“સ્વચ્છ સ્ટેશન” થીમ પર ડિવિઝનના તમામ સ્ટેશનો પર સઘન સફાઈ કરવામાં આવી
17 અને 18 સપ્ટેમ્બરના રોજ અમદાવાદ રેલ્વે સ્ટેશન ખાતે રક્તદાન શિબિરનું આયોજન
પશ્ચિમ રેલવેના અમદાવાદ ડિવિઝન દ્વારા 16 સપ્ટેમ્બર-2022 થી 30 સપ્ટેમ્બર 2022 સુધી સ્વચ્છતા પખવાડાની ખૂબ જ ધામધૂમથી ઉજવણી કરવામાં આવી રહી છે.
સ્વચ્છતા પખવાડાની શરૂઆત 16મી સપ્ટેમ્બર, 2022ના રોજ અધિકારીઓ, રેલ્વે કામદારો અને સફાઈ કર્મચારીઓને સ્વચ્છતા સંકલ્પ લેવડાવવા સાથે થઈ હતી. સ્વચ્છતા પખવાડા દરમિયાન દરરોજ અલગ-અલગ થીમ પર કાર્યક્રમોનું આયોજન કરવામાં આવે છે.
તા.17.09.22 અને 18.09.22 શનિવાર અને રવિવારને “સ્વચ્છ સ્ટેશન” દિવસ તરીકે મનાવવામાં આવ્યો હતો જેમાં તમામ સ્ટેશનોને ઈલેક્ટ્રીકલ સાધનો વડે સંપૂર્ણ રીતે સાફ કરવામાં આવ્યા હતા, આસપાસના વિસ્તારની સફાઈ કરવામાં આવી હતી અને સોલાર સિસ્ટમની કાર્યક્ષમતા સુનિશ્ચિત કરવામાં આવી હતી.
સ્વચ્છતા/પ્લાસ્ટિક પ્રદૂષણ/સિંગલ યુઝ પોલીથીનનો ઉપયોગ ન કરવા સંબંધી પેઈન્ટીંગ/પોસ્ટર સ્પર્ધાનું આયોજન કરવામાં આવ્યું છે. સ્ટેશનો, ઓફિસો/રેલ્વે પરિસર, પ્લેટફોર્મ, ફૂટ બ્રિજ વગેરે પર ગંદકી ફેલાવનારાઓને પણ સમજાવટ સાથે સજા કરવામાં આવી હતી. આ સાથે સ્ટેશનો પર એનાઉન્સમેન્ટ સિસ્ટમ દ્વારા સ્વચ્છતાને લગતી જાહેરાતો પણ સતત કરવામાં આવી રહી છે, જેથી મુસાફરોને સ્વચ્છતા અંગે જાગૃત કરી શકાય.
અખિલ ભારતીય તેરાપંથ યુવક પરિષદના સહયોગથી અમદાવાદ રેલવે સ્ટેશન પર રક્તદાન શિબિરનું આયોજન કરવામાં આવ્યું હતું, જેમાં 58 યુનિટ રક્તદાન કરવામાં આવ્યું હતું. તમામ રેલ્વે સ્ટેશનો પર બેનર પોસ્ટર અને જાહેર જાહેરાત દ્વારા મુસાફરોને સ્વચ્છતા જાળવવા અને કચરાના યોગ્ય નિકાલ અંગે જાગૃત કરવામાં આવ્યા હતા.
