે. પરંતુ આ વખતે તેના એક પગમાં ફ્રેક્ચર થયું હોવાથી પતિ રાજ કુંદ્રા ગણપતિજીની મૂર્તિ લેવા માટે ગયો હતો. તેઓ જ્યારે ઘરે પહોંચ્યા ત્યારે શિલ્પા પોતાનો ઉત્સાહ રોકી શકી નહોતી અને તેમની આગતાસ્વાગતા કરવા માટે બહાર આવી હતી.
ગયા વર્ષે જેલમાંથી જામીન પર બહાર આવ્યો ત્યારથી રાજ કુંદ્રા પોતાનું મોં છુપાવતો ફરે છે અને વિચિત્ર માસ્ક પહેરે છે. જ્યારે તે ગણેશજીની મૂર્તિ લેવા માટે ગયો ત્યારે પણ વ્હાઈટ હૂડી, ડેનિમ અને યલ્લો સ્નીકર્સ પહેર્યા હતા.
તેણે પોતાનો ચહેરો ઠંકાઈ જાય એવું ફેસ શીલ્ડ પહેરીને ગયો હતો. બાપ્પાને પગે લાગ્યો ત્યારે પણ પોતાનું ફેસ શીલ્ડ કાઢ્યું હતું. તેના ઘરે મુંબઈના પ્રખ્યાત લાલ બાગ ચા રાજા જેવી મૂર્તિની પધરામણી કરવામાં આવી છે. સામે આવેલા વીડિયોમાં તેને વ્હાઈટ ટીશર્ટ અને ટ્રાઉઝરમાં જાેઈ શકાય છે. તે સૌથી પહેલા ગણેશજીને પગે લાગી હતી અને આરતી ઉતાર્યા બાદ ભગવાનને ઘર અંદર લઈ જવાયા હતા.
આ સમયે સૌએ ‘ગણપતિ બાપ્પા મોરીયા’ના નારા લગાવ્યા હતા. શિલ્પા શેટ્ટી માટે આ વખતની ગણેશ ચતુર્થી એટલા માટે પણ ખાસ છે કારણ કે, આખો પરિવાર સાથે બેસીને પૂજા-અર્ચના કરશે. ગયા વર્ષે ગણેશ ચતુર્થી પહેલા જ પોર્નોગ્રાફી કેસમાં પતિ રાજ કુંદ્રાની મુંબઈ ક્રાઈમ બ્રાંચ પોલીસે ધરપકડ કરી હતી.
જુલાઈમાં પોલીસે તેને પકડ્યો હતો અને બે મહિના બાદ એટલે કે સપ્ટેમ્બરમાં જામીન પર તેનો છુટકારો થયો હતો. આ દરમિયાન એક્ટ્રેસે દીકરા વિઆન, દીકરી સમિષા સહિતના પરિવારના સભ્યો સાથે નિરાશ થયા વગર ગણેશ ઉત્સવ મનાવ્યો હતો.
આટલું જ નહીં ગણેશ વિસર્જન પણ એટલું ધામધૂમથી કર્યું હતું. તેણે તેની ઝલક પણ સોશિયલ મીડિયા પર દેખાડી હતી. વર્ક ફ્રંટની વાત કરીએ તો, શિલ્પા શેટ્ટીએ હાલમાં જ તેની અપકમિંગ ફિલ્મ ‘સુખી’નું શૂટિંગ આટોપ્યું હતું. તે ખૂબ જલ્દી રોહિત શેટ્ટીના અપકમિંગ પ્રોજેક્ટ ‘ઈન્ડિયન પોલીસ ફોર્સ’માં સિદ્ધાર્થ મલ્હોત્રા અને વિવેક ઓબેરોય સાથે સ્ક્રીન શેર કરતી દેખાશે, જે ઓટીટી પ્લેટફોર્મ પર રિલીઝ થશે.SS1MS
