Western Times News

Gujarati News

તાપમાન ઊંચું અને ભેજનું પ્રમાણ હોવાના કારણે થંડરસ્ટ્રોમ એક્ટિવિટી

અમદાવાદમાં વરસાદી ઝાપટા -રાજ્યમાં ઉત્તર પશ્ચિમના ફૂંકાય રહ્યા છે, 

(એજન્સી)અમદાવાદ, ચોમાસાની ઋતુ પૂર્ણતાના આરે છે. દરમિયાન આજે વડોદરામાં ધોધમાર વરસાદ વરસ્યો હતો. અચાનક વાતાવરણમાં પલ્ટા સાથે તોફાની વરસાદ ત્રાટક્યો હતો. જેને લઇને શહેરના માર્કેટ, માંડવી, નવાપુરા, દાડિયા બજાર, રાવપુરા, અલકાપુરીમાં પાણી.. પાણી..ના દ્રશ્યો સર્જાયા હતા.

હવામાન વિભાગની આગાહીને લઈને હાલ અમદાવાદ શહેરના પૂર્વ વિસ્તારમાં વરસાદ શરૂ થયો છે. પૂર્વના નિકોલ, ઓઢવ, વિરાટનગર, નરોડા, મેમ્કો, કઠવાડા સહિતના વિસ્તારોમાં વરસાદી ઝાપટાં પડતાં વાતાવરણમાં ઠંડક પ્રસરી હતી.

રાજ્યમાંથી ચોમાસાની વિદાય થઈ ગઈ છે તેમ છતાં પણ અનેક વિસ્તારમાં વરસાદી માહોલ છે તે જાેવા મળી રહ્યો છે ત્યારે હવામાન વિભાગ દ્વારા પણ આગાહી કરવામાં આવી છે કે આગામી ચાર દિવસ સામાન્ય વરસાદ રહેશે અને થન્ડર સ્ટોમ એક્ટિવિટીના કારણે ૩૦ થી ૪૦ કિલોમીટરની ઝડપે પવન ફુંકાશે.

જાેકે, હવામાન વિભાગની આગાહી પ્રમાણે આજે અમદાવાદના અનેક વિસ્તારોમાં વહેલી સવારે છૂટો છવાયો વરસાદ વરસ્યો હતો. ૭ ઓક્ટોબરના રોજ થન્ડર સ્ટોમ એક્ટિવિટીના કારણે દાહોદ, નર્મદા, ડાંગ, તાપી, નવસારી, વલસાડમાં સામાન્યથી મધ્યમ વરસાદની સંભાવના રહેશે

સાથે જ ૩૦થી ૪૦ કિલોમીટરની ઝડપે પવન ફૂંકાવાનું પણ હવામાન વિભાગનું અનુમાન છે. ૮ ઓક્ટોબરના રોજ પંચમહાલ, દાહોદ, નર્મદા, ડાંગ, તાપી, નવસારી, વલસાડ, દમણ દાદરા નગર હવેલી, ભાવનગર અને ગીર સોમનાથમાં થન્ડર સ્ટ્રોમ એક્ટિવિટીના કારણે ૩૦થી ૪૦ કિલોમીટરની ઝડપે પવન ફૂંકાશે.

તેમજ સામાન્યથી મધ્યમ વરસાદનું હવામાન વિભાગનું અનુમાન છે. ૯ ઓક્ટોબરના રોજ સામાન્યથી મધ્યમ વરસાદ રહેશે. પંચમહાલ, દાહોદ, નર્મદા, ડાંગ, તાપી, નવસારી, વલસાડ, દમણ દાદરા નગર હવેલી, ભાવનગર અને ગીર સોમનાથમાં વરસાદનું અનુમાન છે. રાજ્યમાં ઉત્તર પશ્ચિમના ફૂંકાય રહ્યા છે.

તાપમાન ઊંચું અને ભેજનું પ્રમાણ હોવાના કારણે થંડરસ્ટોમ એક્ટિવિટી થઈ રહી છે. જેના કારણે વાતાવરણમાં પલટો જાેવા મળી રહ્યો છે.

ગુરુવારે વહેલી સવારથી જ અમદાવાદ શહેરના વાતાવરણમાં પલટો જાેવા મળી રહ્યો છે. અમદાવાદ શહેરના બોપલ, પ્રહલાદ નગર, એસજી હાઇવે, આણંદ નગર સહિતના અનેક વિસ્તારોમાં સામાન્ય વરસાદ થયો છે. ચોમાસું પાક તૈયાર થઈ ગયો છે. ત્યારે વાતાવરણ પલટો અને કમોસમી વરસાદના કારણે ડાંગરના પાક અને મગફળીના પાકને નુકસાન થવાની ભીતી સેવાય રહી છે. વાતાવરણ પલટાએ ખેડૂતોની ચિંતા વધારી છે.


Read News In Hindi

Read News in English

Copyright © All rights reserved. | Developed by Aneri Developers.